The White Lotus of Compassion
F.293.b
དེ་བཞིན་གཤེགས་པ་དེ་ལ་ཡོངས་སུ་ཞུས་པ་ནས་ཇི་སྐད་སྔར་སྨོས་པའི་བར་དག་བཞིན་ནོ། །དེ་བཞིན་དུ་དེའི་ཚེ་ན་དེ་བཞིན་གཤེགས་པ་སཱ་ལའི་དབང་པོའི་རྒྱལ་པོ་དང་། རྣམ་པར་གནོན་པ་ཆེན་པོའི་འོད་ཟེར་དང་། པད་མ་དམ་པ་དང་། ཙན་དན་དང་། ལྷུན་པོའི་རྒྱལ་པོ་དང་། རྒྱ་མཚོ་དང་། སྐར་མའི་སྙིང་པོ་དང་། རྣམ་པར་གནོན་པའི་ཡེ་ཤེས་དང་། བྱང་ཤར་གྱི་ཕྱོགས་ཀྱི་དེ་བཞིན་གཤེགས་པ་དཔག་ཏུ་མེད་གྲངས་མེད་པའི་བར་དག་གིས་བྱང་ཆུབ་སེམས་དཔའ་དེ་དག་ཀྱང་དེ་བཞིན་གཤེགས་པ་ཤཱཀྱ་ཐུབ་པ་ལ་ཡོངས་སུ་ཞུ་བ་དང་། མཆོད་པ་བྱ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། ཆོས་མཉན་པའི་ཕྱིར་མེ་ཏོག་ཟླ་བ་མདོག་མཛེས་དྲི་མ་མེད་པ་དག་ཐོགས་ཏེ་སངས་རྒྱས་ཀྱི་ཞིང་མི་མཇེད་འདིར་ལྷགས་པ་དང་། དེའི་མོད་ལ་དེ་བཞིན་གཤེགས་པ་ཤཱཀྱ་ཐུབ་པའི་རྫུ་འཕྲུལ་གྱི་མཐུས་སེམས་ཅན་གང་དག་སངས་རྒྱས་ཀྱི་ཞིང་མི་མཇེད་དུ་འདུས་པ་དེ་དག་ཐམས་ཅད་ཀྱི་སེམས་ཅན་རེ་རེའི་ལུས་ཀྱང་དཔག་ཚད་ཀྱི་ཚད་ཙམ་དུ་གྱུར་ནས་སངས་རྒྱས་ཀྱི་ཞིང་མི་མཇེད་ཐམས་ཅད་དེ་ལྟ་བུའི་སེམས་ཅན་དག་གིས་ཀྱང་ཁྱབ་པར་གྱུར་ཏོ། །སངས་རྒྱས་ཀྱི་ཞིང་འདིའི་ས་དང་ནམ་མཁའ་ཐམས་ཅད་སེམས་ཅན་དེ་དག་གིས་ཁྱབ་པར་གྱུར་ཏེ། གང་དུ་སེམས་ཅན་དག་གིས་ཁྱབ་པར་མ་གྱུར་པའི་གོ་སྐབས་ནི་ཐ་ན་མིག་སྨན་གྱི་ཐར་མ་གཟུགས་པའི་གཏོས་ཙམ་ཡང་མེད་དོ། །སེམས་ཅན་དེ་དག་ཐམས་ཅད་ཀྱིས་ཀྱང་དེ་བཞིན་གཤེགས་པ་ཤཱཀྱ་ཐུབ་པ་མཐོང་བ་མ་གཏོགས་པར་ནམ་མཁའ་སྟོང་པ་མཐོང་དུ་ཟད་ཀྱི་གཅིག་གིས་གཅིག་ནི་མ་མཐོང་ངོ་། །དེ་དག་མིག་གི་ལམ་དུ་རི་རབ་དང་། ཁོར་ཡུག་དང་། ཁོར་ཡུག་ཆེན་པོ་དང་། རི་རྣམས་ཀྱང་སྣང་བར་མ་གྱུར་ཏོ། །འཇིག་རྟེན་གྱི་བར་དག་ཀྱང་མི་སྣང་། ལྷའི་གཞལ་མེད་ཁང་རྣམས་ཀྱང་མི་སྣང་སྟེ། འོག་ཏུ་གསེར་གྱི་འཁོར་ལོ་ལ་ཐུག་པའི་བར་དང་། དེའི་སྟེང་གི་ས་གཞི་ཡང་མིག་ལམ་དུ་སྣང་བར་མ་གྱུར་ཏོ།
