The Miraculous Play of Mañjuśrī
F.223.a
བུད་མེད་ཀྱི་ཆོས་དང་མཚུངས་པར་ལྡན་པ་ཡང་མ་ཡིན་ནོ། །སྲིང་མོ་བྱང་ཆུབ་ཀྱང་སྐྱེས་པའི་ཆོས་དང་མཚུངས་པར་ལྡན་པ་ཡང་མ་ཡིན། བུད་མེད་ཀྱི་ཆོས་དང་མཚུངས་པར་ལྡན་པ་ཡང་མ་ཡིན་ནོ། །སྲིང་མོ་དེ་བཞིན་དུ་རྣ་བ་དང་། སྣ་དང་། ལྕེ་དང་། ལུས་དང་། ཡིད་ཀྱང་སྐྱེས་པའི་ཆོས་དང་མཚུངས་པར་ལྡན་པ་ཡང་མ་ཡིན། བུད་མེད་ཀྱི་ཆོས་དང་མཚུངས་པར་ལྡན་པ་ཡང་མ་ཡིན་ནོ། །སྲིང་མོ་བྱང་ཆུབ་ཀྱང་སྐྱེས་པའི་ཆོས་དང་མཚུངས་པར་ལྡན་པ་ཡང་མ་ཡིན། བུད་མེད་ཀྱི་ཆོས་དང་མཚུངས་པར་ལྡན་པ་ཡང་མ་ཡིན་ནོ། །སྲིང་མོ་མིག་ནི། སྐྱེས་པའང་མ་ཡིན། བུད་མེད་ཀྱང་མ་ཡིན་ནོ། །སྲིང་མོ་བྱང་ཆུབ་ཀྱང་སྐྱེས་པ་ཡང་མ་ཡིན། བུད་མེད་ཀྱང་མ་ཡིན་ནོ། །སྲིང་མོ་ཡིད་ཀྱི་བར་དུ་ཡང་སྐྱེས་པ་ཡང་མ་ཡིན། བུད་མེད་ཀྱང་མ་ཡིན་ནོ། །སྲིང་མོ་བྱང་ཆུབ་ཀྱང་སྐྱེས་པ་ཡང་མ་ཡིན། བུད་མེད་ཀྱང་མ་ཡིན་ནོ། །སྲིང་མོ་དེ་ལྟར་མིག་གི་དེ་བཞིན་ཉིད་ནི་དེ་བཞིན་གཤེགས་པས་ཐུགས་སུ་ཆུད་དེ། དེ་བཞིན་ཉིད་རྟོགས་པ་ནི་བྱང་ཆུབ་བོ། །ཡིད་ཀྱི་དེ་བཞིན་ཉིད་ཀྱི་བར་དུ་ཡང་དེ་བཞིན་གཤེགས་པས་ཐུགས་སུ་ཆུད་དེ། དེ་བཞིན་ཉིད་རྟོགས་པ་ནི་བྱང་ཆུབ་བོ། །སྲིང་མོ་དེའི་ཕྱིར་ངས་ཁྱོད་ལ་འདི་སྐད་དུ་ཁྱོད་ཉིད་བྱང་ཆུབ་བོ་ཞེས་སྨྲས་སོ། །སྲིང་མོ་གཞན་ཡང་ཁྱོད་ཀྱི་ལུས་འདི་ནི་བདག་མ་ཡིན། སེམས་ཅན་མ་ཡིན། སྲོག་མ་ཡིན། སྐྱེས་བུ་མ་ཡིན། གང་ཟག་མ་ཡིན། ཤེད་ལས་སྐྱེས་པ་མ་ཡིན། ཤེད་བུ་མ་ཡིན། བྱེད་པ་པོ་མ་ཡིན། ཚོར་བ་པོ་མ་ཡིན། ཤེས་པ་པོ་མ་ཡིན། མཐོང་བ་པོ་མ་ཡིན། ཉན་པ་པོ་མ་ཡིན། སྣོམ་པ་པོ་མ་ཡིན། ཟ་བ་པོ་མ་ཡིན། རེག་པ་པོ་མ་ཡིན། རྣམ་པར་ཤེས་པ་པོ་མ་ཡིན་ནོ། །སྲིང་མོ་བྱང་ཆུབ་ཀྱང་བདག་མ་ཡིན་སེམས་ཅན་མ་ཡིན། སྲོག་མ་ཡིན། གསོ་བ་མ་ཡིན། གང་ཟག་མ་ཡིན། བདག་གི་མ་ཡིན། ཡོངས་སུ་འཛིན་པ་མ་ཡིན། བྱས་པ་མ་ཡིན། ཚོར་བ་མ་ཡིན། གཟུགས་མ་ཡིན། སྒྲ་མ་ཡིན། དྲི་མ་ཡིན། རོ་མ་ཡིན། རེག་མ་ཡིན། རྣམ་པར་རེག་པ་མ་ཡིན་ཏེ། སྲིང་མོ་དེ་ལྟ་བས་ན་ཆོས་ཐམས་ཅད་མཉམ་པ་ཉིད་ནི་བྱང་ཆུབ་ཅེས་བྱའོ། །སྲིང་མོ་གང་ཡང་ཁྱོད་ཀྱི་ལུས་ནི་གཡོ་བ་མེད་པ། བྱེད་པ་མེད་པ།
eKangyur, UT4CZ5369-I1KG9172-0000, page 445 (223a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh96/UT22084-046-002-593#UT22084-046-002-593