The White Lotus of Compassion
F.185.b
།ཁྱོད་ཀྱིས་ནི་སྨོན་ལམ་རྒྱ་ཆེན་པོ་བཏབ་སྟེ། ཁྱོད་ཀྱི་བསོད་ནམས་ཀྱི་རྒྱུ་འཐུན་པ་དེས་ཕྱོགས་བཅུའི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་མང་པོ་དག་ཚད་གཅིག་ཏུ་གྱུར་ལ་ཡིད་དུ་འོང་བའི་སྒྲ་འབུམ་ཕྲག་མང་པོ་དག་གིས་བསྐུལ་བའི་སངས་རྒྱས་ཀྱི་ཞིང་དེར་རིགས་ཀྱི་བུ་ཁྱོད་རྣམ་པར་སྣང་བྱེད་ཅེས་བྱ་བར་གྱུར་ཅིག །རྣམ་པར་སྣང་བྱེད་ཁྱོད་ནི་མ་འོངས་པའི་དུས་ན་བསྐལ་པ་གྲངས་མེད་པ་གང་གཱའི་ཀླུང་གི་བྱེ་མ་སྙེད་ནས་གྲངས་མེད་པ་གཉིས་པ་ལ་བབ་པ་ན། ཤར་ཕྱོགས་ལོགས་སུ་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་ཉི་ཟླ་ཞེས་བྱ་བ་ཞིག་ཡོད་དེ། དེར་ཁྱོད་མངོན་པར་རྫོགས་པར་འཚང་རྒྱ་བར་འགྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ལ་དབང་སྒྱུར་དབང་ཕྱུག་རྒྱལ་པོ་ཞེས་བྱ་བ་རིག་པ་དང་ཞབས་སུ་ལྡན་པ་སངས་རྒྱས་བཅོམ་ལྡན་འདས་ཞེས་བྱ་བའི་བར་དུ་འགྱུར་རོ། །བྱང་ཆུབ་སེམས་དཔའ་རྣམ་པར་སྣང་བྱེད་ཀྱིས། བཅོམ་ལྡན་འདས་ཀྱི་ཞབས་ལ་ཡན་ལག་ལྔས་ཕྱག་བྱས་པ་དང་། དེ་བཞིན་གཤེགས་པ་རིན་པོ་ཆེའི་སྙིང་པོས་བཀའ་སྩལ་པ། བརྟུལ་ཞུགས་བཟང་པོ་རབ་དགའ་སེམས་དུལ་ལོངས། །བླ་མེད་སངས་རྒྱས་བྱང་ཆུབ་མ་གཏོགས་པར། །སེམས་ཅན་དག་ལ་སྙིང་རྗེ་ཆེར་སྐྱེད་ལ། །སྡུག་བསྔལ་རྒྱ་མཚོའི་མཐར་གནས་སེམས་ཅན་སྒྲོལ། །རིགས་ཀྱི་བུ་དེ་ནས་བྲམ་ཟེ་རྒྱ་མཚོའི་རྡུལ་གྱིས་རྒྱལ་བུ་བདུན་པ་ཡན་ལག་སྐྱེས་ཞེས་བྱ་བ་ལ་སྨྲས་པ་དང་། སྔ་མ་བཞིན་དུ་སྦྱར་ཏེ། བདག་ནི་སངས་རྒྱས་ཀྱི་ཞིང་ཉོན་མོངས་པ་ཅན་འདི་འབའ་ཞིག་ཏུ་མ་ལགས་ཀྱི་གང་ན་སེམས་ཅན་དམྱལ་བ་མ་མཆིས་པ་དང་། དུད་འགྲོའི་སྐྱེ་གནས་མ་མཆིས་པ་དང་། གཤིན་རྗེའི་འཇིག་རྟེན་མ་མཆིས་པ་དང་། བུད་མེད་མ་མཆིས་པ་དང་། སེམས་ཅན་མངལ་ན་གནས་པ་དག་མ་མཆིས་པ་དང་། རི་རབ་མ་མཆིས་པ་དང་། ཁོར་ཡུག་མ་མཆིས་པ་དང་། ཁོར་ཡུག་ཆེན་པོ་དག་མ་མཆིས་པ་དང་། བྲག་དང་རི་དག་མ་མཆིས་པ་དང་། མཐོ་དམན་དང་། གསེག་མ་དང་།
