དེ་བཞིན་གཤེགས་པའི་ཡེ་ཤེས་ཀྱི་ཕྱག་རྒྱའི་ཏིང་ངེ་འཛིན།

The Absorption of the Thus-Gone One’s Wisdom Seal
F.233.a

Tathāgata­jñāna­mudrā­samādhi
F.233.a, volume 55, Degé Kangyur

པད་མ་ཆེན་པོ་ལ་སྐྱིལ་མོ་ཀྲུང་བཅས་ཏེ་འཁོད་དོ། །​སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ན་དགེ་སློང་གང་དག་ཉན་ཐོས་ཀྱི་ཐེག་པ་པའམ། རང་སངས་རྒྱས་ཀྱི་ཐེག་པ་པའམ། བྱང་ཆུབ་སེམས་དཔའི་ཐེག་པ་ལ་གནས་པ་ཡུལ་སོ་སོར་རྒྱུ་ཞིང་དོང་བ་དེ་དག་ཐམས་ཅད་ཀྱང་སངས་རྒྱས་ཀྱི་མཐུ་དང་། སངས་རྒྱས་ཀྱི་བྱིན་གྱི་རླབས་ཀྱིས་བྱ་རྒོད་ཀྱི་ཕུང་པོའི་རི་ག་ལ་བ་དང་། བཅོམ་ལྡན་འདས་ག་ལ་བ་དེར་འོངས་ཏེ་ལྷགས་ནས། བཅོམ་ལྡན་འདས་གང་དུ་ཡང་མ་མཐོང་ངོ་། །​མ་མཐོང་ནས་ཐལ་མོ་སྦྱར་ཏེ་ཕྱག་འཚལ་ལོ། །​འདི་ལྟར་དེ་བཞིན་གཤེགས་པའི་ཡེ་ཤེས་ཀྱི་ཕྱག་རྒྱའི་ཏིང་ངེ་འཛིན་འདིའི་གཟི་བརྗིད་ཀྱི་མཐུས་སྐད་ཅིག་ཐང་ཅིག་ཡུད་ཙམ་དེ་ཉིད་ལ་འོད་མའི་ཚལ་བྱ་ཀ་ལན་དཀའི་གནས་སུ་བཅོམ་ལྡན་འདས་ཀྱི་འཁོར་གྱི་དཀྱིལ་འཁོར་དུ་བྱང་ཆུབ་སེམས་དཔའ་བྱེ་བ་ཕྲག་བརྒྱད་ཅུ་འདུས་པར་གྱུར་ཏེ་འཁོད་དོ། །​ཉན་ཐོས་འབུམ་ཕྲག་གསུམ་ཡང་འདུས་པར་གྱུར་ཏེ་འཁོད་དོ། །​སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདིའི་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། དབང་ཕྱུག་ཆེན་པོ་དང་། གནས་གཙང་མའི་རིས་ཀྱི་ལྷའི་བུ་རྣམས་དང་། ལྷ་ཐམས་ཅད་དང་། ལྷའི་དབང་པོ་རྣམས་དང་། ཀླུ་ཐམས་ཅད་དང་། ཀླུའི་དབང་པོ་རྣམས་དང་། གནོད་སྦྱིན་ཐམས་ཅད་དང་། གནོད་སྦྱིན་གྱི་དབང་པོ་རྣམས་དང་། དྲི་ཟ་ཐམས་ཅད་དང་། དྲི་ཟའི་དབང་པོ་རྣམས་དང་། ལྷ་མ་ཡིན་ཐམས་ཅད་དང་། ལྷ་མ་ཡིན་གྱི་དབང་པོ་རྣམས་དང་། ནམ་མཁའ་ལྡིང་ཐམས་ཅད་དང་། ནམ་མཁའ་ལྡིང་གི་དབང་པོ་རྣམས་དང་། མི་འམ་ཅི་ཐམས་ཅད་དང་། མི་འམ་ཅིའི་དབང་པོ་རྣམས་དང་། ལྟོ་འཕྱེ་ཆེན་པོ་ཐམས་ཅད་དང་། ལྟོ་འཕྱེ་ཆེན་པོའི་དབང་པོ་རྣམས་དང་། འདབ་བཟངས་ཐམས་ཅད་དང་། འདབ་བཟངས་ཀྱི་དབང་པོ་རྣམས་དང་། དེ་དག་ཐམས་ཅད་སོ་སོའི་གཡོག་སྲོག་ཆགས་བྱེ་བ་ཁྲག་ཁྲིག་བརྒྱ་སྟོང་མང་པོ་དང་། འོད་མའི་ཚལ་བྱ་ཀ་ལན་དཀའི་གནས་ག་ལ་བ་དང་། བཅོམ་ལྡན་འདས་ག་ལ་བ་དེར་འོངས་ཏེ་ལྷགས་ནས། བཅོམ་ལྡན་འདས་གང་དུ་ཡང་མ་མཐོང་ངོ་། །​མ་མཐོང་ནས་ཐལ་མོ་སྦྱར་ཏེ་ཕྱག་འཚལ་

eKangyur, UT4CZ5369-I1KG9181-0000, page 465 (233a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh131/UT22084-055-005-408#UT22084-055-005-408