བསྐལ་པ་བཟང་པོ།

The Good Eon
F.306.b

Bhadra­kalpika
F.306.b, volume 45, Degé Kangyur

ནས་ཀྱང་། །​དང་པོར་བྱང་ཆུབ་ཏུ་ནི་སེམས་བསྐྱེད་དོ། །​བདེ་གཤེགས་མེ་ཏོག་བཟང་པོ་ཡིག་མཁན་ཚེ། །​དེ་བཞིན་གཤེགས་པ་སྣ་ཚོགས་གསུང་དེ་ལ། །​གྲོ་བའི་གླེགས་མ་དག་ནི་ཕུལ་ནས་ཀྱང་། །​དང་པོར་བྱང་ཆུབ་ཏུ་ནི་སེམས་བསྐྱེད་དོ། །​བདེ་གཤེགས་རིན་ཆེན་མཐོན་པོ་ཤལ་ཁྱེར་ཚེ། །​དེ་བཞིན་གཤེགས་པ་ཟླ་བ་སྡུག་དེ་ལ། །​མར་མེ་དག་ནི་དབུལ་བ་བྱས་ནས་ཀྱང་། །​དང་པོར་བྱང་ཆུབ་ཏུ་ནི་སེམས་བསྐྱེད་དོ། །​བདེ་གཤེགས་རྒྱ་མཚོ་རོལ་མོ་མཁན་གྱི་ཚེ། །​རྔ་བོ་ཆེ་དག་བརྡུང་བ་བྱས་ནས་ཀྱང་། །​དེ་བཞིན་གཤེགས་པ་ཟླ་བའི་གདུགས་དེ་ལ། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །​དེ་བཞིན་གཤེགས་པ་ས་འཛིན་མགར་བའི་ཚེ། །​དེ་བཞིན་གཤེགས་པ་ཀུན་ཏུ་གཟིགས་དེ་ལ། །​མཚོན་ཆ་དག་ནི་དབུལ་བ་བྱས་ནས་ཀྱང་། །​དང་པོར་བྱང་ཆུབ་ཏུ་ནི་སེམས་བསྐྱེད་དོ། །​བདེ་གཤེགས་དོན་བློ་ལྷའི་བུ་ཉི་མའི་ཚེ། །​དེ་བཞིན་གཤེགས་པ་གོས་པ་མེད་དེ་ལ། །​མེ་ཏོག་མན་ད་ར་བ་གཏོར་ནས་ཀྱང་། །​དང་པོར་བྱང་ཆུབ་ཏུ་ནི་སེམས་བསྐྱེད་དོ། །​བདེ་གཤེགས་ཡོན་ཏན་བསགས་པ་སྨན་པའི་ཚེ། །​དེ་བཞིན་གཤེགས་པ་གྲགས་བླ་བཞུད་པ་ན། །​འདམ་རྫབ་དག་ཏུ་རྡོ་ལེབ་ཟམ་བཙུགས་ནས། །དང་པོར་བྱང་ཆུབ་ཏུ་ནི་སེམས་བསྐྱེད་དོ། །​བདེ་གཤེགས་ཡོན་ཏན་ཚོགས་ནི་སྨན་པའི་ཚེ། །​དེ་བཞིན་གཤེགས་པ་ཟླ་བའི་ཞལ་དེ་ལ། །​སྐྱུ་རུ་ར་ཡི་འབྲས་བུ་གཅིག་ཕུལ་ནས། །​དང་པོར་བྱང་ཆུབ་ཏུ་ནི་སེམས་བསྐྱེད་དོ། །​བདེ་གཤེགས་རིན་ཆེན་མེ་ནི་དེད་དཔོན་ཚེ། །​དེ་བཞིན་གཤེགས་པ་ཀླུ་ཡི་ལྷ་དེ་ལ། །​བཻ་དཱུརྱའི་སྣོད་ཆུ་ཡིས་བཀང་སྟེ་ཕུལ། །​དང་པོར་བྱང་ཆུབ་ཏུ་ནི་སེམས་བསྐྱེད་དོ། །​བདེ་གཤེགས་འཇིག་རྟེན་འདས་པ་ཚོང་འདུས་པ། །​བྱེད་ཚེ་དགེ་འདུན་དག་ལ་འོད་སྒྲོན་ཕུལ། །​དེ་བཞིན་གཤེགས་པ་ཡོན་ཏན་ཕུང་པོ་ལ། །​དང་པོར་བྱང་ཆུབ་ཏུ་ནི་སེམས་བསྐྱེད་དོ། །​བདེ་གཤེགས་འཇིག་རྟེན་ཟླ་བ་འཁོར་སྒྱུར་ཚེ། །​དེ་བཞིན་གཤེགས་པ་ཡོན་ཏན་བློ་དེ་ལ། །​གཙུག་ལག་ཁང་ནི་སྟོང་སྙེད་ཕུལ་ནས་ཀྱང་། །​དང་པོར་བྱང་ཆུབ་ཏུ་ནི་སེམས་བསྐྱེད་དོ། །​དེ་བཞིན་གཤེགས་པ་དབྱངས་སྙན་རྒྱལ་པོ་བྲམ་ཟེའི་ཚེ། །​ཕྱོགས་

eKangyur, UT4CZ5369-I1KG9171-0000, page 612 (306b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh94/UT22084-045-001-14466#UT22084-045-001-14466