འཇམ་དཔལ་རྣམ་པར་འཕྲུལ་པའི་ལེའུ།

The Chapter on Mañjuśrī’s Magical Display
F.246.a

Mañjuśrī­vikurvāṇa­parivarta
F.246.a, volume 46, Degé Kangyur

ཏེ་རྣམ་པར་འབྱེད་ལ་ཀུན་ནས་བསྐོར་བ་མེད་པར་གནས་པ་ནི་ལེགས་པའོ། །​ཉེས་པ་བྱུང་བ་འཆབ་པ་ནི་ལེགས་པ་མ་ཡིན་པའོ། །​བདག་གི་འཁྲུལ་པ་ལ་སོ་སོར་རྟོག་པ་ནི་ལེགས་པའོ། །​གཞན་གྱི་འཁྲུལ་པའི་སྐྱོན་ཚོལ་བ་ནི་ལེགས་པ་མ་ཡིན་པའོ། །​བྱས་པ་གཟོ་བ་དང་། བྱས་པ་ཤེས་པ་དང་། བྱས་པ་ཆུད་མི་གཟོན་པ་དང་། བྱས་པ་ལ་ལན་དུ་ཕན་འདོགས་པ་ནི་ལེགས་པའོ། །​བྱས་པ་མི་གཟོ་བ་དང་། བྱས་པ་མི་ཤེས་པ་དང་། བྱས་པ་ཆུད་གཟོན་པ་དང་། བྱས་པ་ལ་ལན་དུ་ཕན་མི་འདོགས་པ་ནི་ལེགས་པ་མ་ཡིན་པའོ། །​ཐོས་པ་ཡང་དག་པར་སྒྲུབ་པ་ནི་ལེགས་པའོ། །​ཐོས་པ་ལོག་པར་བསྒྲུབ་པ་ནི་ལེགས་པ་མ་ཡིན་པའོ། །​བསླབ་པ་ཡང་དག་པར་བླངས་ནས་མ་ཉམས་པ་ནི་ལེགས་པའོ། །​བསླབ་པ་ཡང་དག་པར་བླངས་པ་ལས་འདའ་བ་ནི་ལེགས་པ་མ་ཡིན་པའོ། །​དབེན་པ་ལ་སེམས་གཞོལ་ཞིང་དབེན་པ་ལ་དགའ་བ་ནི་ལེགས་པའོ། །​འདུ་འཛི་ལ་དགའ་བ་ནི་ལེགས་པ་མ་ཡིན་པའོ། །​དགོན་པ་ལ་གནས་པར་ལུས་དང་སྲོག་འདོར་བ་ནི་ལེགས་པའོ། །​ལུས་དང་སྲོག་ལ་ལྟ་བ་ནི་ལེགས་པ་མ་ཡིན་པའོ། །​འཕགས་པའི་རིགས་ལ་ཡང་དག་པར་དགའ་བ་དང་རུང་བ་རྣམས་ལ་ཚོད་རིག་པ་ནི་ལེགས་པའོ། །​ཆོག་མི་ཤེས་ཤིང་འདོད་པ་ཆེ་ལ་སྡིག་པ་འདོད་པ་ནི་ལེགས་པ་མ་ཡིན་པའོ། །​ཉམ་ཆུང་བ་རྣམས་ལ་བཟོད་ཅིང་དང་དུ་ལེན་པ་ནི་ལེགས་པའོ། །​སེམས་ཅན་རྣམས་ལ་སྨ་འབེབས་པ་ནི་ལེགས་པ་མ་ཡིན་པའོ། །​འཚོ་བ་དག་པ་ནི་ལེགས་པའོ། །​སྙོམ་ལས་ཅན་ནི་ལེགས་པ་མ་ཡིན་པའོ། །​སྐྱབས་སུ་སོང་བ་རྣམས་མི་གཏོང་བ་ནི་ལེགས་པའོ། །སྐྱབས་སུ་སོང་བ་རྣམས་ལ་འཁུ་བ་ནི་ལེགས་པ་མ་ཡིན་པའོ། །​དམ་བཅས་པ་ལས་མི་ཉམས་པའི་ཚིག་བདེན་པ་དང་། ཇི་སྐད་སྨྲས་པ་དེ་བཞིན་བྱེད་པ་ནི་ལེགས་པའོ། །​འཇིག་རྟེན་ཐམས་ཅད་ལ་སླུ་བ་ནི་ལེགས་པ་མ་ཡིན་པའོ། །​དམ་པའི་ཆོས་ཡོངས་སུ་འཛིན་པ་ནི་ལེགས་པའོ། །​དམ་པའི་ཆོས་ཡོངས་སུ་སྤོང་བ་ནི་ལེགས་པ་མ་ཡིན་པའོ། །​ཐོས་པ་ལ་སེར་སྣ་མེད་ཅིང་ཆོས་ལ་སློབ་དཔོན་གྱིས་དཔེ་མཁྱུད་མེད་དེ་ཟང་ཟིང་མེད་པར་ཆོས་སྟོན་པ་ནི་ལེགས་པའོ། །​ཆོས་ལ་སེར་སྣ་བྱེད་ཅིང་ཆོས་ལ་སློབ་དཔོན་གྱིས་དཔེ་མཁྱུད་བྱེད་དེ་ཟང་ཟིང་དང་འབྲེལ་བའི་སེམས་ཀྱིས་ཆོས་སྟོན་པ་ནི་ལེགས་

eKangyur, UT4CZ5369-I1KG9172-0000, page 491 (246a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh97/UT22084-046-003-337#UT22084-046-003-337