སྨན་གྱི་གཞི།

The Chapter on Medicines
F.88.a

Bhaiṣajya­vastu
F.88.a, volume 2, Degé Kangyur

ཤེས་ལྡན་གཽ་ཏ་མ་ལ་བདག་ཕྱོགས་གཞན་འགའ་ཞིག་ཞུ་ལགས་སོ། །​རྒྱལ་པོ་ཆེན་པོ་ཅི་དང་ཅི་འདོད་པ་ཞུས་ཤིག །​ཀྱེ་གཽ་ཏ་མ་བདག་གིས་ཁྱོད་འདི་སྐད་ཅེས་དགེ་སྦྱོང་ངམ་བྲམ་ཟེ་གཞན་གྱིས་ཐམས་ཅད་ཤེས་པའམ། མཐོང་བ་གང་ཡིན་པ་དེ་ནི་གནས་མ་ཡིན་ཞིང་གོ་སྐབས་མེད་དེ་གནས་མེད་དོ་ཞེས་གསུང་ངོ་ཞེས་ཐོས་ན། གཽ་ཏ་མ་ཁྱོད་ཀྱིས་དེ་སྐད་དུ་བཀའ་སྩལ་པར་དགོངས་ལགས་སམ། རྒྱལ་པོ་ཆེན་པོ་དེ་སྐད་དུ་སྨྲས་པར་མི་དྲན་ནོ། །​དེའི་ཚེ་སྡེ་དཔོན་འཕགས་སྐྱེས་པོ་ཞེས་བྱ་བ་འཁོར་དེ་ཉིད་དུ་འདུས་ཤིང་འདུག་པར་གྱུར་ཏོ། །​དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་སྡེ་དཔོན་འཕགས་སྐྱེས་པོ་ལ་འདི་སྐད་ཅེས་སྨྲས་སོ། །​སྡེ་དཔོན་ཉི་མ་སྔ་མ་དང་ཚེས་སྔ་མའི་ཉི་མ་དག་ལ་རྒྱལ་པོའི་ཕོ་བྲང་དུ་རྒྱལ་པོ་དང་། བློན་པོ་དང་། རྒྱལ་པོའི་འཁོར་རྣམས་འདུས་ཏེ་འཁོད་པ་ན་གཏམ་དེ་ལྟ་བུ་སུས་གླེངས་པ་དྲན་ནམ། ལྷ་དྲན་ཏེ། འདི་ལྟ་སྟེ། བཀྲ་ཤིས་ལྡན་གྱི་བུ་བྲམ་ཟེའི་ཁྱེའུ་ཡང་དག་རྒྱལ་བ་ལགས་སོ། །​དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་མི་ཞིག་ལ་སྨྲས་པ། ཀྭའི་ནང་རྗེ་ཁྱོད་བཀྲ་ཤིས་ལྡན་གྱི་བུ་བྲམ་ཟེའི་ཁྱེའུ་ཡང་དག་རྒྱལ་བ་གང་ན་བ་དེར་སོང་ལ་ཕྱིན་ནས། བཀྲ་ཤིས་ལྡན་གྱི་བུ་བྲམ་ཟེའི་ཁྱེའུ་ཡང་དག་རྒྱལ་བ་ལ་འདི་སྐད་ཅེས་ཀོ་ས་ལའི་རྒྱལ་པོ་གསལ་རྒྱལ་ཁྱོད་འབོད་དོ་ཞེས་སྨྲོས་ཤིག །​ལྷ་བཀའ་བཞིན་འཚལ་ཞེས་མི་དེས་ཀོ་ས་ལའི་རྒྱལ་པོ་གསལ་རྒྱལ་གྱི་ལྟར་མཉན་ནས། བཀྲ་ཤིས་ལྡན་གྱི་བུ་བྲམ་ཟེའི་ཁྱེའུ་ཡང་དག་རྒྱལ་བ་གང་ན་བ་དེར་སོང་སྟེ་ཕྱིན་ནས། བཀྲ་ཤིས་ལྡན་གྱི་བུ་བྲམ་ཟེའི་ཁྱེའུ་ཡང་དག་རྒྱལ་བ་ལ་འདི་སྐད་ཅེས་སྨྲས་སོ། །​ཀོ་ས་ལའི་རྒྱལ་པོ་གསལ་རྒྱལ་ཁྱོད་འབོད་དོ། །​དེ་ནས་ཀོ་ས་ལའི་རྒྱལ་པོ་གསལ་རྒྱལ་གྱིས་མི་དེ་སོང་ནས་རིང་པོ་མ་ལོན་པར་རིག་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །​ཀྱེ་གཽ་ཏ་མ་འདི་ལ་ཁ་ཅིག་དོན་དང་ཚིག་ངན་པར་བཟུང་བ་འཛིན་པ་ལྟ་མཆིས་ལགས་སམ། རྒྱལ་པོ་ཆེན་པོ་ཡོད་དེ། དོན་དེ་གཞན་ཁོ་ན་ཡིན་པ་ལས་

eKangyur, UT4CZ5369-I1KG9128-0000, page 175 (88a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh1-6/UT22084-001-006-8070#UT22084-001-006-8070