བསྐལ་པ་བཟང་པོ།

The Good Eon
F.11.b

Bhadra­kalpika
F.11.b, volume 45, Degé Kangyur

ཐོབ་པ་ཡིན་ནོ། །​ཆོས་ཐམས་ཅད་ལ་སྟོབས་དང་མཐུ་ཆེ་བ་རྗེས་སུ་འཐོབ་བོ། །​ཆོས་ཐམས་ཅད་ཀྱི་སྒོ་ནས་ཤེས་པའི་ཕྱིར་ཤེས་པ་པོ་ཡིན་ནོ། །​སེམས་ཅན་ཐམས་ཅད་ཀྱི་སྤྱོད་པ་དྲན་ནོ། །​བསྐལ་པ་གྲངས་མེད་པ་ནས་ཆོས་རྣམས་ཀྱི་ཆོས་དེ་བཞིན་ཉིད་མངོན་པར་རྟོགས་སོ། །​རྒོལ་བ་ཐམས་ཅད་ཤེས་སོ། །​སྐྱོ་བའི་བསམ་པ་ཐམས་ཅད་སྤོང་བ་འཐོབ་བོ། །​བྱང་ཆུབ་མྱུར་དུ་རྟོགས་སོ། །​ལྷ་རྣམས་ཀྱིས་བསྟོད་དོ། །​ཤེས་པས་ཆོས་ཐམས་ཅད་ཀྱི་རྗེས་སུ་འཇུག་གོ། །​དོན་ཐོབ་པར་བྱ་བ་ལ་མཁས་པ་ཡིན་ནོ། །​དེ་ལ་ཆོས་ཐམས་ཅད་ཡང་དག་པར་སྣང་ངོ་། །​ཟས་སུ་བདུད་རྩི་ཟའོ། །​ཐེ་ཙོམ་ཐམས་ཅད་གཅོད་དོ། །​བག་ཆགས་ཀྱི་མཚམས་སྦྱོར་བ་འདོར་རོ། །​སྙིང་རྗེ་ཆེན་པོས་འགེབས་སོ། །​དགོངས་པ་དྲན་ནོ། །​སྔོན་གྱི་གནས་རྗེས་སུ་དྲན་པ་བསྒོམ་མོ། །​མྱ་ངན་ལས་འདས་པའི་ཡོན་ཏན་སྤྱོད་པ་མྱུར་བར་རྟོགས་སོ། །​ཚོགས་ཀྱིས་མཆོད་པ་བྱས་པ་འཐོབ་བོ། །​ང་རྒྱལ་ཐམས་ཅད་གཅོག་གོ། །​མཐུའི་ས་ངེས་པར་རྗེས་སུ་འཐོབ་བོ། །​སྣ་ཚོགས་པ་ཉིད་ལ་འཇུག་གོ། །​བསྒྲུབ་པ་ཤེས་སོ། །​སྨིན་པ་ཐམས་ཅད་ཤེས་སོ། །​སངས་རྒྱས་ཀྱི་ཞིང་རྒྱས་པར་བྱེད་དོ། །​ཕུང་པོའི་བདུད་འཇོམས་སོ། །​དགོངས་པའི་བཀའ་མྱུར་དུ་རྟོགས་སོ། །​དེ་ལས་བདུད་མྱུར་དུ་རླག་པར་བྱེད་དོ། །​ཕས་ཀྱི་རྒོལ་བ་མྱུར་དུ་འདུལ་ལོ། །​འཇིག་རྟེན་གྱི་ཁམས་དཔག་ཏུ་མེད་པ་དག་ན་སངས་རྒྱས་མཐོང་ངོ་། །​ཆོས་ཀྱང་ཉན་ཏོ། །​དམ་པའི་ཆོས་བརྗེད་པ་མེད་དོ། །​ཇི་ལྟར་བསམ་པ་བཞིན་ཏིང་ངེ་འཛིན་གྱི་རྣམ་པར་རོལ་པ་བསྒྲུབ་པ་ཡང་རྗེས་སུ་འཐོབ་སྟེ། ཏིང་ངེ་འཛིན་འདི་ཐོབ་པའི་བྱང་ཆུབ་སེམས་དཔའ་ནི་བག་ཡོད་པས་ཐམས་ཅད་མཁྱེན་པ་ཉིད་དུ་བརྗོད་པར་བྱའོ། །​དེ་ཅིའི་ཕྱིར་ཞེ་ན། འདི་ལྟར་གལ་ཏེ་དེ་འདོད་ན་སྐྱེ་བ་གཅིག་ཁོ་ནས་སམ། འདོད་ན་སྐྱེ་བ་གཉིས་སམ། གསུམ་འམ། བཞི་ནས་བསྐལ་པའི་བར་གྱིས་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །​དེ་ཅིའི་ཕྱིར་ཞེ་ན། འདི་ལྟར་ཏིང་ངེ་འཛིན་འདི་ནི་ཐམས་ཅད་མཁྱེན་པ་ཉིད་ཀྱི་ཕྱིར་རོ། །​དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་པ་

eKangyur, UT4CZ5369-I1KG9171-0000, page 22 (11b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh94/UT22084-045-001-13876#UT22084-045-001-13876