དྲང་སྲོང་རྒྱས་པས་ཞུས་པ།

The Seer Vyāsa’s Questions
F.290.b

Ṛṣivyāsa­paripṛcchā
F.290.b, volume 44, Degé Kangyur

གནས་པ་ན་མེ་ཏོག་སིལ་མ་བཀྲམ་ཞིང་ནོར་བུ་དང་གསེར་གྱིས་མཛེས་པར་བྱས་པ། ཤིན་ཏུ་རྣམ་པར་ཕྱེ་བ། གྲུ་བཞི་པ། ནོར་བུའི་ཐེམ་སྐས་ཀྱིས་བརྒྱན་པ། ལྷའི་བུ་མོ་བརྒྱ་སྟོང་གླུ་སྙན་པ་ལེན་པ། ནོར་བུའི་སྣོད་རྣམས་བདག་ཉིད་སྒྲ་འབྱིན་པའི་རྗེས་སུ་ཆགས་པ་ན་དེ་དག་གནས་གནས་པ་ལས་དེ་དག་བསོད་ནམས་ཟད་པས་ཚེ་ཟད་པར་འགྱུར་བའི་ལྟས་གཉིས་འབྱུང་སྟེ། དེ་ཐོག་མར་གྲིབ་མ་མི་སྣང་བར་འགྱུར་ཞིང་མེ་ཏོག་ལས་དྲི་མི་འབྱུང་བ་དང་། ལྷའི་བུ་མོ་དང་ཀུན་སྨྲ་བའི་སྒྲ་སྙན་པ་མི་ཐོས་པའོ། །​ཡང་ལྷ་གཞོན་ནུ་དེ་ལྷ་ཡུལ་བའི་ལྷའི་གནས་རྣམས་སུ་འདུ་ཞིང་མི་འགྲོ་སྟེ། ལྷའི་གནས་ལྷའི་བུ་མོ་བརྒྱ་སྟོང་གིས་གང་བ། ཡལ་གའི་རྩེ་མོ་ལ་དོ་ཤལ་དང་། སེ་མོ་དོ་དང་མེ་ཏོག་གི་ཕྲེང་བ་སྤྱངས་པ། ནགས་ཚལ་གྱི་བར་གྱི་བྱ་ཁུ་བྱུག་རྒྱགས་པའི་སྒྲ་འབྱིན་པ་དེ་དག་ན་ལྷའི་བུ་མོའི་ཚོགས་ཏུ་ཞིང་གོས་དྲི་མ་ཅན་གྱོན་ནས་སའི་སྟེང་ན་འགྲེ་ལྡོག་ཅིང་སྙིང་རྗེ་རྗེ་ལྟར་ལྟ་སྟེ། སའི་སྟེང་ན་འགྲེ་ལྡོག་པས་མེ་ཏོག་གི་བླ་རེས་བརྒྱན་པའི་ས་ཕྱོགས་དག་ན་ཡང་དགའ་བ་མི་རྙེད་དེ། དེ་དག་གི་ལུས་ལས་རྔུལ་འབྱུང་ཞིང་དེ་དག་མིག་མི་འཛུམས་པ་ལས་མིག་འཛུམ་པར་འགྱུར་ཏེ། ཉ་ཆུའི་གནས་ནས་བྱུང་ནས་ཉི་མའི་འོད་ཟེར་གྱིས་གདུངས་པ་བཞིན་དུ་ཕན་ཚུན་དུ་འགྲེ་ལྡོག་ཅིང་གཅིག་པུ་ས་ལ་གནས་པར་མཐོང་ནས་ལྷའི་བུ་མོ་དེ་དག་གིས་བསྐོར་ཏེ། སྙིང་རྗེ་རྗེ་ལྟར་ལྟ་ཞིང་སྐད་འཐུན་པར་ངུ་སྟེ། འདི་སྐད་ཅེས་ཀྱི་ཧུད་རེ་སྡུག །​ཀྱི་ཧུད་རེ་སྡུག །​ཀྱི་ཧུད་གཞོན་ནུའི་མཆོག་དེ་ཕྱོགས་གང་དུ་སོང་། ལུས་ཆེ་ལ་རྒྱན་སྣ་ཚོགས་ཀྱིས་བརྒྱན་པ། འགྲམ་པ་ཆེ་ལ་མཛེས་པ་བྲང་ཤིན་ཏུ་རྒྱས་པ། སྐྱེད་མོས་ཚལ་སྣ་ཚོགས་ཀྱི་བར་ན་རྒྱུ་བ་དེས་བདག་ཅག་བོར་ཞིང་ལྷ་ཡུལ་བའི་ལྷའི་གནས་ཡིད་དུ་འོང་བ་ཡང་བོར་ཏེ་དགར་འགྲོ་ཞེས་འཛེར་ཏོ། །​དེ་ནས་ལྷའི་བུ་མོ་དེ་དག་གིས་ཚིགས་སུ་བཅད་པ་འདི་དག་སྨྲས་སོ། །​རྣམ་པ་སྣ་ཚོགས་ལེགས་པར་བཀོད། །​ལྷ་ཡི་ནགས་ཀྱིས་ཤིན་ཏུ་བརྒྱན། །​ཟས་དང་དུས་སྟོན་གང་གྱུར་པ། །​རྒྱལ་པོ་ཆེན་པོས་གནས་བྱས་པ། །​ཀ་བ་བཞི་དང་རབ་ལྡན་པ། །​བསོད་ནམས་ཀྱི་ནི་ཚོང་འདུས་མཆོག །​ལྷ་ཡི་བུད་མེད་གང་བས་དགའ། །​མེ་ཏོག་འབྱོར་པ་ཡིད་འཕྲོག་

eKangyur, UT4CZ5369-I1KG9170-0000, page 580 (290b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh93/UT22084-044-014-426#UT22084-044-014-426