The White Lotus of Compassion
F.287.b
དེ་བཞིན་གཤེགས་པ་ཤཱཀྱ་ཐུབ་པའི་ཞབས་ལ་ལན་གསུམ་མགོ་བོས་ཕྱག་བྱས་ནས་རང་རང་གི་སངས་རྒྱས་ཀྱི་ཞིང་དག་ཏུ་དོང་ངོ་། །བྱང་ཆུབ་སེམས་དཔའ་དེ་དག་དོང་ནས་རིང་པོ་མ་ལོན་པར་སཱ་ལའི་ཕུག་དེ་ཡང་སྔོན་ཇི་ལྟ་བ་བཞིན་དུ་གྱུར་ཏེ། དེ་བཞིན་གཤེགས་པ་ཤཱཀྱ་ཐུབ་པ་དེ་ནི་དེ་ལྟར་གོ་སྐབས་ཡངས་པ་ཡིན་ནོ། །གླིང་བཞི་པ་དེ་ན་བརྒྱ་བྱིན་ཀཽ་ཤི་ཀ་ཞེས་བྱ་བ་ཚེ་ཡོངས་སུ་ཟད་དེ་དུད་འགྲོའི་སྐྱེ་གནས་སུ་སྐྱེ་བས་འཇིགས་ཤིང་སྐྲག་ནས་དེ་སུམ་ཅུ་རྩ་གསུམ་པའི་ལྷའི་བུ་བརྒྱད་ཁྲི་བཞི་སྟོང་དང་ལྷན་ཅིག་འགྲོགས་ཏེ་སཱ་ལའི་ཕུག་ག་ལ་བ་དང་། བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས་གནོད་སྦྱིན་དབང་པོ་མིག་གི་གནས་སཱ་ལའི་ཕུག་གི་ཁོ་ར་ཁོར་ཡུག་ཏུ་འཁོད་པ་དང་། བཅོམ་ལྡན་འདས་ཀྱི་མཐུས་དེ་འདི་སྙམ་དུ་སེམས་ཏེ། གང་བདག་གིས་དྲི་ཟའི་བུ་གཙུག་ཕུད་ལྔ་པ་ལ་གསོལ་བ་བཏབ་སྟེ། དྲི་ཟའི་བུ་གཙུག་ཕུད་ལྔ་པ་དེས་དབྱངས་སྙན་པས་བཅོམ་ལྡན་འདས་ལ་མངོན་སུམ་དུ་བསྟོད་ན་ནི་དེའི་ཚེ། བཅོམ་ལྡན་འདས་བསམ་གཏན་དང་། ཏིང་ངེ་འཛིན་དག་ལས་བཞེངས་པར་འགྱུར་རོ་སྙམ་ནས། དེ་ནས་བརྒྱ་བྱིན་ཀཽ་ཤི་ཀས་དྲི་ཟའི་བུ་གཙུག་ཕུད་ལྔ་པ་ལ་གསོལ་བ་བཏབ་བོ། །དེ་ནས་བཅོམ་ལྡན་འདས་ཀྱི་མཐུས་དྲི་ཟའི་བུ་གཙུག་ཕུད་ལྔ་པས་པི་བང་བླངས་ཏེ། གླུ་དང་རོལ་མོའི་སྒྲ་ཡིད་དུ་འོང་བས་བཅོམ་ལྡན་འདས་ལ་བསྟོད་པ་ལྔ་བརྒྱས་བསྔགས་པ་བརྗོད་དོ། །རིགས་ཀྱི་བུ་དག་གང་གི་ཚེ་དྲི་ཟའི་བུ་གཙུག་ཕུད་ལྔ་པས་བཅོམ་ལྡན་འདས་ལ་མངོན་པར་བསྟོད་པ་བརྩམས་པ་དང་། དེ་ནས་བཅོམ་ལྡན་འདས་ཤཱཀྱ་ཐུབ་པ་དེ་དབྱངས་སྙན་རྣམ་པར་སྣང་བྱེད་ཏོག་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཏིང་ངེ་འཛིན་དེས་འཇིག་རྟེན་གྱི་ཁམས་མི་མཇེད་ན་གང་དག་རྫུ་འཕྲུལ་ཆེ་བའི་གནོད་སྦྱིན་རྣམས་དང་། སྲིན་པོ་རྣམས་དང་། ལྷ་མ་ཡིན་རྣམས་དང་། ནམ་མཁའ་ལྡིང་རྣམས་དང་། མིའམ་ཅི་རྣམས་དང་། ལྟོ་འཕྱེ་ཆེན་པོ་རྣམས་དང་།
