དཀོན་མཆོག་ཏ་ལ་ལའི་གཟུངས།

The Dhāraṇī of the Jewel Torch
F.80.a

Ratnolkādhāraṇī
F.80.a, volume 57, Degé Kangyur

འདྲ་དང་། །​དགའ་ལྡན་གནས་སུ་འཛམ་བུའི་གསེར་མདོག་འདྲ། །​འཐབ་བྲལ་གནས་སུ་ཁ་བ་བ་མོའི་མདོག །​སུམ་ཅུ་རྩ་གསུམ་གསེར་གྱི་འོད་ཟེར་འདྲ། །​སྐྱོང་བའི་གནས་སུ་དཔལ་གྱི་སྙིང་པོའི་མདོག །​རྒྱ་མཚོར་མུ་ཏིག་དམར་པོའི་མདོག་འདྲ་བཀོད། །​མི་ཅི་གནས་སུ་མཐོན་མཐིང་བཻ་དཱུརྱ། །​ཀླུ་ཡི་གནས་སུ་དཔལ་གྱི་སྙིང་པོའི་མདོག །​གསང་བའི་གནས་སུ་ཤེལ་གྱི་མདོག་འདྲ་བ། །​ལྷ་མིན་གནས་སུ་རྡོ་ཡི་སྙིང་པོ་འདྲ། །​བྱང་དུ་ནོར་བུ་སྐར་མདོག་ཁ་དོག་འདྲ། །​གླིང་གཞན་རྣམས་སུའང་བཀོད་པ་གཞན་དང་གཞན། །​འཛམ་བུའི་གླིང་དུ་ཟླ་བའི་ནོར་བུ་འབར། །​སྤྲིན་གྱི་མཚན་ཉིད་འཐུན་པའི་གློག་ཀྱང་འགྱེད། །​དེ་ནི་དབང་སྒྱུར་གནས་སུ་ཚངས་སྒྲ་སྒྲོགས། །​འཕྲུལ་དགའ་གནས་སུ་རྔ་སྒྲ་སྒྲོག་པར་བྱེད། །​དགའ་ལྡན་གནས་སུ་སིལ་སྙན་རོལ་མོའི་སྒྲ། །​འཐབ་བྲལ་གནས་སུ་ལྷ་ཡི་བུ་མོའི་སྒྲ། །​སུམ་ཅུ་གསུམ་དུ་མི་ཅི་མང་པོའི་སྐད། །​སྐྱོང་བའི་གནས་སུ་དྲི་ཟའི་སྐད་དུ་སྟེ། །​རྒྱ་མཚོར་རི་འཐབ་སྒྲ་སྐད་འདྲ་བའོ། །​མི་ཅི་གནས་སུ་གླིང་བུ་ཀུ་ནལ་སྒྲ། །​ཀླུ་ཡི་གནས་སུ་ཀ་ལ་པིང་ཀའི་སྒྲ། །​གསང་བའི་གནས་སུ་ཀླུ་ཡི་བུ་མོའི་སྒྲ། །​ལྷ་མིན་གནས་སུ་ལྷ་ཡི་རྫ་རྔའི་སྒྲ། །​མི་ཡི་གནས་སུ་རྒྱ་མཚོ་གླིང་བུའི་སྒྲ། །དེ་ནི་དབང་སྒྱུར་གནས་སུ་ལྷ་སྤོས་ཞིམ། །​མེ་ཏོག་སྣ་ཚོགས་བཀོད་པའི་ཆར་ཡང་འབེབས། །​འཕྲུལ་དགར་ཟླ་བ་ཟླ་བཟངས་འདྲ་བ་ཡི། །​མེ་ཏོག་མན་དཱར་ཕྲེང་དང་བྱུག་པ་འབེབས། །​དགའ་ལྡན་གནས་སུ་ནོར་བུ་ཆེན་པོའི་མདོག །​རྒྱན་གྱི་དམ་པ་རིན་ཆེན་སྣ་ཚོགས་དང་། །​གཙུག་གི་ནོར་བུ་ཟླ་བ་འདྲ་བ་དང་། །​གསེར་མདོག་འདྲ་བའི་དར་ལའི་ཆར་ཡང་འབེབས། །​རྒྱལ་མཚན་གདུགས་དང་བ་དན་སྣ་ཚོགས་དང་། །​ཕྲེང་བ་རྣམས་དང་རྒྱན་དང་བྱུག་པ་དང་། །​མུ་ཏིག་དམར་དང་གསེར་དང་དར་ལ་དང་། །​སིལ་སྙན་ཡིད་འོང་འཐབ་བྲལ་གནས་སུ་འབེབས། །​སུམ་ཅུ་གསུམ་དུ་ཡིད་བཞིན་ནོར་བུ་མཆོག །​སྐྱོང་བའི་གནས་སུ་ཙན་དན་སྙིང་པོའི་མཆོག །​གུར་གུམ་སིལ་མ་ལྷ་ཤིང་ཏ་མ་ལ། །​སྤོས་ཆུའི་རྒྱུན་དང་མེ་ཏོག་རབ་ཏུ་འབེབས། །​སྐྱོང་བའི་གནས་སུ་ཀླུ་ཡི་དབང་པོ་དེ། །​ཉམ་སྟོབས་སྐྱེ་བའི་ཁ་ཟས་སྐོམ་གྱི་རྣམས། །​ཁ་དོག་དྲི་ཞིམ་རོ་དང་

eKangyur, UT4CZ5369-I1KG9183-0000, page 159 (80a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh145/UT22084-057-004-2759#UT22084-057-004-2759