The Ratnaketu Dhāraṇī
F.223.b
ཚིག་འདྲ་གང་གི་སྙིང་ག་མཆིས། །སྐག་ལ་སྐྱེས་ཏེ་ཐབ་མོ་སྲེད། །ཚུལ་ཁྲིམས་འཆལ་ཞིང་འགྲོགས་མི་བདེ། །དེ་ནི་གཡེམ་ལ་དགའ་བའོ། །འོག་གམ་བྲང་ངམ་རྒྱབ་ཅིག་ན། །གང་ལ་བྱི་སྲན་འདྲ་བ་གདའ། །མཆུ་ལ་སྐྱེས་ཏེ་ནོར་དང་ལྡན། །བཙུན་ཞིང་ཆོས་དང་ལྡན་པའི་མི། །ལྟེ་བ་གཡས་གཡོན་གཉིས་ཀ་ན། །གང་ལ་རྨ་འདྲ་གདའ་བ་ནི། །དེ་ནི་གྲེ་ལ་སྐྱེས་པ་སྟེ། །སེར་སྣ་ཆེ་ཞིང་ཚེ་ཡང་ཐུང་། །ལྟེ་བ་མན་ཆད་སོར་བཞི་ན། །གང་ལ་སྨེ་བ་རབ་གདའ་བ། །སྤོ་ལ་དེ་སྐྱེས་ལོངས་སྤྱོད་ཅན། །ཁྲིམས་ལྡན་ཤི་འཕོས་མཐོ་རིས་མཆི། །མེ་བཞི་ལ་ནི་སྐྱེས་པ་དག །སྨེ་བ་དམར་པོ་ཆུ་སོར་གདའ། །རྐུ་ཞིང་གཡོ་ཅན་སྒྱུ་མ་སྟེ། །བསོད་ནམས་ཆུང་ཞིང་ཤེས་པ་ཞན། །གང་གི་མཚན་ལ་སྨེ་བ་ནི། །གདའ་བར་གྱུར་པ་ངེས་པར་ཡང་། །ནག་པ་ལ་ནི་སྐྱེས་པ་སྟེ། །འདོད་ཆགས་གླུ་གར་རྟག་ཏུ་དགའ། །མཚན་གྱི་འོག་གམ་སྟེང་ན་ནི། །སྨེ་བ་སེར་པོ་རབ་ཏུ་གདའ། །ས་རི་ལ་ནི་དེ་སྐྱེས་ཏེ། །མི་མཁས་བརྐམ་ཞིང་མང་པོ་སྡང་། །བརླ་གཉིས་ཀྱི་ནི་མཛུབ་གང་ན། །སྨེ་བ་དམར་པོ་དེ་བཞིན་ཏེ། །ས་ག་ལ་སྟེ་ཤོར་བ་མཆོག །སྐྱེས་པ་བུད་མེད་རྣམས་ཀྱིས་བསྐོར། །མཁས་ཤིང་དཔའ་ལ་དགྲ་ཡང་ཐུལ། །རྟག་ཏུ་བདེ་ལ་གནས་པ་སྟེ། །ངོ་ཚ་ཤེས་ཤིང་བརྟན་དང་ལྡན། །ཤི་འཕོས་ནས་ནི་མཐོ་རིས་སྐྱེ། །བརླ་གཉིས་ཀྱི་ནི་མཛུབ་དོ་ན། །གང་ལ་བྱི་སྲན་འདྲ་བ་གདའ། །ལྷ་མཚམས་ལ་སྟེ་ཚུལ་ཁྲིམས་ཅན། །ཆོས་དང་ལོངས་སྤྱོད་ལྡན་པའོ། །གང་གི་བརླ་འོག་གཉིས་ན་ནི། །སྨེ་བ་གདའ་བ་སྣྲོན་ལ་སྐྱེས། །མི་སྡུག་ཚེ་ཐུང་ཚུལ་ཁྲིམས་འཆལ། །དབུལ་ཞིང་སྙིང་རྗེ་མ་མཆིས་སོ། །པུས་མོ་གཉིས་ཀའི་གོང་ན་ནི། །གང་ལ་རྨ་ཆུང་གདའ་བ་དེ། །སྣྲུབས་ལ་སྐྱེས་ཏེ་དབང་ཐང་ཅན། །མྱུར་དུ་བདག་ཁྱིམ་ཞིག་པར་བགྱིད། །ཆུ་སྟོད་ལ་ནི་སྐྱེས་པ་དག །སྨེ་བ་པུས་མོའི་ལྷ་ང་ན། །སྦྱིན་པ་བགྱིད་ཅིང་ཆོས་ལམ་འཚལ། །ཤི་འཕོས་ནས་ནི་མཐོ་རིས་མཆི། །ཆུ་སྨད་ལ་ནི་སུ་སྐྱེས་པ། །གྲུ་དོ་ལ་ནི་སྨེ་བ་མཆིས། །དེ་ལྟར་གདའ་བ་ཤེས་དང་ལྡན། །ལོངས་སྤྱོད་ལྡན་ཞིང་སེམས་ཅན་བྱམས། །སྨེ་བ་གཉིས་པོ་གདའ་བ་ནི། །གྲོ་བཞིན་ལ་སྟེ་ལོངས་སྤྱོད་རྟག །དེ་བཞིན་ནད་མེད་སེམས་ཅན་བྱམས། །
