The White Lotus of Compassion
F.165.b
བཅོམ་ལྡན་འདས་ལས་ཆོས་མཉན་པའི་ཕྱིར་གླིང་བཞི་པ་འདིར་ལྷགས་སོ། །གླིང་བཞི་པ་གཉིས་པའི་ལྷ་མ་ཡིན་གྱི་དབང་པོ་དང་། བདུད་དང་། ཚངས་པ་རྣམས་ཀྱང་དེ་བཞིན་ནོ། །དེ་བཞིན་དུ་གླིང་བཞི་པ་གསུམ་པ་དང་། བཞི་པ་དང་། ལྔ་པའི་བར་དག་གི་བརྒྱ་བྱིན་དང་། ལྷའི་བུ་རབ་འཐབ་བྲལ་དང་། ཡོངས་སུ་དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་དང་། ལྷ་མ་ཡིན་གྱི་དབང་པོ་དང་། བདུད་དང་། ཚངས་པ་རྣམས་ཀྱང་བཅོམ་ལྡན་འདས་ཀྱི་མཐུས་ཆོས་མཉན་པའི་བར་གྱི་ཕྱིར་དེ་དག་འཁོར་དང་བཅས་ཏེ་གླིང་བཞི་པ་འདིར་ལྷགས་སོ། །དེ་བཞིན་དུ་སྟོང་གསུམ་གྱི་སྟོང་ཆེན་པོའི་སངས་རྒྱས་ཀྱི་ཞིང་གི་བར་དག་ནས་ཀྱང་བརྒྱ་བྱིན་ཐེར་འབུམ་དང་། ལྷའི་བུ་རབ་འཐབ་བྲལ་ཐེར་འབུམ་དང་། ཡོངས་སུ་དགའ་ལྡན་ཐེར་འབུམ་དང་། འཕྲུལ་དགའ་ཐེར་འབུམ་དང་། གཞན་འཕྲུལ་དབང་བྱེད་ཐེར་འབུམ་དང་། ལྷ་མ་ཡིན་གྱི་དབང་པོ་ཐེར་འབུམ་དང་། བདུད་ཐེར་འབུམ་དང་། ཚངས་པ་ཆེན་པོ་ཐེར་འབུམ་དག་ཀྱང་བཅོམ་ལྡན་འདས་ཀྱི་མཐུས་ཚངས་པ་ཆེན་པོའི་བར་དུ་རེ་རེ་ཞིང་ཡང་ཚངས་རིས་ཀྱི་ལྷ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་བྱེ་བ་ཁྲག་ཁྲིག་འབུམ་ཕྲག་དུ་མའི་བར་དག་གིས་ཡོངས་སུ་བསྐོར་ཅིང་མདུན་དུ་བདར་ནས་བཅོམ་ལྡན་འདས་དང་། དགེ་སློང་གི་དགེ་འདུན་ལ་བལྟ་བ་དང་། ཕྲད་པར་བྱ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། བཅོམ་ལྡན་འདས་ལས་ཆོས་མཉན་པའི་ཕྱིར་གླིང་བཞི་པ་འདིར་ལྷགས་སོ། །དེའི་ཚེ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་དག་ཀྱང་ཁྱབ་པར་མ་གྱུར་པའི་ས་ཕྱོགས་དེ་ནི་ཅུང་ཟད་ཀྱང་མེད་དོ། །རིགས་ཀྱི་བུ་དེ་ནས་བྲམ་ཟེ་རྒྱ་མཚོའི་རྡུལ་འདི་སྙམ་དུ་སེམས་ཏེ། གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བདག་གི་རེ་བ་ཡོངས་སུ་རྫོགས་པར་འགྱུར་ཞིང་། ཇི་ལྟར་རྣམ་ཐོས་ཀྱི་བུ་ཐེར་འབུམ་དང་། ཚངས་པ་ཆེན་པོ་ཐེ་འབུམ་གྱི་བར་འདི་དག་བདག་དང་འཐུན་པར་འཇུག་པ་དེ་བཞིན་དུ་བཅོམ་ལྡན་འདས་ཀྱང་བདག་དང་འཐུན་པར་མཛད་པ་ལྟ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་བར་གྱི་མི་དང་། དུད་འགྲོ་དང་།
