The Questions of the Girl Vimalaśraddhā
F.96.b
།རྟག་པར་རྫུས་ཏེ་སྐྱེ་ཞིང་ཚེ་རབས་དྲན། །སྦྱངས་པས་རྩོད་པ་མ་མཆིས་དགོན་གནས་ནས། །སེམས་ནི་རབ་བཏུལ་ཉོན་མོངས་ཞི་བགྱིད་དང་། །ཚུལ་ཁྲིམས་ལྡན་ཞིང་བྱང་ཆུབ་ལམ་བསྒོམས་དང་། །བདུད་རྩི་འགོག་ཐོབ་བདུད་དཔུང་འཇོམས་པ་དང་། །བདེ་སྩོལ་ཆོས་ཀྱི་འཁོར་ལོ་སྐོར་འགྱུར་བ། །དེ་འདྲའི་ཡང་དག་ལམ་ནི་བཀས་བཤད་གསོལ། །དེ་ནས་བཅོམ་ལྡན་འདས་ཀྱིས་བུ་མོ་རྣམ་དག་དད་པ་ལ་བཀའ་སྩལ་པ། བུ་མོ་བྱང་ཆུབ་སེམས་དཔའ་གང་སྟོབས་རྣམ་པ་བརྒྱད་དང་ལྡན་པར་གྱུར་ན་འཁོར་བ་ན་གནས་ཀྱང་རབ་ཏུ་བརྟན་པའི་དཔའ་བོར་འགྱུར་ཞིང་ཡོངས་སུ་ངལ་བ་མེད་པར་འགྱུར་རོ། །བརྒྱད་གང་ཞེ་ན། དང་པོ་ནི་སེམས་ཀྱིས་འདུན་པའི་སྟོབས་ཏེ་གཡོ་སྒྱུ་མེད་པའི་ཕྱིར་རོ། །གཉིས་པ་ནི་མོས་པའི་སྟོབས་ཏེ། སྡིག་པ་རྣམས་སྤོང་བར་བྱེད་པའི་ཕྱིར་རོ། །གསུམ་པ་ནི་སྦྱོར་བའི་སྟོབས་ཏེ། རྟག་ཏུ་དགེ་བ་བསྒྲུབ་པའི་ཕྱིར་རོ། །བཞི་པ་ནི་མངོན་པར་ཡིད་ཆེས་པའི་སྟོབས་ཏེ། ལས་ཀྱི་རྣམ་པར་སྨིན་པ་དག་ལ་ཤིན་ཏུ་མངོན་པར་ཡིད་ཆེས་པའི་ཕྱིར་རོ། །ལྔ་པ་ནི་བྱང་ཆུབ་ཀྱི་སེམས་ཀྱི་སྟོབས་ཏེ། ཐེག་པ་དམན་པ་ཡོངས་སུ་མི་ཚོལ་བའི་ཕྱིར་རོ། །དྲུག་པ་ནི་བྱམས་པ་ཆེན་པོའི་སྟོབས་ཏེ། སེམས་ཅན་ལ་གནོད་པ་མེད་པའི་ཕྱིར་རོ། །བདུན་པ་ནི་སྙིང་རྗེ་ཆེན་པོའི་སྟོབས་ཏེ་གནོད་པ་བྱས་པ་རྣམས་དང་དུ་ལེན་པར་བྱེད་པའི་ཕྱིར་རོ། །བརྒྱད་པ་ནི་དགེ་བའི་བཤེས་གཉེན་གྱི་སྟོབས་ཏེ། དུས་དུས་སུ་སད་པར་བྱེད་པའི་ཕྱིར་རོ། །བུ་མོ་འདི་ནི་སྟོབས་རྣམ་པ་བརྒྱད་ཅེས་བྱ་སྟེ། བྱང་ཆུབ་སེམས་དཔའ་གང་སྟོབས་བརྒྱད་པོ་འདི་དག་དང་ལྡན་པར་གྱུར་ན་རབ་ཏུ་བསྟན་པའི་དཔའ་བོར་འགྱུར་བས་འཁོར་བ་ན་གནས་ཀྱང་མངོན་པར་ཞེན་ཅིང་ཆགས་པ་མེད་པར་འགྱུར་རོ། །དེ་ནས་བཅོམ་ལྡན་འདས་ཀྱིས་ཡང་ཚིགས་སུ་བཅད་དེ་བཀའ་སྩལ་པ། སེམས་འདུན་དཔའ་བོ་གང་ཡིན་པ། །གཡོ་སྒྱུ་དག་ནི་སྤོང་བྱེད་ཅིང་། །རྟག་པར་དྲང་པོར་སྤྱོད་པས་ན། །ཡང་དག་བྱང་ཆུབ་གཞོལ་བར་འགྱུར། །མོས་པའི་སྟོབས་ནི་གང་ཡིན་པ། །ཉེས་པ་མང་པོ་སྤོང་བྱེད་ཅིང་། །དགེ་བ་འབའ་ཞིག་སྤྱོད་པས་ན།