ཚིག་འདྲ་གང་གི་སྙིང་ག་མཆིས། །སྐག་ལ་སྐྱེས་ཏེ་ཐབ་མོ་སྲེད། །ཚུལ་ཁྲིམས་འཆལ་ཞིང་འགྲོགས་མི་བདེ། །དེ་ནི་གཡེམ་ལ་དགའ་བའོ། །འོག་གམ་བྲང་ངམ་རྒྱབ་ཅིག་ན། །གང་ལ་བྱི་སྲན་འདྲ་བ་གདའ། །མཆུ་ལ་སྐྱེས་ཏེ་ནོར་དང་ལྡན། །བཙུན་ཞིང་ཆོས་དང་ལྡན་པའི་མི། །ལྟེ་བ་གཡས་གཡོན་གཉིས་ཀ་ན། །གང་ལ་རྨ་འདྲ་གདའ་བ་ནི། །དེ་ནི་གྲེ་ལ་སྐྱེས་པ་སྟེ། །སེར་སྣ་ཆེ་ཞིང་ཚེ་ཡང་ཐུང་། །ལྟེ་བ་མན་ཆད་སོར་བཞི་ན། །གང་ལ་སྨེ་བ་རབ་གདའ་བ། །སྤོ་ལ་དེ་སྐྱེས་ལོངས་སྤྱོད་ཅན། །ཁྲིམས་ལྡན་ཤི་འཕོས་མཐོ་རིས་མཆི། །མེ་བཞི་ལ་ནི་སྐྱེས་པ་དག །སྨེ་བ་དམར་པོ་ཆུ་སོར་གདའ། །རྐུ་ཞིང་གཡོ་ཅན་སྒྱུ་མ་སྟེ། །བསོད་ནམས་ཆུང་ཞིང་ཤེས་པ་ཞན། །གང་གི་མཚན་ལ་སྨེ་བ་ནི། །གདའ་བར་གྱུར་པ་ངེས་པར་ཡང་། །ནག་པ་ལ་ནི་སྐྱེས་པ་སྟེ། །འདོད་ཆགས་གླུ་གར་རྟག་ཏུ་དགའ། །མཚན་གྱི་འོག་གམ་སྟེང་ན་ནི། །སྨེ་བ་སེར་པོ་རབ་ཏུ་གདའ། །ས་རི་ལ་ནི་དེ་སྐྱེས་ཏེ། །མི་མཁས་བརྐམ་ཞིང་མང་པོ་སྡང་། །བརླ་གཉིས་ཀྱི་ནི་མཛུབ་གང་ན། །སྨེ་བ་དམར་པོ་དེ་བཞིན་ཏེ། །ས་ག་ལ་སྟེ་ཤོར་བ་མཆོག །སྐྱེས་པ་བུད་མེད་རྣམས་ཀྱིས་བསྐོར། །མཁས་ཤིང་དཔའ་ལ་དགྲ་ཡང་ཐུལ། །རྟག་ཏུ་བདེ་ལ་གནས་པ་སྟེ། །ངོ་ཚ་ཤེས་ཤིང་བརྟན་དང་ལྡན། །ཤི་འཕོས་ནས་ནི་མཐོ་རིས་སྐྱེ། །བརླ་གཉིས་ཀྱི་ནི་མཛུབ་དོ་ན། །གང་ལ་བྱི་སྲན་འདྲ་བ་གདའ། །ལྷ་མཚམས་ལ་སྟེ་ཚུལ་ཁྲིམས་ཅན། །ཆོས་དང་ལོངས་སྤྱོད་ལྡན་པའོ། །གང་གི་བརླ་འོག་གཉིས་ན་ནི། །སྨེ་བ་གདའ་བ་སྣྲོན་ལ་སྐྱེས། །མི་སྡུག་ཚེ་ཐུང་ཚུལ་ཁྲིམས་འཆལ། །དབུལ་ཞིང་སྙིང་རྗེ་མ་མཆིས་སོ། །པུས་མོ་གཉིས་ཀའི་གོང་ན་ནི། །གང་ལ་རྨ་ཆུང་གདའ་བ་དེ། །སྣྲུབས་ལ་སྐྱེས་ཏེ་དབང་ཐང་ཅན། །མྱུར་དུ་བདག་ཁྱིམ་ཞིག་པར་བགྱིད། །ཆུ་སྟོད་ལ་ནི་སྐྱེས་པ་དག །སྨེ་བ་པུས་མོའི་ལྷ་ང་ན། །སྦྱིན་པ་བགྱིད་ཅིང་ཆོས་ལམ་འཚལ། །ཤི་འཕོས་ནས་ནི་མཐོ་རིས་མཆི། །ཆུ་སྨད་ལ་ནི་སུ་སྐྱེས་པ། །གྲུ་དོ་ལ་ནི་སྨེ་བ་མཆིས། །དེ་ལྟར་གདའ་བ་ཤེས་དང་ལྡན། །ལོངས་སྤྱོད་ལྡན་ཞིང་སེམས་ཅན་བྱམས། །སྨེ་བ་གཉིས་པོ་གདའ་བ་ནི། །གྲོ་བཞིན་ལ་སྟེ་ལོངས་སྤྱོད་རྟག །དེ་བཞིན་ནད་མེད་སེམས་ཅན་བྱམས། །
eKangyur, UT4CZ5369-I1KG9182-0000, page 446 (223b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh138/UT22084-056-006-1953#UT22084-056-006-1953