རྒྱ་ཆེར་རོལ་པ།

The Play in Full
F.168.b

Lalita­vistara
F.168.b, volume 46, Degé Kangyur

རོ་ཞེས་བྱ་བའི་བར་དུ་ཡང་དག་པ་ཇི་ལྟ་བ་བཞིན་དུ་ཤེས་སོ། །​འདི་ནི་སྡུག་བསྔལ་ལོ། །​འདི་ནི་སྡུག་བསྔལ་གྱི་ཀུན་འབྱུང་བའོ། །​འདི་ནི་སྡུག་བསྔལ་འགོག་པའོ། །​འདི་ནི་སྡུག་བསྔལ་འགོག་པར་འགྲོ་བའི་ལམ་མོ་ཞེས་ཡང་དག་པ་ཇི་ལྟ་བ་བཞིན་དུ་ཤེས་སོ། །​དགེ་སློང་དག་དེ་ལྟར་བྱང་ཆུབ་སེམས་དཔས་ནམ་གྱི་ཆ་སྨད་སྐྱ་རེངས་འཆར་བའི་དུས་ཀྱི་ཚེ་རྔ་བརྡུང་བའི་ནམ་ཚོད་ཙམ་ན་སྐྱེས་བུ་དང་། སྐྱེས་བུ་དམ་པ་དང་། སྐྱེས་བུ་མཆོག་དང་། སྐྱེས་བུ་ཆེན་པོ་དང་། སྐྱེས་བུ་ཁྱུ་མཆོག་དང་། སྐྱེས་བུ་གླང་པོ་དང་། སྐྱེས་བུ་སེང་གེ་དང་། སྐྱེས་བུ་སྐྱེས་མཆོག་དང་། སྐྱེས་བུ་དཔའ་བོ་དང་། སྐྱེས་བུ་རྟུལ་ཕོད་དང་། སྐྱེས་བུ་ཅང་ཤེས་དང་། སྐྱེས་བུ་པད་མ་དང་། སྐྱེས་བུ་པད་མ་དཀར་པོ་དང་། སྐྱེས་བུ་ལྗིད་ཁྱེར་བ་དང་། སྐྱེས་བུ་ཁ་ལོ་སྒྱུར་བ་བླ་ན་མེད་པས་འཕགས་པའི་ཡེ་ཤེས་ཀྱིས་ཤེས་པར་བྱ་བ་དང་། ཁོང་དུ་ཆུད་པར་བྱ་བ་དང་། ཐོབ་པར་བྱ་བ་དང་། བལྟ་བར་བྱ་བ་དང་། མངོན་དུ་བྱ་བ་གང་ཅི་ཡང་རུང་སྟེ། དེ་ཐམས་ཅད་སེམས་ཀྱི་སྐད་ཅིག་གཅིག་དང་ལྡན་པའི་ཤེས་རབ་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ནས་རིག་པ་གསུམ་ཐོབ་བོ། །​དགེ་སློང་དག་དེ་ནས་ལྷའི་བུ་རྣམས་ཀྱིས་སྨྲས་པ། གྲོགས་པོ་དག་བཅོམ་ལྡན་འདས་མངོན་པར་རྫོགས་པར་སངས་རྒྱས་ཀྱིས་མེ་ཏོག་གཏོར་ཅིག་ཅེས་བྱས་སོ། །​དེ་ནས་ལྷའི་བུ་གང་དག་སྔོན་གྱི་སངས་རྒྱས་མཐོང་བ་དེ་དག་འདུས་ནས་དེ་དག་གིས་དེ་དག་ལ་སྨྲས་པ། གྲོགས་པོ་དག་སྔོན་གྱི་ཡང་དག་པར་རྫོགས་པའི་སངས་རྒྱས་རྣམས་ཀྱང་བརྡ་མཛད་ཅིང་བརྡ་མངོན་པར་སྤྲུལ་པ་མཛད་ཀྱིས། བཅོམ་ལྡན་འདས་ཀྱིས་བརྡ་མཛད་ཀྱི་བར་དུ་མེ་ཏོག་མ་གཏོར་ཅིག །​དགེ་སློང་དག་དེ་ནས་དེ་བཞིན་གཤེགས་པས་ལྷའི་བུ་དེ་དག་ཡིད་གཉིས་སུ་གྱུར་པར་མཁྱེན་ནས། ཤིང་ཏ་ལ་བདུན་ཙམ་དུ་ནམ་མཁའ་ལ་མངོན་པར་འཕགས་ཏེ། དེར་བཞུགས་ནས་ལམ་གྱི་རྒྱུན་ནི་ཆད་དོ། །​རྡུལ་ནི་ཉེ་བར་ཞིའོ། །​ཟག་པ་ནི་སྐམས་ཏེ་ཡང་མི་ཟག་གོ། །​ལམ་ནི་ཆད་དེ་ཡང་མི་འཇུག་གོ། །​འདི་ནི་སྡུག་བསྔལ་གྱི་མཐའ་ཞེས་བྱའོ་ཞེས་ཆེད་དུ་རྗོད་པ་ཆེད་དུ་བརྗོད་དོ། །​དེ་ནས་ལྷའི་བུ་དེ་དག་གིས་དེ་བཞིན་གཤེགས་པ་ལ་ལྷའི་མེ་

eKangyur, UT4CZ5369-I1KG9172-0000, page 336 (168b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh95/UT22084-046-001-4396#UT22084-046-001-4396