The White Lotus of Compassion
F.246.b
གཟུངས་ཀྱི་སྒོ་བཀོད་པའི་ཆོས་ཀྱི་རྣམ་གྲངས་འཆད་ཅིང་བྱང་ཆུབ་སེམས་དཔའ་བྱེ་བ་ཕྲག་མང་པོ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་ཏོ། །དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་གཅིག་ཅིག་ཡོད་པ་དེས་སྨོན་ལམ་འདི་ལྟ་བུ་བཏབ་ཅིང་སྙིང་རྗེ་ཆེན་པོ་ཡོངས་སུ་བསྒོམས་པའི་ཚིག་བརྗོད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་བཤད་པ་དང་། ཅི་ནས་ཀྱང་བྱང་ཆུབ་སེམས་དཔའ་བྱེ་བ་ཕྲག་མང་པོ་དག་གིས་སངས་རྒྱས་ཀྱི་ཞིང་གི་སྨོན་ལམ་བཏབ་ཅིང་སངས་རྒྱས་ཀྱི་ཞིང་གི་ཡོན་ཏན་བཀོད་པ་དང་། འདུལ་བའི་སེམས་ཅན་རྣམས་ཀྱང་ཡོངས་སུ་བཟུང་བའི་སྨོན་ལམ་དེ་ལྟ་བུ་དག་ཀྱང་བརྗོད་པས་ན། གང་གིས་ཐམས་ཅད་དང་ལྡན་པའི་འཁོར་དེ་ཟིལ་གྱིས་མནན་ཅིང་རྩོད་པའི་དུས་ཀྱི་སངས་རྒྱས་ཀྱི་ཞིང་ཉོན་མོངས་པ་ཅན་སྙིགས་མ་ལྔ་དང་ལྡན་ཞིང་ཉོན་མོངས་པའི་སྒྲིབ་པ་ཅན་དང་། མཚམས་མེད་པ་བྱེད་ཅིང་མི་དགེ་བའི་རྩ་བའི་བར་དང་འགྲོགས་ལ་སེམས་ཀྱི་རྒྱུད་ཚིག་པའི་འདུལ་བ་ཐམས་ཅད་ཡོངས་སུ་བཟུང་བའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་གཅིག་པུ་རྣམ་པ་ཐམས་ཅད་དུ་སྙིང་རྗེ་ཆེན་པོ་དང་ལྡན་པ་ཡིན་ཏེ། ཐམས་ཅད་དང་ལྡན་པའི་འཁོར་དེ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་གྱིས་ཀྱང་དེ་བཞིན་གཤེགས་པ་རིན་པོ་ཆེའི་སྙིང་པོ་ལ་མཆོད་པ་བྱ་བ་སྤངས་ནས་སྙིང་རྗེ་ཆེན་པོ་དང་ལྡན་པ་ཕྱི་མ་དེ་ལ་མཆོད་པ་བྱ་བའི་ཕྱིར་བརྩོན་ཞིང་ཡན་ལག་ལྔས་ཕྱག་བྱས་ཏེ་ཐལ་མོ་སྦྱར་ཅིང་འདུག་ནས་དེའི་བསྔགས་པ་ཡང་རྗོད་པར་བྱེད་དོ། །སེམས་ཅན་ཆེན་པོ་དེ་ཡང་བཅོམ་ལྡན་འདས་དེ་བཞིན་གཤེགས་པ་རིན་པོ་ཆེའི་སྙིང་པོའི་སྤྱན་སྔ་ན་འདུག་ཅིང་ལུང་བསྟན་པ་ཉན་ཏོ། །གང་གི་ཚེ་སེམས་ཅན་ཆེན་པོ་དེས་བཅོམ་ལྡན་འདས་དེའི་སྤྱན་སྔར་པུས་མོ་གཡས་པའི་ལྷ་ང་ས་ལ་བཙུགས་པར་གྱུར་པ་དེའི་ཚེ་བཅོམ་ལྡན་འདས་དེས་འདི་ལྟ་སྟེ། ཕྱོགས་བཅུའི་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཕྲ་རབ་ཀྱི་རྡུལ་སྙེད་དག་གི་ས་ཆེན་པོ་དག་རྣམ་པ་དྲུག་ཏུ་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་ཤིང་འགུལ་བ་དང་། མེ་ཏོག་གི་ཆར་དག་ཀྱང་མངོན་པར་རབ་ཏུ་བབ་པར་གྱུར་པ་དེ་ལྟ་བུའི་འཛུམ་པ་མཛད་དོ།
