འཇམ་དཔལ་རྣམ་པར་རོལ་པ།

The Miraculous Play of Mañjuśrī
F.234.b

Mañjuśrī­vikrīḍita
F.234.b, volume 46, Degé Kangyur

དོ། །​གྲོགས་པོ་དག་དེ་བཞིན་དུ་བྱང་ཆུབ་སེམས་དཔའ་ཡང་སེམས་ཅན་ཐམས་ཅད་དང་ལྷན་ཅིག་གནས་ཀྱང་ཆགས་པ་མེད་དོ། །​གྲོགས་པོ་དག་འདི་ལྟ་སྟེ་དཔེར་ན། བཅིངས་པ་ལས་བཀྲོལ་བའི་མི་ནི་འདོད་ཆགས་ཀྱི་ཀུན་དུ་སྤྱད་པ་ལ་མི་སྤྱོད་དོ། །​གྲོགས་པོ་དག་དེ་བཞིན་དུ་བྱང་ཆུབ་སེམས་དཔའ་ཡང་ཁམས་གསུམ་པ་དག་འཆིང་བ་དང་འོབས་ལྟ་བུར་འདུ་ཤེས་པས་ཆགས་པ་མེད་དོ། །​དེ་ནས་སྨད་འཚོང་མའི་བུ་མོ་གསེར་མཆོག་འོད་དཔལ་ཆོས་ཀྱི་འབབ་སྟེགས་སུ་ནི་ཞུགས། གཏིང་ནི་རྙེད། ཐང་ལ་ནི་ཕྱིན། མ་རིག་པའི་མུན་པ་དང་ནི་བྲལ་ཏེ། སྲིད་པའི་སྐྱོན་གྱི་ཉོན་མོངས་པ་འཇིགས་པར་ལྟ་བ་ནི་ལེགས་པར་མཐོང་ནས། འཇམ་དཔལ་གཞོན་ནུར་གྱུར་པའི་རྐང་པ་ལ་མགོ་བོས་ཕྱག་འཚལ་ཏེ། ལན་གསུམ་བསྐོར་བ་བྱས་ནས་ཤིང་རྟ་ལ་ཞོན་ཀར་ཚིགས་སུ་བཅད་པ་འདི་དག་སྨྲས་སོ། །​རང་བཞིན་རྣམ་དག་ཆགས་པས་མ་ཆགས་ཤིང་། །​རྟག་ཏུ་བྱམས་སེམས་སྣང་བས་སྡང་བ་མེད། །​ཤེས་རབ་སྣང་ཤར་གཏི་མུག་རྨོངས་བྲལ་བ། །​ཉོན་མོངས་མེད་པར་ཤིང་རྟ་བཞོན་པར་བྱ། །​གང་གིས་སྔོན་ཆད་བདག་ནི་རྒྱལ་གྱུར་ཅིང་། །​ནོར་ཆགས་ཚོང་དཔོན་བུ་དང་ལྷན་ཅིག་ཏུ། །​ཤིང་རྟར་ཞུགས་ནས་སྐྱེད་མོས་ཚལ་སོང་བ། །འདོད་པའི་རྣམ་རྟོག་དེ་དག་གང་དུ་སོང་། །​ཇི་ལྟར་སྤྲིན་ཚོགས་སྟུག་པོས་ས་ཁེབས་ན། །​ཉི་མའི་འོད་ཟེར་ལྷམ་མེ་ལྷན་ནེར་མིན། །​འོན་ཀྱང་འོད་ཟེར་དེ་དག་གར་མི་འགྲོ། །​སྤྲིན་གྱིས་བསྒྲིབས་པས་སྣང་བ་མེད་དུ་ཟད། །​དེ་བཞིན་ཉོན་མོངས་བསྒྲིབས་པས་བྱིས་པ་ཀུན། །ཤེས་རབ་སྣང་ལ་བློ་སྐྱེ་མེད་པ་ཡང་། །​ཤེས་རབ་ཡུལ་གང་ན་ཡང་གནས་པ་མེད། །​ཉོན་མོངས་ཡོངས་སུ་ཤེས་པས་ཤེས་རབ་སྣང་། །​ཉོན་མོངས་གང་ནས་འོང་བའང་མ་ཡིན་ཞིང་། །​ཡུལ་གྱི་ཕྱོགས་ཆར་འགྲོ་བའང་མ་ཡིན་ཏེ། །​ཚུལ་བཞིན་མ་ཡིན་པ་ལས་ཉོན་མོངས་འབྱུང་། །​ཚུལ་བཞིན་གྱིས་ནི་དེ་དག་འབྱུང་མི་འགྱུར། །​བོར་བ་མེད་ཅིང་བླངས་པའང་ཡོད་མ་ཡིན། །​བསྐྱེད་པ་མེད་ཅིང་བཀག་པའང་ཡོད་མ་ཡིན། །​གཞན་ལ་མ་བྱིན་ཕྲོགས་པའང་མ་ཡིན་ཏེ། །​ཆོས་མཉམ་ཉིད་ཀྱིས་བདག་ཀྱང་རྣམ་པར་དག །

eKangyur, UT4CZ5369-I1KG9172-0000, page 468 (234b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh96/UT22084-046-002-616#UT22084-046-002-616