སྨན་གྱི་གཞི།

The Chapter on Medicines
F.220.b

Bhaiṣajya­vastu
F.220.b, volume 2, Degé Kangyur

བདག་གིས་ཇི་ལྟར་བྲམ་ཟེ་ལ། །​མཆོག་ཏུ་དགའ་བས་གླང་ཆེན་བཏང་། །​དེ་བཞིན་བདག་གིས་སྲིད་པ་གསུམ། །​བཏང་ནས་བྱང་ཆུབ་མཆོག་རེག་ཤོག །​རྒྱལ་པོ་ཐམས་ཅད་བཤེས་གཉེན་གྱིས་ཁྱོད་ཀྱི་སྲས་ཐམས་ཅད་སྒྲོལ་གྱིས་གླང་པོ་ཆེའི་མཆོག་རྒྱལ་སྲིད་འཕེལ་ཞེས་བྱ་བ་ཕྱིར་རྒོལ་བས་སྦད་པའི་བྲམ་ཟེ་རྣམས་ལ་བྱིན་ནོ་ཞེས་ཐོས་སོ། །​ཐོས་ནས་རྒྱལ་པོ་ཐམས་ཅད་བཤེས་གཉེན་ཤིན་ཏུ་ཁྲོས་འཁྲུགས་ནས་གཞོན་ནུ་ཐམས་ཅད་སྒྲོལ་བཀུག་སྟེ་སྨྲས་པ། གཞོན་ནུ་ཁྱོད་ངའི་ཡུལ་ན་མ་འདུག་པར་སོང་ཤིག །​དེ་ནས་གཞོན་ནུ་ཐམས་ཅད་སྒྲོལ་ཕས་སྤངས་པ་དང་། བསམས་པ། བདག་གིས་བྱང་ཆུབ་ཀྱི་ཕྱིར་འབད་པར་བྱས་པ་དང་། འཇིག་རྟེན་ཐམས་ཅད་རྗེས་སུ་གཟུང་བའི་ཕྱིར་བརྩོན་འགྲུས་ཀྱི་གོ་ཆ་བགོས་པས་གླང་པོ་ཆེ་དེ་ཡང་བཏང་སྟེ། དེ་བས་ཁྱིམ་ན་གནས་པས་ནི། །​ཅི་ནུས་པར་ནི་སྦྱིན་པ་བཏང་། །​དཀའ་ཐུབ་ནགས་སུ་བརྟེན་ནས་ནི། །​ངེས་པར་མཆོག་དག་བྱ་བ་ཡིན། །​བསླངས་ན་མི་སྦྱིན་ཞེས་བྱ་བ། །​ཚིག་ནི་སྨྲ་བར་མི་ཕོད་ཀྱིས། །​དེ་བས་བདག་ནི་ཁྱིམ་སྤངས་ཏེ། །​དཀའ་ཐུབ་ནགས་སུ་རབ་ཏུ་འགྲོ། །​བྱང་ཆུབ་སེམས་དཔས་དེ་ལྟར་སྙིང་ལ་མནའ་མཐོ་བཅད་ནས་ཆུང་མ་རྒྱགས་སྦྱིན་མའི་དྲུང་དུ་སོང་སྟེ་དེ་དག་རྒྱས་པར་སྨྲས་སོ། །​དེ་ནས་རྒྱགས་སྦྱིན་མས་ཐོས་མ་ཐག་ཏུ་སྡུག་པ་དང་བྲལ་བར་དོགས་པའི་སྙིང་གིས་ཐལ་མོ་སྦྱར་ཏེ། བྱང་ཆུབ་སེམས་དཔའ་ལ་སྨྲས་པ། རྗེའི་སྲས་གལ་ཏེ་དེ་ལྟ་ན་བདག་ཀྱང་དཀའ་ཐུབ་ཀྱི་ནགས་གནས་སུ་མཆི་སྟེ། བདག་ནི་རྗེའི་སྲས་དང་བྲལ་ན་སྐད་ཅིག་ཙམ་ཡང་འཚོ་བར་རྔོ་མི་ཐོག་ལགས་སོ། །​དེ་ཅིའི་སླད་དུ་ཞེ་ན། ནམ་མཁའ་ཟླ་བས་སྟོངས་པར་གྱུར་པ་དང་། །​ཇི་ལྟར་ས་ནི་ལོ་ཏོག་གིས་སྟོངས་དང་། །​པད་མ་ཆུ་ཡིས་སྟོངས་པར་གྱུར་པ་དག །​བུད་མེད་ཁྱིམ་ཐབ་ཀྱིས་སྟོངས་དེ་བཞིན་ནོ། །​བྱང་ཆུབ་སེམས་དཔས་སྨྲས་པ། བདག་ཅག་མཐར་གདོན་མི་ཟ་བར་འབྲལ་བར་འགྱུར་ཏེ། འདི་ནི་འཇིག་རྟེན་གྱི་རང་བཞིན་ཡིན་ནོ། །​ཁྱོད་ནི་བཟའ་བ་དང་། བཏུང་བ་དང་། མལ་ཆ་དང་། བགོ་བ་མཆོག་ལ་གོམས་པས་ལུས་

eKangyur, UT4CZ5369-I1KG9128-0000, page 440 (220b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh1-6/UT22084-001-006-8335#UT22084-001-006-8335