སྙིང་རྗེ་པད་མ་དཀར་པོ།

The White Lotus of Compassion
F.169.b

Karuṇā­puṇḍarīka
F.169.b, volume 50, Degé Kangyur

བ་དང་ལྡན་པའི་བསོད་ནམས་ཀྱི་ཕུང་པོ་དེ་དང་ཡོངས་སུ་གཏོང་བ་དང་ལྡན་པའི་བསོད་ནམས་ཀྱི་ཕུང་པོ་གང་ཡིན་པ་དེ་དག་ཐམས་ཅད་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ཡོངས་སུ་བསྔོས་ཤིག །​དེ་བཞིན་དུ་རྒྱལ་བུ་སྟོང་པོ་དེ་དག་དང་། དེ་བཞིན་དུ་ཁམས་ཀྱི་རྒྱལ་པོ་བརྒྱད་ཁྲི་བཞི་སྟོང་དང་། གཞན་ཡང་སྲོག་ཆགས་དུང་ཕྱུར་ཕྲག་དགུ་དང་། བྱེ་བ་ཕྲག་གཉིས་པོ་རྣམས་ཀྱང་ཡང་དག་པར་འཛིན་དུ་བཅུག་ནས་རྗེས་སུ་ཡི་རང་བ་དང་ལྡན་པའི་བསོད་ནམས་ཀྱི་ཕུང་པོ་དེས་དེ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་བཅུག་ཅིང་བཙུད་དེ་རབ་ཏུ་བཀོད་ནས་འདི་སྐད་ཅེས་ཀྱང་སྨྲས་སོ། །​ཁྱེད་ཀྱིས་ཡོན་ཏན་འདི་ལ་རྗེས་སུ་ཡི་རང་བར་བྱས་ཏེ་ཕུལ་ལ་འདི་སྐད་ཅེས་ཀྱང་སྨྲོས་ཤིག །​སྦྱིན་པ་འདིས་བདག་དབང་པོའི་གནས་མིན་ཚངས་པའི་འཇིག་རྟེན་འབྲས་བུ་མི་འདོད་ན། །​རླུང་གི་ཤུགས་ལྟར་མགྱོགས་ཤིང་གཡོ་བ་རྒྱལ་པོའི་སྲིད་ཀྱི་དཔལ་ལྟ་སྨོས་ཅི་དགོས། །​བདག་གི་གུས་པ་ཆེན་པོའི་སྦྱིན་པ་འདི་ཡི་འབྲས་བུ་གང་ཡིན་དེ་ཡིས་ནི། །​སེམས་ལ་དབང་བྱེད་མཚུངས་མེད་བྱང་ཆུབ་འཐོབ་ཅིང་སེམས་ཅན་རྣམས་ཀྱང་སྒྲོལ་གྱུར་ཅིག །​སྙིང་རྗེ་པད་མ་དཀར་པོ་ལས་སྦྱིན་པ་གཏོང་བའི་ལེའུ་ཞེས་བྱ་བ་སྟེ་གསུམ་པའོ།​། །​།རིགས་ཀྱི་བུ་དེ་ནས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིན་པོ་ཆེའི་སྙིང་པོ་འདི་སྙམ་དུ་དགོངས་ཏེ། བྲམ་ཟེ་རྒྱ་མཚོའི་རྡུལ་འདིས་སྲོག་ཆགས་བྱེ་བ་ཕྲག་མང་པོ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་འཛིན་དུ་བཅུག་ཅིང་བཙུད་དེ་རབ་ཏུ་བཀོད་ནས་ཕྱིར་མི་ལྡོག་པའི་ས་ལ་བཀོད་པ་དེ་དག་ངས་ལུང་བསྟན་པར་བྱ་ཞིང་སངས་རྒྱས་ཀྱི་ཞིང་དེ་དག་ཀྱང་བསྟན་པར་བྱའོ་སྙམ་མོ། །​དེ་ནས་བཅོམ་ལྡན་འདས་ཏིང་ངེ་འཛིན་བྱང་ཆུབ་ཀྱི་སེམས་མི་བརྗེད་པ་ཞེས་བྱ་བ་ལ་སྙོམས་པར་ཞུགས་ནས་འཛུམ་པ་མཛད་དོ། །​འཛུམ་པ་མཛད་པ་དེས་སངས་རྒྱས་ཀྱི་ཞིང་མཐའ་ཡས་མུ་མེད་པ་དག་སྣང་བ་རྒྱ་ཆེན་པོས་སྣང་བར་མཛད་ནས། རྒྱལ་པོ་རྩིབས་ཀྱི་མུ་ཁྱུད་དང་གཞན་ཡང་སྲོག་ཆགས་བྱེ་བ་ཕྲག་མང་པོ་དག་ལ་སངས་རྒྱས་ཀྱི་ཞིང་གི་ཡོན་ཏན་བཀོད་པ་

eKangyur, UT4CZ5369-I1KG9176-0000, page 338 (169b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh112/UT22084-050-003-1873#UT22084-050-003-1873