སྨན་གྱི་གཞི།

The Chapter on Medicines
F.119.b

Bhaiṣajya­vastu
F.119.b, volume 2, Degé Kangyur

དག་མ་ཐོབ་ན། ཁྱོད་ཀྱིས་ང་མིང་ལུས་པར་བྱས་པར་འགྱུར་རོ། །​དེ་ནས་བཅོམ་ལྡན་འདས་ཀྱིས་ཕྱག་འཁོར་ལོ་དང་། བཀྲ་ཤིས་དང་། གཡུང་དྲུང་འཁྱིལ་པ་དང་། དྲ་བས་འབྲེལ་བ། བསོད་ནམས་བརྒྱ་ཕྲག་དུ་མས་བསྒྲུབས་པ། འཇིགས་པ་རྣམས་དབུགས་འབྱིན་པར་མཛད་པས་སྤྱི་བོ་ལ་རེག་པར་མཛད་ནས་བཀའ་སྩལ་པ། བཞིན་བཟངས་ཁྱོད་ཀྱིས་བུམ་པ་བཟང་པོ་ལྟ་བུའི་ཉན་ཐོས་ཆེན་པོ་བཞི་ལ་ཟན་བྱིན་ཏེ། སུམ་བཅུ་རྩ་གསུམ་གྱི་ལྷ་གྱ་ནོམ་པ་དག་གི་ནང་དུ་སྐྱེ་བར་འགྱུར་བ་ལས་ཁྱོད་ཀྱིས་སྨོན་ལམ་ལོག་པར་བཏབ་པས་དུད་འགྲོ་རྣམས་སུ་སྐྱེས་ཏེ། རྡེག་པ་དང་གསོད་པ་ལ་ཞེན་ཅིང་ཕ་རོལ་གྱི་སྲོག་འཕྲོག་པ་དང་། ཕ་རོལ་གྱི་སྲོག་ལ་གནོད་པ་བྱེད་པས་འཚོ་བར་བྱེད་ན། འདི་ནས་ཤི་འཕོས་ནས་སེམས་ཅན་དམྱལ་བ་མ་གཏོགས་པར་ཁྱོད་ཀྱི་འགྲོ་བ་ནི་གང་ཞིག་ཡིན། སྐྱེ་བ་ནི་གང་ཞིག་ཡིན། ཚེ་ཕྱི་མ་ནི་གང་ཞིག་ཡིན། བཅོམ་ལྡན་འདས་བདག་གིས་ཅི་ཞིག་བགྱི་བ་བཀའ་སྩལ་དུ་གསོལ། བཞིན་བཟངས་ཚུར་ང་ལས་སྐྱབས་སུ་འགྲོ་བ་དང་བསླབ་པའི་གཞི་རྣམས་ཟུང་ལ། ཡུལ་མ་ག་དྷཱ་ན་གནས་པའི་སྐྱེ་བོའི་ཚོགས་ལ་མི་འཇིགས་པ་བྱིན་ཅིག །​བཙུན་པ་བདག་དེང་སླན་ཅད་བཅོམ་ལྡན་འདས་ཀྱི་སྤྱན་སྔར་སྐྱབས་སུ་མཆི་བ་དང་བསླབ་པའི་གཞི་རྣམས་མནོས་ནས་ཡུལ་མ་ག་དྷཱ་ན་གནས་པའི་སྐྱེ་བོའི་ཚོགས་ལ་ཡང་མི་འཇིགས་པ་སྩལ་བར་བགྱིའོ། །​དེ་ནས་དེའི་ཆུང་མ་དང་། བུ་མོ་དང་མནའ་མ་རྣམས་ཀྱིས་གསོལ་པ། བཅོམ་ལྡན་འདས་དང་ཆོས་དང་དགེ་སློང་གི་དགེ་འདུན་ལ་བདག་ཅག་ཀྱང་སྐྱབས་སུ་མཆི་ཞིང་བསླབ་པའི་གཞི་རྣམས་ནོད་ལགས་སོ། །​བཅོམ་ལྡན་འདས་ཀྱིས་དེ་རྣམས་ལ་སྐྱབས་སུ་འགྲོ་བ་དང་བསླབ་པའི་གཞི་རྣམས་བྱིན་ནོ། །​དེའི་བུ་རི་བོས་གསོལ་པ། བཅོམ་ལྡན་འདས་བདག་ཀྱང་སྐྱབས་སུ་མཆི་བ་དང་བསླབ་པའི་གཞི་རྣམས་ནོད་ལགས་སོ། །​སོག་མ་མེད་ཀྱིས་གསོལ་པ། བཅོམ་ལྡན་འདས་བདག་ཅག་ཀླུ་རྣམས་ནི་མི་མཛའ་བ་མང་བ་ལགས་ཀྱིས། རི་བོ་ལ་སྐྱབས་སུ་མཆི་བ་སྩལ་ཅིང་བསླབ་པའི་གཞི་རྣམས་ནི་མི་དཔོག་པར་གསོལ། འདིས་བདག་ཅག་བསྲུངས་པར་འགྱུར་ལགས་སོ། །​བཅོམ་ལྡན་

eKangyur, UT4CZ5369-I1KG9128-0000, page 238 (119b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh1-6/UT22084-001-006-8133#UT22084-001-006-8133