བསྐལ་པ་བཟང་པོ།

The Good Eon
F.126.b

Bhadra­kalpika
F.126.b, volume 45, Degé Kangyur

སྟོང་བར་དུ་གནས། །​དེ་ཡི་སྐུ་གདུང་རིལ་གཅིག་མཆོད་རྟེན་གཅིག །​གསེར་གྱི་སྲོག་ཤིང་དཔག་ཚད་གཅིག་ཏུ་འཕགས། །​སྲིད་མཐར་མཛད་པ་དཔལ་གྱི་སྙིང་པོ་ཡི། །​སྐྱེ་བའི་ཡུལ་ནི་སྐྱེ་བོ་དགའ་ཞེས་བྱ། །​རིགས་ནི་བྲམ་ཟེ་འོད་ནི་དཔག་ཚད་གཅིག །​དེ་ཡི་ཡབ་ནི་ཟླ་བའི་སྟོབས་ཞེས་བྱ། །​ཨུ་བེ་ཞེས་བྱ་ཡུམ་ཡིན་ཟླ་བ་སྲས། །​བརྩོན་འགྲུས་བདེ་བའི་དབང་པོ་རིམ་གྲོ་པ། །​ནོར་གྱི་འབྱུང་གནས་ཞེས་བྱ་ཤེས་རབ་ཅན། །​བསམ་གཏན་དབང་ཕྱུག་ཞེས་བྱ་རྫུ་འཕྲུལ་ཅན། །​དགོངས་པ་དྲི་མ་མེད་པའི་དགེ་སློང་དག །​འདུས་པ་དང་པོར་ལྔ་ཁྲི་བཞི་སྟོང་ཡོད། །​གཉིས་པར་དྲུག་ཁྲི་གསུམ་པར་བརྒྱད་ཁྲི་ཡོད། །​སྐུ་ཚེ་ལོ་གྲངས་སྟོང་ཕྲག་ལྔ་བཅུ་ཡིན། །​དམ་པའི་ཆོས་ནི་ལོ་གྲངས་འབུམ་དུ་གནས། །​རྐང་གཉིས་མཆོག་མ་དེ་ཡི་མཆོད་རྟེན་ཡང་། །​གཅིག་འབྱུང་དཔག་ཚད་བཞི་ཙམ་ཁོར་ཡུག་ཏུ། །​གདུགས་བཀབ་དྲིལ་བུ་གཡེར་ཁའི་དྲ་བས་ཁྱབ། །​དེ་བཞིན་གཤེགས་པ་སྲིད་མཐའ་གཟིགས་པ་ཡི། །​སྐྱེ་བའི་ཡུལ་ནི་དགའ་བས་མཐོང་ཞེས་བྱ། །​རིགས་ནི་རྒྱལ་རིགས་འོད་བཟངས་དཔག་ཚད་དག །​སུམ་ཅུ་གསུམ་ཡོད་ཡབ་ནི་རྣམ་པར་གནོན། །​དེ་ཡི་ཡུམ་ནི་ཟླ་བའི་འདབ་ལྡན་མ། །​སྲས་པོ་རྗེ་བཙན་སྦེད་པ་རིམ་གྲོ་པ། །​སྐྱེ་བའི་འོད་ཅེས་བྱ་བ་མཁས་པའི་མཆོག །​རླུང་ལྟར་འགྲོ་ཞེས་བྱ་བ་རྫུ་འཕྲུལ་ཅན། །​འདུས་པ་དང་པོར་དགེ་སློང་བརྒྱད་ཁྲི་ཡོད། །​གཉིས་པར་དགུ་ཁྲི་གསུམ་པར་བྱེ་བ་ཡོད། །​སྐུ་ཚེ་ལོ་གྲངས་སྟོང་ཕྲག་བརྒྱ་ཡང་ཡིན། །​མྱ་ངན་འདས་ནས་དམ་པའི་ཆོས་རྣམས་ཀྱང་། །​ལོ་གྲངས་བྱེ་བའི་བར་དུ་གནས་པར་འགྱུར། །​དེ་བཞིན་གཤེགས་པ་ཐེ་ཙོམ་མི་མངའ་བ། །​དེ་ཡི་སྐུ་གདུང་རྣམས་ཀྱང་རྒྱས་འགྱུར་ལ། །​མཆོད་རྟེན་བྱེ་བ་བརྒྱ་ཕྲག་དགུ་བཅུ་གཅིག །​དེ་བཞིན་གཤེགས་པ་གློག་གི་འོད་དག་གི། །​སྐྱེ་བའི་ཡུལ་ནི་སྨན་ཅེས་བྱ་བ་ཡིན། །​རིགས་ནི་རྒྱལ་རིགས་ཡིན་ཏེ་འོད་ཀྱི་ཚད། །​དཔག་ཚད་གཉིས་ཡོད་བདེ་བའི་དབང་པོ་ཡབ། །​དེ་ཡི་ཡུམ་ནི་ཡན་ལག་དགའ་ཞེས་བྱ། །​སྲས་པོ་སྟོབས་བརྟན་ཆོས་ནི་རིམ་གྲོ་པ། །​ནོར་ལྷ་ཞེས་ནི་བྱ་བ་མཁས་པ་སྟེ། །​སྙན་

eKangyur, UT4CZ5369-I1KG9171-0000, page 252 (126b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh94/UT22084-045-001-14106#UT22084-045-001-14106