བསྐལ་པ་བཟང་པོ།

The Good Eon
F.5.b

Bhadra­kalpika
F.5.b, volume 45, Degé Kangyur

དམིགས་པ་ཉིད་དོ། །​ཡུལ་ལ་མི་སྟོན་པའོ། །​ཕྱིན་ཅི་ལོག་སྤོང་བའོ། །​སེམས་བརྟན་པོར་བསྒྲུབ་པའོ། །​འཕགས་པའི་གནས་པའོ། །​སེམས་ལ་བརྐམ་ཆགས་མེད་པ་ཉིད་དོ། །​སྦྱིན་གནས་ཀྱི་ས་ཐོབ་པ་ཉིད་དོ། །​མངོན་པར་འདུ་བྱེད་པ་ཤིན་ཏུ་སྦྱངས་པའོ། །སྦྱིན་པས་རྣམ་པར་སྨིན་པ་མི་ལེན་པའོ། །​ཚུལ་ཁྲིམས་ཀྱིས་མི་སྙེམས་པ་ཉིད་དོ། །​བཟོད་པས་རྟོག་པ་མེད་པའོ། །​བརྩོན་འགྲུས་ཆུད་ཟ་བ་མེད་པའོ། །​བསམ་གཏན་གྱིས་སྐྱེ་བ་མེད་པའོ། །​ཤེས་རབ་ཀྱིས་ཆུད་ཟ་བ་མེད་པའོ། །​ས་ལ་འཇུག་པའི་ཕ་རོལ་ཏུ་ཕྱིན་པ་མཉམ་པ་ཉིད་དོ། །​རང་གི་ཡོན་ཏན་གྱིས་སྙེམས་པ་མེད་པ་ཉིད་དོ། །​གཞན་གྱི་ཡོན་ཏན་ལ་སུན་མི་འབྱིན་པའོ། །​འཁོར་བ་ལ་མི་གནས་པའོ། །​མྱ་ངན་ལས་འདས་པ་ལ་མི་དམིགས་པ་ཉིད་དོ། །​ཐར་པ་ལ་དབང་དུ་གྱུར་པའོ། །​མྱ་ངན་ལས་འདས་པ་ལ་མ་ཆགས་པའོ། །​དེས་པ་ལ་གནས་པའོ། །​བཞིན་འཛུམ་པའོ། །​ཁྲོ་གཉེར་དང་བྲལ་བ་ཉིད་དོ། །​གསོང་པོར་སྨྲ་བ་ཉིད་དོ། །​འོས་པའི་ཤེས་རབ་དང་ལྡན་པས་གསར་བུ་དང་། བར་མ་དང་། རྒན་རབས་ལ་བཀུར་སྟི་བྱེད་པའོ། །​རྣམ་པར་འཚེ་བ་མེད་པ་ཉིད་དོ། །རྩོད་པ་ཞི་བར་བྱེད་པའོ། །​ཞི་བ་ལ་བསྔགས་པ་རྗོད་པའོ། །​ཚོགས་པ་ལ་མངོན་པར་བརྩོན་པའོ། །​མཛའ་བ་དང་མི་མཛའ་བ་ལ་སེམས་མཉམ་པ་ཉིད་དོ། །​གཟུངས་འཚོལ་བའོ། །​སེམས་ཅན་རྣམས་ལ་ནི་མ་ལ་སྲི་ཞུ་ཆེ་བ་ལྟ་བུའོ། །​མཛངས་པ་ལ་ནི་ཕ་ལ་སྲི་ཞུ་ཆེ་བ་ལྟ་བུའོ། །​བླ་མ་རྣམས་ལ་ནི་མཁན་པོ་ལ་སྲི་ཞུ་ཆེ་བ་ལྟ་བུའོ། །​བྱང་ཆུབ་སེམས་དཔའ་རྣམས་ལ་ནི་སངས་རྒྱས་ལ་གུས་པ་ལྟ་བུའོ། །​བསྒྲུབ་པ་རྫོགས་པར་བྱེད་པ་ཉིད་དོ། །​དེ་བཞིན་གཤེགས་པ་ལ་བཀུར་སྟི་བྱེད་པའོ། །​དགེ་བ་ལ་མོས་པ་ཉིད་དོ། །​དཀོན་མཆོག་གསུམ་ལ་ཞུམ་པ་མེད་པས་བཀུར་སྟི་བྱེད་པའོ། །​ཐ་སྙད་ལ་མི་གནས་པར་དང་དུ་ལེན་པ་ཉིད་དོ། །​ལུས་ལ་མི་ལྟ་བ་ཉིད་དོ། །​སྲོག་ལ་ལྷག་པར་ཆགས་པ་མེད་པ་ཉིད་དོ། །​འཚོ་བ་དག་པར་བྱེད་པའོ། །​བསོད་སྙོམས་ལ་རྒྱུ་བ་དག་བརྩོན་པ་མི་སྤོང་བའོ། །​ཚོགས་པའི་

eKangyur, UT4CZ5369-I1KG9171-0000, page 10 (5b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh94/UT22084-045-001-13864#UT22084-045-001-13864