བཅོམ་ལྡན་འདས་ལས་ཆོས་མཉན་པའི་ཕྱིར་གླིང་བཞི་པ་འདིར་ལྷགས་སོ། །གླིང་བཞི་པ་གཉིས་པའི་ལྷ་མ་ཡིན་གྱི་དབང་པོ་དང་། བདུད་དང་། ཚངས་པ་རྣམས་ཀྱང་དེ་བཞིན་ནོ། །དེ་བཞིན་དུ་གླིང་བཞི་པ་གསུམ་པ་དང་། བཞི་པ་དང་། ལྔ་པའི་བར་དག་གི་བརྒྱ་བྱིན་དང་། ལྷའི་བུ་རབ་འཐབ་བྲལ་དང་། ཡོངས་སུ་དགའ་ལྡན་དང་། འཕྲུལ་དགའ་དང་། གཞན་འཕྲུལ་དབང་བྱེད་དང་། ལྷ་མ་ཡིན་གྱི་དབང་པོ་དང་། བདུད་དང་། ཚངས་པ་རྣམས་ཀྱང་བཅོམ་ལྡན་འདས་ཀྱི་མཐུས་ཆོས་མཉན་པའི་བར་གྱི་ཕྱིར་དེ་དག་འཁོར་དང་བཅས་ཏེ་གླིང་བཞི་པ་འདིར་ལྷགས་སོ། །དེ་བཞིན་དུ་སྟོང་གསུམ་གྱི་སྟོང་ཆེན་པོའི་སངས་རྒྱས་ཀྱི་ཞིང་གི་བར་དག་ནས་ཀྱང་བརྒྱ་བྱིན་ཐེར་འབུམ་དང་། ལྷའི་བུ་རབ་འཐབ་བྲལ་ཐེར་འབུམ་དང་། ཡོངས་སུ་དགའ་ལྡན་ཐེར་འབུམ་དང་། འཕྲུལ་དགའ་ཐེར་འབུམ་དང་། གཞན་འཕྲུལ་དབང་བྱེད་ཐེར་འབུམ་དང་། ལྷ་མ་ཡིན་གྱི་དབང་པོ་ཐེར་འབུམ་དང་། བདུད་ཐེར་འབུམ་དང་། ཚངས་པ་ཆེན་པོ་ཐེར་འབུམ་དག་ཀྱང་བཅོམ་ལྡན་འདས་ཀྱི་མཐུས་ཚངས་པ་ཆེན་པོའི་བར་དུ་རེ་རེ་ཞིང་ཡང་ཚངས་རིས་ཀྱི་ལྷ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་བྱེ་བ་ཁྲག་ཁྲིག་འབུམ་ཕྲག་དུ་མའི་བར་དག་གིས་ཡོངས་སུ་བསྐོར་ཅིང་མདུན་དུ་བདར་ནས་བཅོམ་ལྡན་འདས་དང་། དགེ་སློང་གི་དགེ་འདུན་ལ་བལྟ་བ་དང་། ཕྲད་པར་བྱ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། བཅོམ་ལྡན་འདས་ལས་ཆོས་མཉན་པའི་ཕྱིར་གླིང་བཞི་པ་འདིར་ལྷགས་སོ། །དེའི་ཚེ་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་དག་ཀྱང་ཁྱབ་པར་མ་གྱུར་པའི་ས་ཕྱོགས་དེ་ནི་ཅུང་ཟད་ཀྱང་མེད་དོ། །རིགས་ཀྱི་བུ་དེ་ནས་བྲམ་ཟེ་རྒྱ་མཚོའི་རྡུལ་འདི་སྙམ་དུ་སེམས་ཏེ། གལ་ཏེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལ་བདག་གི་རེ་བ་ཡོངས་སུ་རྫོགས་པར་འགྱུར་ཞིང་། ཇི་ལྟར་རྣམ་ཐོས་ཀྱི་བུ་ཐེར་འབུམ་དང་། ཚངས་པ་ཆེན་པོ་ཐེ་འབུམ་གྱི་བར་འདི་དག་བདག་དང་འཐུན་པར་འཇུག་པ་དེ་བཞིན་དུ་བཅོམ་ལྡན་འདས་ཀྱང་བདག་དང་འཐུན་པར་མཛད་པ་ལྟ་ན། སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་བར་གྱི་མི་དང་། དུད་འགྲོ་དང་།
eKangyur, UT4CZ5369-I1KG9176-0000, page 330 (165b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh112/UT22084-050-003-1865#UT22084-050-003-1865