སྨན་གྱི་གཞི།

The Chapter on Medicines
F.43.a

Bhaiṣajya­vastu
F.43.a, volume 3, Degé Kangyur

པ་དང་ནི་མ་གྲགས་པས། །​ཆུ་ཡིས་པད་མ་བཞིན་མ་གོས། །​སྲོག་གཅོད་པ་ནི་རྣམ་སྤངས་ཏེ། །​མ་བྱིན་པ་ལ་དགའ་མི་བྱེད། །​བདེན་པ་གསུང་ཞིང་ཚངས་པར་སྤྱོད། །​དེ་ནི་ཕྲ་མ་སྤངས་པ་ཡིན། །​ཚིག་རྩུབ་དག་ནི་མི་གསུང་ཞིང་། །​དུས་སུ་བབ་པ་འཇམ་པོར་གསུང་། །དེ་ནི་འདོད་ལ་བརྣབ་སེམས་མེད། །​སྐྱེ་བོ་རྣམས་ལ་དེ་སེམས་བྱམས། །​ཡང་དག་ལྟ་བ་ཕུན་སུམ་ཚོགས། །​ཏིང་ངེ་འཛིན་སྟོབས་སྤྱོད་ཡུལ་བ། །​བསམ་གཏན་ཆེན་པོ་མངོན་ཤེས་དྲུག །​རྫུ་འཕྲུལ་གྱིས་ནི་མཁའ་ལ་གཤེགས། །​ལྷ་དང་མི་ཡི་སྒྲ་དག་ནི། །​གང་ཡིན་རྣམ་པ་སྣ་ཚོགས་གསན། །​ཉོན་མོངས་ཅན་ནམ་དགེ་ཡང་རུང་། །​ཕ་རོལ་གྱི་ནི་སེམས་ཀྱང་མཁྱེན། །​གང་དང་གང་དུ་སྔོན་གནས་པ། །​སྔོན་གྱི་གནས་ལ་མཁས་པ་དང་། །​སེམས་ཅན་འགྲོ་དང་འོང་བ་ཡི། །​འཆི་འཕོ་དང་ནི་སྐྱེ་བ་མཁྱེན། །​ཟག་པ་ཟད་ཅིང་མི་ལྡན་པས། །​ཉེར་ཞི་ཤིན་ཏུ་མྱ་ངན་འདས། །​དབང་པོ་ཞི་ཞིང་ཐུགས་ཞི་བ། །​མཚོ་ནི་གང་བ་བཞིན་དུ་གནས། །​པད་མའི་རྫིང་ན་གླང་པོ་ཆེ། །​དམ་པ་དྲུག་བཅུ་ལོན་པ་ལྟར། །​མཐོང་ན་ངོམས་ནི་མི་ཤེས་པས། །​བྲམ་ཟེ་དགའ་བ་ཐོབ་པར་འགྱུར། །​རི་བོ་བཅོམ་ལྡན་འདི་འདྲ་སྟེ། །​དེ་ཡི་སྐུ་ནི་སྐྱེས་ཆེན་གྱི། །སུམ་བཅུ་རྩ་གཉིས་མཚན་མངའ་ཞིང་། །​གཟི་བརྗིད་མེ་ཡི་ཕུང་པོ་བཞིན། །​གང་གིས་ལོ་བརྒྱ་ཚང་བར་ནི། །​སྐྱོབ་པའི་བསྔགས་པ་བརྗོད་བྱས་ཀྱང་། །​དེ་བཞིན་གཤེགས་པ་ཚད་མེད་པས། །​དེས་ནི་མཐར་ཕྱིན་མི་འགྱུར་རོ། །​བྲམ་ཟེ་གང་གིས་དེ་མཐོང་བ། །​དེ་ཡི་རྙེད་པ་བླ་ན་མེད། །​གང་གིས་མཐོང་བས་སྐྱབས་སོང་བ། །​དེ་ཡི་རྙེད་པ་དེ་བས་འཕགས། །​བྲམ་ཟེ་རི་བོས་ཐུབ་ཆེན་གྱི། །​བསྔགས་པ་ཐོས་ནས་སྐྱོ་བར་གྱུར། །​དབེན་པའི་སེམས་ཀྱི་རྟོག་པ་ཡིས། །​ཀ་ནའི་བུ་ལ་འདི་སྐད་སྨྲས། །​མིར་གྱུར་པ་ལ་བདག་གིས་ནི། །​དེ་འདྲའི་བསྔགས་པ་ཐོས་མ་མྱོང་། །​ཀེ་ན་འཆད་པ་དང་སྦྱར་ན། །​དེ་ནི་འཇིག་རྟེན་ཀུན་གྱི་གཙོ། །​ཚོང་པ་ནོར་དག་དོན་གཉེར་ལྟར། །​ཁྱོད་ཀྱིས་ང་རྒྱལ་རྒྱལ་མཚན་སྤོངས། །​དེ་ལ་བཀུར་སྟི་གུས་བྱོས་དང་། །​བྲམ་ཟེ་དགའ་བ་ཐོབ་པར་འགྱུར། །​བྲམ་ཟེ་ཁྱེའུ་ནི་ལྔ་བརྒྱ་ཡིས། །​སློབ་

eKangyur, UT4CZ5369-I1KG9129-0000, page 85 (43a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh1-6/UT22084-001-006-8613#UT22084-001-006-8613