རྒྱ་ཆེར་རོལ་པ།

The Play in Full
F.203.b

Lalita­vistara
F.203.b, volume 46, Degé Kangyur

བཞིན་གཤེགས་པས་ཆོས་ཀྱི་འཁོར་ལོ་རྣམ་པ་འདི་ལྟ་བུ་བསྐོར་ཏེ། དེ་བསྐོར་བས་དེ་བཞིན་གཤེགས་པ་ལ་དེ་བཞིན་གཤེགས་པའོ་ཞེས་བྱའོ། །​ཡང་དག་པར་རྫོགས་པའི་སངས་རྒྱས་ཞེས་བྱའོ། །​རང་བྱུང་ཞེས་བྱའོ། །​ཆོས་ཀྱི་རྗེ་ཞེས་བྱའོ། །​འདྲེན་པ་ཞེས་བྱའོ། །​རྣམ་པར་འདྲེན་པ་ཞེས་བྱའོ། །​ཡོངས་སུ་འདྲེན་པ་ཞེས་བྱའོ། །​དེད་དཔོན་ཞེས་བྱའོ། །​ཆོས་ཐམས་ཅད་ལ་དབང་སྒྱུར་བ་ཞེས་བྱའོ། །​ཆོས་ཀྱི་དབང་ཕྱུག་ཅེས་བྱའོ། །​ཆོས་ཀྱི་འཁོར་ལོ་བསྐོར་བ་ཞེས་བྱའོ། །​ཆོས་ཀྱི་སྦྱིན་བདག་ཅེས་བྱའོ། །​མཆོད་སྦྱིན་རྗེ་ཞེས་བྱའོ། །​མཆོད་སྦྱིན་ལེགས་པར་མཛད་པ་ཞེས་བྱའོ། །​བརྟུལ་ཞུགས་གྲུབ་པ་ཞེས་བྱའོ། །​དགོངས་པ་རྫོགས་པ་ཞེས་བྱའོ། །​འཆད་པ་པོ་ཞེས་བྱའོ། །​དབུགས་འབྱིན་པ་ཞེས་བྱའོ། །​བདེ་བ་མཛད་པ་ཞེས་བྱའོ། །​དཔའ་བོ་ཞེས་བྱའོ། །​ཉོན་མོངས་པ་སྤོང་བ་ཞེས་བྱའོ། །​གཡུལ་ལས་རྣམ་པར་རྒྱལ་བ་ཞེས་བྱའོ། །​གདུགས་དང་རྒྱལ་མཚན་དང་བ་དན་བསྒྲེང་བ་ཞེས་བྱའོ། །​སྣང་བ་མཛད་པ་ཞེས་བྱའོ། །​འོད་མཛད་པ་ཞེས་བྱའོ། །​མུན་པ་སེལ་བ་ཞེས་བྱའོ། །​སྒྲོན་མ་འཛིན་པ་ཞེས་བྱའོ། །​སྨན་པའི་རྒྱལ་པོ་ཆེན་པོ་ཞེས་བྱའོ། །​ཡང་དག་པའི་གསོ་བ་མཛད་པ་ཞེས་བྱའོ། །​ཟུག་རྔུ་འབྱིན་པ་ཆེན་པོ་ཞེས་བྱའོ། །​ཡེ་ཤེས་གཟིགས་པ་རབ་རིབ་མི་མངའ་བ་ཞེས་བྱའོ། །​ཀུན་ཏུ་གཟིགས་པ་ཞེས་བྱའོ། །​ཀུན་ཏུ་རྣམ་པར་གཟིགས་པ་ཞེས་བྱའོ། །​ཀུན་ནས་སྤྱན་ཅེས་བྱའོ། །​ཀུན་ནས་འོད་ཅེས་བྱའོ། །​ཀུན་ཏུ་སྣང་བ་ཞེས་བྱའོ། །​ཀུན་ནས་སྒོ་ཞེས་བྱའོ། །​ཀུན་ཏུ་བཟང་པོ་ཞེས་བྱའོ། །ཀུན་ཏུ་མཛེས་པ་ཞེས་བྱའོ། །​གནས་པ་མེད་ལ་བླང་བ་མེད་ཅིང་དོར་བ་མེད་པ་ཞེས་བྱའོ། །​མཐོ་བར་སེམས་པ་དང་། དམའ་བར་སེམས་པ་མེད་པའི་ཕྱིར་ས་དང་མཚུངས་པ་ཞེས་བྱའོ། །​རབ་ཏུ་མི་གཡོས་པའི་ཕྱིར་རིའི་དབང་པོ་དང་འདྲ་བ་ཞེས་བྱའོ། །​ཡོན་ཏན་ཐམས་ཅད་དང་ལྡན་པའི་ཕྱིར། འཇིག་རྟེན་ཐམས་ཅད་ཀྱི་དཔལ་ཞེས་བྱའོ། །​འཇིག་རྟེན་ཐམས་ཅད་ལས་མངོན་པར་འཕགས་པའི་ཕྱིར། སྤྱི་གཙུག་བལྟར་མི་མཐོང་བ་ཞེས་བྱའོ། །​ཟབ་ཅིང་གཏིང་དཔག་དཀའ་བའི་ཕྱིར་རྒྱ་མཚོ་དང་མཚུངས་པ་ཞེས་བྱའོ། །​བྱང་ཆུབ་ཀྱི་ཕྱོགས་ཀྱི་ཆོས་རིན་པོ་ཆེ་ཐམས་ཅད་རྫོགས་པའི་ཕྱིར་

eKangyur, UT4CZ5369-I1KG9172-0000, page 406 (203b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh95/UT22084-046-001-4466#UT22084-046-001-4466