དེ་བཞིན་གཤེགས་པ་ཤཱཀྱ་ཐུབ་པའི་ཞབས་ལ་ལན་གསུམ་མགོ་བོས་ཕྱག་བྱས་ནས་རང་རང་གི་སངས་རྒྱས་ཀྱི་ཞིང་དག་ཏུ་དོང་ངོ་། །བྱང་ཆུབ་སེམས་དཔའ་དེ་དག་དོང་ནས་རིང་པོ་མ་ལོན་པར་སཱ་ལའི་ཕུག་དེ་ཡང་སྔོན་ཇི་ལྟ་བ་བཞིན་དུ་གྱུར་ཏེ། དེ་བཞིན་གཤེགས་པ་ཤཱཀྱ་ཐུབ་པ་དེ་ནི་དེ་ལྟར་གོ་སྐབས་ཡངས་པ་ཡིན་ནོ། །གླིང་བཞི་པ་དེ་ན་བརྒྱ་བྱིན་ཀཽ་ཤི་ཀ་ཞེས་བྱ་བ་ཚེ་ཡོངས་སུ་ཟད་དེ་དུད་འགྲོའི་སྐྱེ་གནས་སུ་སྐྱེ་བས་འཇིགས་ཤིང་སྐྲག་ནས་དེ་སུམ་ཅུ་རྩ་གསུམ་པའི་ལྷའི་བུ་བརྒྱད་ཁྲི་བཞི་སྟོང་དང་ལྷན་ཅིག་འགྲོགས་ཏེ་སཱ་ལའི་ཕུག་ག་ལ་བ་དང་། བཅོམ་ལྡན་འདས་ག་ལ་བ་དེར་དོང་སྟེ་ཕྱིན་ནས་གནོད་སྦྱིན་དབང་པོ་མིག་གི་གནས་སཱ་ལའི་ཕུག་གི་ཁོ་ར་ཁོར་ཡུག་ཏུ་འཁོད་པ་དང་། བཅོམ་ལྡན་འདས་ཀྱི་མཐུས་དེ་འདི་སྙམ་དུ་སེམས་ཏེ། གང་བདག་གིས་དྲི་ཟའི་བུ་གཙུག་ཕུད་ལྔ་པ་ལ་གསོལ་བ་བཏབ་སྟེ། དྲི་ཟའི་བུ་གཙུག་ཕུད་ལྔ་པ་དེས་དབྱངས་སྙན་པས་བཅོམ་ལྡན་འདས་ལ་མངོན་སུམ་དུ་བསྟོད་ན་ནི་དེའི་ཚེ། བཅོམ་ལྡན་འདས་བསམ་གཏན་དང་། ཏིང་ངེ་འཛིན་དག་ལས་བཞེངས་པར་འགྱུར་རོ་སྙམ་ནས། དེ་ནས་བརྒྱ་བྱིན་ཀཽ་ཤི་ཀས་དྲི་ཟའི་བུ་གཙུག་ཕུད་ལྔ་པ་ལ་གསོལ་བ་བཏབ་བོ། །དེ་ནས་བཅོམ་ལྡན་འདས་ཀྱི་མཐུས་དྲི་ཟའི་བུ་གཙུག་ཕུད་ལྔ་པས་པི་བང་བླངས་ཏེ། གླུ་དང་རོལ་མོའི་སྒྲ་ཡིད་དུ་འོང་བས་བཅོམ་ལྡན་འདས་ལ་བསྟོད་པ་ལྔ་བརྒྱས་བསྔགས་པ་བརྗོད་དོ། །རིགས་ཀྱི་བུ་དག་གང་གི་ཚེ་དྲི་ཟའི་བུ་གཙུག་ཕུད་ལྔ་པས་བཅོམ་ལྡན་འདས་ལ་མངོན་པར་བསྟོད་པ་བརྩམས་པ་དང་། དེ་ནས་བཅོམ་ལྡན་འདས་ཤཱཀྱ་ཐུབ་པ་དེ་དབྱངས་སྙན་རྣམ་པར་སྣང་བྱེད་ཏོག་ཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་སོ། །ཏིང་ངེ་འཛིན་དེས་འཇིག་རྟེན་གྱི་ཁམས་མི་མཇེད་ན་གང་དག་རྫུ་འཕྲུལ་ཆེ་བའི་གནོད་སྦྱིན་རྣམས་དང་། སྲིན་པོ་རྣམས་དང་། ལྷ་མ་ཡིན་རྣམས་དང་། ནམ་མཁའ་ལྡིང་རྣམས་དང་། མིའམ་ཅི་རྣམས་དང་། ལྟོ་འཕྱེ་ཆེན་པོ་རྣམས་དང་།
eKangyur, UT4CZ5369-I1KG9176-0000, page 572 (287b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh112/UT22084-050-003-2105#UT22084-050-003-2105