དེ་བཞིན་གཤེགས་པ་དེ་ལ་ཡོངས་སུ་ཞུས་པ་ནས་ཇི་སྐད་སྔར་སྨོས་པའི་བར་དག་བཞིན་ནོ། །དེ་བཞིན་དུ་དེའི་ཚེ་ན་དེ་བཞིན་གཤེགས་པ་སཱ་ལའི་དབང་པོའི་རྒྱལ་པོ་དང་། རྣམ་པར་གནོན་པ་ཆེན་པོའི་འོད་ཟེར་དང་། པད་མ་དམ་པ་དང་། ཙན་དན་དང་། ལྷུན་པོའི་རྒྱལ་པོ་དང་། རྒྱ་མཚོ་དང་། སྐར་མའི་སྙིང་པོ་དང་། རྣམ་པར་གནོན་པའི་ཡེ་ཤེས་དང་། བྱང་ཤར་གྱི་ཕྱོགས་ཀྱི་དེ་བཞིན་གཤེགས་པ་དཔག་ཏུ་མེད་གྲངས་མེད་པའི་བར་དག་གིས་བྱང་ཆུབ་སེམས་དཔའ་དེ་དག་ཀྱང་དེ་བཞིན་གཤེགས་པ་ཤཱཀྱ་ཐུབ་པ་ལ་ཡོངས་སུ་ཞུ་བ་དང་། མཆོད་པ་བྱ་བ་དང་། ཕྱག་བྱ་བ་དང་། བསྙེན་བཀུར་བྱ་བ་དང་། ཆོས་མཉན་པའི་ཕྱིར་མེ་ཏོག་ཟླ་བ་མདོག་མཛེས་དྲི་མ་མེད་པ་དག་ཐོགས་ཏེ་སངས་རྒྱས་ཀྱི་ཞིང་མི་མཇེད་འདིར་ལྷགས་པ་དང་། དེའི་མོད་ལ་དེ་བཞིན་གཤེགས་པ་ཤཱཀྱ་ཐུབ་པའི་རྫུ་འཕྲུལ་གྱི་མཐུས་སེམས་ཅན་གང་དག་སངས་རྒྱས་ཀྱི་ཞིང་མི་མཇེད་དུ་འདུས་པ་དེ་དག་ཐམས་ཅད་ཀྱི་སེམས་ཅན་རེ་རེའི་ལུས་ཀྱང་དཔག་ཚད་ཀྱི་ཚད་ཙམ་དུ་གྱུར་ནས་སངས་རྒྱས་ཀྱི་ཞིང་མི་མཇེད་ཐམས་ཅད་དེ་ལྟ་བུའི་སེམས་ཅན་དག་གིས་ཀྱང་ཁྱབ་པར་གྱུར་ཏོ། །སངས་རྒྱས་ཀྱི་ཞིང་འདིའི་ས་དང་ནམ་མཁའ་ཐམས་ཅད་སེམས་ཅན་དེ་དག་གིས་ཁྱབ་པར་གྱུར་ཏེ། གང་དུ་སེམས་ཅན་དག་གིས་ཁྱབ་པར་མ་གྱུར་པའི་གོ་སྐབས་ནི་ཐ་ན་མིག་སྨན་གྱི་ཐར་མ་གཟུགས་པའི་གཏོས་ཙམ་ཡང་མེད་དོ། །སེམས་ཅན་དེ་དག་ཐམས་ཅད་ཀྱིས་ཀྱང་དེ་བཞིན་གཤེགས་པ་ཤཱཀྱ་ཐུབ་པ་མཐོང་བ་མ་གཏོགས་པར་ནམ་མཁའ་སྟོང་པ་མཐོང་དུ་ཟད་ཀྱི་གཅིག་གིས་གཅིག་ནི་མ་མཐོང་ངོ་། །དེ་དག་མིག་གི་ལམ་དུ་རི་རབ་དང་། ཁོར་ཡུག་དང་། ཁོར་ཡུག་ཆེན་པོ་དང་། རི་རྣམས་ཀྱང་སྣང་བར་མ་གྱུར་ཏོ། །འཇིག་རྟེན་གྱི་བར་དག་ཀྱང་མི་སྣང་། ལྷའི་གཞལ་མེད་ཁང་རྣམས་ཀྱང་མི་སྣང་སྟེ། འོག་ཏུ་གསེར་གྱི་འཁོར་ལོ་ལ་ཐུག་པའི་བར་དང་། དེའི་སྟེང་གི་ས་གཞི་ཡང་མིག་ལམ་དུ་སྣང་བར་མ་གྱུར་ཏོ།
eKangyur, UT4CZ5369-I1KG9176-0000, page 584 (293b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh112/UT22084-050-003-2117#UT22084-050-003-2117