བསྐལ་པ་བཟང་པོ།

The Good Eon
F.256.a

Bhadra­kalpika
F.256.a, volume 45, Degé Kangyur

གནས་སོ། །​སྐུ་གདུང་ནི་རིལ་པོ་གཅིག་ཏུ་འདུག་གོ། །​མཆོད་རྟེན་ནི་དཔག་ཚད་བཅུ་གསུམ་པ་སྟེ་གཅིག་ཏུ་ཟད་དོ། །​དེ་བཞིན་གཤེགས་པ་མི་དམའ་བ་སྐྱེ་བའི་ཡུལ་ནི་འཆི་བ་མེད་པ་ཞེས་བྱའོ། །​རིགས་ནི་རྒྱལ་རིགས་སོ། །​འོད་ནི་དཔག་ཚད་ལྔ་སྟོང་ངོ་། །​ཡབ་ནི་དགྲ་འདུལ་ཞེས་བྱའོ། །​ཡུམ་ནི་བཞིན་གསལ་མ་ཞེས་བྱའོ། །​སྲས་ནི་བལྟ་སྡུག་ཅེས་བྱའོ། །​རིམ་གྲོ་པ་ནི་གཟི་བརྗིད་མཐའ་ཡས་ཞེས་བྱའོ། །​ཤེས་རབ་ཅན་རྣམས་ཀྱི་མཆོག་ནི་དཔལ་འཛིན་ཞེས་བྱའོ། །​རྫུ་འཕྲུལ་ཅན་རྣམས་ཀྱི་མཆོག་ནི་ཆུ་བོ་སྤོང་ཞེས་བྱའོ། །​འདུས་པ་ནི་ལན་སུམ་ཅུ་སྟེ། ཐམས་ཅད་ལ་ཡང་བྱེ་བ་ཕྲག་དགུ་བཅུ་རྩ་གཉིས་གཉིས་སོ། །​སྐུ་ཚེའི་ཚད་ནི་ལོ་བརྒྱད་ཁྲི་བཞི་སྟོང་ངོ་། །​དམ་པའི་ཆོས་ཀྱང་ལོ་བརྒྱད་ཁྲི་བཞི་སྟོང་གི་བར་དུ་གནས་སོ། །​སྐུ་གདུང་ནི་རྒྱས་པར་འགྱུར་རོ། །​དེ་བཞིན་གཤེགས་པ་སྐྱེ་བོ་དགའ་བར་མཛད་པ་སྐྱེ་བའི་ཡུལ་ནི་འབྱོར་པའི་མཛོད་ཅེས་བྱའོ། །​རིགས་ནི་བྲམ་ཟེའོ། །​འོད་ནི་དཔག་ཚད་བདུན་སྟོང་ངོ་། །​ཡབ་ནི་ཀླུས་བྱིན་ཞེས་བྱའོ། །​ཡུམ་ནི་མཐོང་ལེགས་ཞེས་བྱའོ། །​སྲས་ནི་དྲི་མེད་བློ་ཞེས་བྱའོ། །​རིམ་གྲོ་པ་ནི་མཛེས་གྲུབ་ཅེས་བྱའོ། །​ཤེས་རབ་ཅན་རྣམས་ཀྱི་མཆོག་ནི་ཡེ་ཤེས་འོད་ཟེར་ཞེས་བྱའོ། །​རྫུ་འཕྲུལ་ཅན་རྣམས་ཀྱི་མཆོག་ནི་རིན་ཆེན་རྣམ་པར་གྲགས་ཞེས་བྱའོ། །​འདུས་པ་ནི་ལན་དགུ་བཅུ་སྟེ། ཐམས་ཅད་ལ་ཡང་ས་ཡ་ཕྲག་བཞི་བཞིའོ། །​སྐུ་ཚེའི་ཚད་ནི་ལོ་བཞི་ཁྲིའོ། །​དམ་པའི་ཆོས་ནི་ལོ་བཞི་ཁྲི་བཞི་སྟོང་གི་བར་དུ་གནས་སོ། །​སྐུ་གདུང་ནི་རིལ་པོ་གཅིག་ཏུ་འདུག་གོ། །​མཆོད་རྟེན་ནི་དཔག་ཚད་བཅུ་གཅིག་པ་སྟེ་གཅིག་ཏུ་ཟད་དོ།​། །​།འཕགས་པ་བསྐལ་པ་བཟང་པོ་པ་ཞེས་བྱ་བ་ཐེག་པ་ཆེན་པོའི་མདོ། བམ་པོ་ཉི་ཤུ་གཅིག་པ། དེ་བཞིན་གཤེགས་པ་རྨ་བྱའི་ང་རོ་སྐྱེ་བའི་ཡུལ་ནི་སྒྲ་དབྱངས་སྙན་པ་ཞེས་བྱའོ། །​རིགས་ནི་རྒྱལ་རིགས་སོ། །​འོད་ནི་གླིང་ཆེན་པོ་བཞི་པའི་འཇིག་རྟེན་གྱི་ཁམས་བཅུ་དྲུག་ཙམ་མོ། །​ཡབ་ནི་བསོད་ནམས་མཐའ་ཡས་འོད་ཅེས་བྱའོ། །​ཡུམ་ནི་བསོད་ནམས་ཀྱི་ཚོགས་ཀྱི་གཟི་བརྗིད་ཅེས་བྱའོ། །​སྲས་ནི་མཐུ་རྩལ་སྤྱོད་པའི་རྒྱལ་པོ་ཞེས་བྱའོ། །​རིམ་གྲོ་པ་ནི་མཆོད་མཐོང་ཞེས་བྱའོ། །​ཤེས་རབ་ཅན་རྣམས་ཀྱི་མཆོག་ནི་བཀོད་པ་མཛེས་པར་སྒྲུབ་

eKangyur, UT4CZ5369-I1KG9171-0000, page 511 (256a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh94/UT22084-045-001-14365#UT22084-045-001-14365