།རྟག་པར་རྫུས་ཏེ་སྐྱེ་ཞིང་ཚེ་རབས་དྲན། །སྦྱངས་པས་རྩོད་པ་མ་མཆིས་དགོན་གནས་ནས། །སེམས་ནི་རབ་བཏུལ་ཉོན་མོངས་ཞི་བགྱིད་དང་། །ཚུལ་ཁྲིམས་ལྡན་ཞིང་བྱང་ཆུབ་ལམ་བསྒོམས་དང་། །བདུད་རྩི་འགོག་ཐོབ་བདུད་དཔུང་འཇོམས་པ་དང་། །བདེ་སྩོལ་ཆོས་ཀྱི་འཁོར་ལོ་སྐོར་འགྱུར་བ། །དེ་འདྲའི་ཡང་དག་ལམ་ནི་བཀས་བཤད་གསོལ། །དེ་ནས་བཅོམ་ལྡན་འདས་ཀྱིས་བུ་མོ་རྣམ་དག་དད་པ་ལ་བཀའ་སྩལ་པ། བུ་མོ་བྱང་ཆུབ་སེམས་དཔའ་གང་སྟོབས་རྣམ་པ་བརྒྱད་དང་ལྡན་པར་གྱུར་ན་འཁོར་བ་ན་གནས་ཀྱང་རབ་ཏུ་བརྟན་པའི་དཔའ་བོར་འགྱུར་ཞིང་ཡོངས་སུ་ངལ་བ་མེད་པར་འགྱུར་རོ། །བརྒྱད་གང་ཞེ་ན། དང་པོ་ནི་སེམས་ཀྱིས་འདུན་པའི་སྟོབས་ཏེ་གཡོ་སྒྱུ་མེད་པའི་ཕྱིར་རོ། །གཉིས་པ་ནི་མོས་པའི་སྟོབས་ཏེ། སྡིག་པ་རྣམས་སྤོང་བར་བྱེད་པའི་ཕྱིར་རོ། །གསུམ་པ་ནི་སྦྱོར་བའི་སྟོབས་ཏེ། རྟག་ཏུ་དགེ་བ་བསྒྲུབ་པའི་ཕྱིར་རོ། །བཞི་པ་ནི་མངོན་པར་ཡིད་ཆེས་པའི་སྟོབས་ཏེ། ལས་ཀྱི་རྣམ་པར་སྨིན་པ་དག་ལ་ཤིན་ཏུ་མངོན་པར་ཡིད་ཆེས་པའི་ཕྱིར་རོ། །ལྔ་པ་ནི་བྱང་ཆུབ་ཀྱི་སེམས་ཀྱི་སྟོབས་ཏེ། ཐེག་པ་དམན་པ་ཡོངས་སུ་མི་ཚོལ་བའི་ཕྱིར་རོ། །དྲུག་པ་ནི་བྱམས་པ་ཆེན་པོའི་སྟོབས་ཏེ། སེམས་ཅན་ལ་གནོད་པ་མེད་པའི་ཕྱིར་རོ། །བདུན་པ་ནི་སྙིང་རྗེ་ཆེན་པོའི་སྟོབས་ཏེ་གནོད་པ་བྱས་པ་རྣམས་དང་དུ་ལེན་པར་བྱེད་པའི་ཕྱིར་རོ། །བརྒྱད་པ་ནི་དགེ་བའི་བཤེས་གཉེན་གྱི་སྟོབས་ཏེ། དུས་དུས་སུ་སད་པར་བྱེད་པའི་ཕྱིར་རོ། །བུ་མོ་འདི་ནི་སྟོབས་རྣམ་པ་བརྒྱད་ཅེས་བྱ་སྟེ། བྱང་ཆུབ་སེམས་དཔའ་གང་སྟོབས་བརྒྱད་པོ་འདི་དག་དང་ལྡན་པར་གྱུར་ན་རབ་ཏུ་བསྟན་པའི་དཔའ་བོར་འགྱུར་བས་འཁོར་བ་ན་གནས་ཀྱང་མངོན་པར་ཞེན་ཅིང་ཆགས་པ་མེད་པར་འགྱུར་རོ། །དེ་ནས་བཅོམ་ལྡན་འདས་ཀྱིས་ཡང་ཚིགས་སུ་བཅད་དེ་བཀའ་སྩལ་པ། སེམས་འདུན་དཔའ་བོ་གང་ཡིན་པ། །གཡོ་སྒྱུ་དག་ནི་སྤོང་བྱེད་ཅིང་། །རྟག་པར་དྲང་པོར་སྤྱོད་པས་ན། །ཡང་དག་བྱང་ཆུབ་གཞོལ་བར་འགྱུར། །མོས་པའི་སྟོབས་ནི་གང་ཡིན་པ། །ཉེས་པ་མང་པོ་སྤོང་བྱེད་ཅིང་། །དགེ་བ་འབའ་ཞིག་སྤྱོད་པས་ན།
eKangyur, UT4CZ5369-I1KG9170-0000, page 192 (96b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh84/UT22084-044-004-343#UT22084-044-004-343