གཟུངས་ཀྱི་སྒོ་བཀོད་པའི་ཆོས་ཀྱི་རྣམ་གྲངས་འཆད་ཅིང་བྱང་ཆུབ་སེམས་དཔའ་བྱེ་བ་ཕྲག་མང་པོ་དག་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་སྟོན་ཏོ། །དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་རྗེ་ཆེན་པོ་དང་ལྡན་པ་གཅིག་ཅིག་ཡོད་པ་དེས་སྨོན་ལམ་འདི་ལྟ་བུ་བཏབ་ཅིང་སྙིང་རྗེ་ཆེན་པོ་ཡོངས་སུ་བསྒོམས་པའི་ཚིག་བརྗོད་དེ། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་པ་བཤད་པ་དང་། ཅི་ནས་ཀྱང་བྱང་ཆུབ་སེམས་དཔའ་བྱེ་བ་ཕྲག་མང་པོ་དག་གིས་སངས་རྒྱས་ཀྱི་ཞིང་གི་སྨོན་ལམ་བཏབ་ཅིང་སངས་རྒྱས་ཀྱི་ཞིང་གི་ཡོན་ཏན་བཀོད་པ་དང་། འདུལ་བའི་སེམས་ཅན་རྣམས་ཀྱང་ཡོངས་སུ་བཟུང་བའི་སྨོན་ལམ་དེ་ལྟ་བུ་དག་ཀྱང་བརྗོད་པས་ན། གང་གིས་ཐམས་ཅད་དང་ལྡན་པའི་འཁོར་དེ་ཟིལ་གྱིས་མནན་ཅིང་རྩོད་པའི་དུས་ཀྱི་སངས་རྒྱས་ཀྱི་ཞིང་ཉོན་མོངས་པ་ཅན་སྙིགས་མ་ལྔ་དང་ལྡན་ཞིང་ཉོན་མོངས་པའི་སྒྲིབ་པ་ཅན་དང་། མཚམས་མེད་པ་བྱེད་ཅིང་མི་དགེ་བའི་རྩ་བའི་བར་དང་འགྲོགས་ལ་སེམས་ཀྱི་རྒྱུད་ཚིག་པའི་འདུལ་བ་ཐམས་ཅད་ཡོངས་སུ་བཟུང་བའི་བྱང་ཆུབ་སེམས་དཔའ་སེམས་དཔའ་ཆེན་པོ་དེ་གཅིག་པུ་རྣམ་པ་ཐམས་ཅད་དུ་སྙིང་རྗེ་ཆེན་པོ་དང་ལྡན་པ་ཡིན་ཏེ། ཐམས་ཅད་དང་ལྡན་པའི་འཁོར་དེ་དང་། ལྷ་དང་། མི་དང་། ལྷ་མ་ཡིན་དང་། དྲི་ཟར་བཅས་པའི་འཇིག་རྟེན་གྱིས་ཀྱང་དེ་བཞིན་གཤེགས་པ་རིན་པོ་ཆེའི་སྙིང་པོ་ལ་མཆོད་པ་བྱ་བ་སྤངས་ནས་སྙིང་རྗེ་ཆེན་པོ་དང་ལྡན་པ་ཕྱི་མ་དེ་ལ་མཆོད་པ་བྱ་བའི་ཕྱིར་བརྩོན་ཞིང་ཡན་ལག་ལྔས་ཕྱག་བྱས་ཏེ་ཐལ་མོ་སྦྱར་ཅིང་འདུག་ནས་དེའི་བསྔགས་པ་ཡང་རྗོད་པར་བྱེད་དོ། །སེམས་ཅན་ཆེན་པོ་དེ་ཡང་བཅོམ་ལྡན་འདས་དེ་བཞིན་གཤེགས་པ་རིན་པོ་ཆེའི་སྙིང་པོའི་སྤྱན་སྔ་ན་འདུག་ཅིང་ལུང་བསྟན་པ་ཉན་ཏོ། །གང་གི་ཚེ་སེམས་ཅན་ཆེན་པོ་དེས་བཅོམ་ལྡན་འདས་དེའི་སྤྱན་སྔར་པུས་མོ་གཡས་པའི་ལྷ་ང་ས་ལ་བཙུགས་པར་གྱུར་པ་དེའི་ཚེ་བཅོམ་ལྡན་འདས་དེས་འདི་ལྟ་སྟེ། ཕྱོགས་བཅུའི་འཇིག་རྟེན་གྱི་ཁམས་སངས་རྒྱས་ཀྱི་ཞིང་གི་རྡུལ་ཕྲ་རབ་ཀྱི་རྡུལ་སྙེད་དག་གི་ས་ཆེན་པོ་དག་རྣམ་པ་དྲུག་ཏུ་གཡོས། རབ་ཏུ་གཡོས། ཀུན་ཏུ་རབ་ཏུ་གཡོས་ཤིང་འགུལ་བ་དང་། མེ་ཏོག་གི་ཆར་དག་ཀྱང་མངོན་པར་རབ་ཏུ་བབ་པར་གྱུར་པ་དེ་ལྟ་བུའི་འཛུམ་པ་མཛད་དོ།
eKangyur, UT4CZ5369-I1KG9176-0000, page 492 (246b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh112/UT22084-050-003-2027#UT22084-050-003-2027