།ཁྱོད་ཀྱིས་ནི་སྨོན་ལམ་རྒྱ་ཆེན་པོ་བཏབ་སྟེ། ཁྱོད་ཀྱི་བསོད་ནམས་ཀྱི་རྒྱུ་འཐུན་པ་དེས་ཕྱོགས་བཅུའི་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་མང་པོ་དག་ཚད་གཅིག་ཏུ་གྱུར་ལ་ཡིད་དུ་འོང་བའི་སྒྲ་འབུམ་ཕྲག་མང་པོ་དག་གིས་བསྐུལ་བའི་སངས་རྒྱས་ཀྱི་ཞིང་དེར་རིགས་ཀྱི་བུ་ཁྱོད་རྣམ་པར་སྣང་བྱེད་ཅེས་བྱ་བར་གྱུར་ཅིག །རྣམ་པར་སྣང་བྱེད་ཁྱོད་ནི་མ་འོངས་པའི་དུས་ན་བསྐལ་པ་གྲངས་མེད་པ་གང་གཱའི་ཀླུང་གི་བྱེ་མ་སྙེད་ནས་གྲངས་མེད་པ་གཉིས་པ་ལ་བབ་པ་ན། ཤར་ཕྱོགས་ལོགས་སུ་འཇིག་རྟེན་གྱི་ཁམས་གང་གཱའི་ཀླུང་གི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་ཉི་ཟླ་ཞེས་བྱ་བ་ཞིག་ཡོད་དེ། དེར་ཁྱོད་མངོན་པར་རྫོགས་པར་འཚང་རྒྱ་བར་འགྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ལ་དབང་སྒྱུར་དབང་ཕྱུག་རྒྱལ་པོ་ཞེས་བྱ་བ་རིག་པ་དང་ཞབས་སུ་ལྡན་པ་སངས་རྒྱས་བཅོམ་ལྡན་འདས་ཞེས་བྱ་བའི་བར་དུ་འགྱུར་རོ། །བྱང་ཆུབ་སེམས་དཔའ་རྣམ་པར་སྣང་བྱེད་ཀྱིས། བཅོམ་ལྡན་འདས་ཀྱི་ཞབས་ལ་ཡན་ལག་ལྔས་ཕྱག་བྱས་པ་དང་། དེ་བཞིན་གཤེགས་པ་རིན་པོ་ཆེའི་སྙིང་པོས་བཀའ་སྩལ་པ། བརྟུལ་ཞུགས་བཟང་པོ་རབ་དགའ་སེམས་དུལ་ལོངས། །བླ་མེད་སངས་རྒྱས་བྱང་ཆུབ་མ་གཏོགས་པར། །སེམས་ཅན་དག་ལ་སྙིང་རྗེ་ཆེར་སྐྱེད་ལ། །སྡུག་བསྔལ་རྒྱ་མཚོའི་མཐར་གནས་སེམས་ཅན་སྒྲོལ། །རིགས་ཀྱི་བུ་དེ་ནས་བྲམ་ཟེ་རྒྱ་མཚོའི་རྡུལ་གྱིས་རྒྱལ་བུ་བདུན་པ་ཡན་ལག་སྐྱེས་ཞེས་བྱ་བ་ལ་སྨྲས་པ་དང་། སྔ་མ་བཞིན་དུ་སྦྱར་ཏེ། བདག་ནི་སངས་རྒྱས་ཀྱི་ཞིང་ཉོན་མོངས་པ་ཅན་འདི་འབའ་ཞིག་ཏུ་མ་ལགས་ཀྱི་གང་ན་སེམས་ཅན་དམྱལ་བ་མ་མཆིས་པ་དང་། དུད་འགྲོའི་སྐྱེ་གནས་མ་མཆིས་པ་དང་། གཤིན་རྗེའི་འཇིག་རྟེན་མ་མཆིས་པ་དང་། བུད་མེད་མ་མཆིས་པ་དང་། སེམས་ཅན་མངལ་ན་གནས་པ་དག་མ་མཆིས་པ་དང་། རི་རབ་མ་མཆིས་པ་དང་། ཁོར་ཡུག་མ་མཆིས་པ་དང་། ཁོར་ཡུག་ཆེན་པོ་དག་མ་མཆིས་པ་དང་། བྲག་དང་རི་དག་མ་མཆིས་པ་དང་། མཐོ་དམན་དང་། གསེག་མ་དང་།
eKangyur, UT4CZ5369-I1KG9176-0000, page 370 (185b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh112/UT22084-050-003-1905#UT22084-050-003-1905