དཔུང་བཟང་གིས་ཞུས་པའི་རྒྱུད།

The Tantra of Subāhu’s Questions
F.136.b

Subāhu­paripṛcchā­tantra
F.136.b, volume 96, Degé Kangyur

དེ་རྣམས་རྟ་མགྲིན་དཀྱིལ་འཁོར་གསང་སྔགས་ཏེ། །​མི་ལ་མཆོག་སྦྱིན་འཇིག་རྟེན་གསུམ་གྱིས་འདུད། །​སྒྲལ་མ་དཀར་མོ་གོས་དཀར་སྤྱན་མ་དང་། །​རྣམ་གཟིགས་རལ་པ་གཅིག་མ་དཀར་ཤམ་དང་། །​གྲགས་ལྡན་ཁྲོ་གཉེར་ཅན་དང་འདི་དག་རྣམས། །​པདྨའི་རིགས་ཀྱི་རིག་སྔགས་རྒྱལ་མོ་མཆོག །​དེ་དག་དཀྱིལ་འཁོར་སྣ་ཚོགས་གཟུགས་ཅན་དང་། །​ཕྱག་རྒྱ་རྣམ་པ་སྣ་ཚོགས་རྣམས་དང་ལྡན། །​རྒྱས་པའི་གསང་སྔགས་རྒྱུད་དུ་འོག་པག་ཅན། །​རིག་པའི་དབང་ཕྱུག་གསང་སྔགས་བདག་པོར་བསྒོམ། །​དེ་ཡ་གསང་སྔགས་མི་ལ་གྲུབ་མཆོག་སྟེར། །དེ་ལ་ལྔས་རྩེན་ཡང་ནི་མངོན་པར་དགའ། །​གནོད་སྦྱིན་དབང་ཕྱུག་དེ་དག་རྟག་མཐུན་པས། །​དེ་ཡི་བཀའ་ཡིས་གསང་སྔགས་ཚོགས་རྣམས་བཤད། །​ལྔས་རྩེན་གྱིས་ནི་སྟོང་ཕྲག་ཉི་ཤུ་སྟེ། །​དེ་ཡི་ཆུང་མས་དེ་ཡི་ཕྱེད་བཤད་དོ། །​ནོར་གྱི་བདག་པོས་སྟོང་ཕྲག་སུམ་ཅུ་སྟེ། །གང་པོ་ཕ་ཡིས་ཀྱང་ནི་འབུམ་བཤད་དོ། །​ལྷ་དང་ལྷ་མིན་ལ་སོགས་རྒྱལ་བ་ལ། །​དད་པ་རྣམས་ཀྱིས་གསང་སྔགས་མཐའ་ཡས་བཤད། །​ཁ་ཅིག་ང་ཡི་རིགས་སུ་གཏོགས་པ་སྟེ། །​ཁ་ཅིག་ཀྱང་ནི་པདྨོའི་རིགས་སུ་གཏོགས། །​ཁ་ཅིག་ནོར་གྱི་རིགས་སུ་གཏོགས་པ་ཡིན། །​གཞན་ཡང་ཁ་ཅིག་གནས་མེད་རྣམ་པར་འཁྱམ། །​ནོར་སྤྱོད་ཅེས་བྱ་ནོར་གྱི་རིགས་སུ་གསུངས། །​ང་ནི་རྡོ་རྗེའི་རིགས་ཞེས་རབ་ཏུ་བསྟན། །​སྤྱན་རས་གཟིགས་དབང་པདྨའི་རིགས་ཡིན་ཏེ། །​རིགས་བཞི་པ་ནི་འདིར་ཡང་ལྔས་རྩེན་ཡིན། །​གསང་སྔགས་མདོ་སྡེར་ངས་བཤད་གང་ཡིན་ཏེ། །​བཞི་པོ་འདིར་ནི་རྣམ་པར་སྦྱར་བར་བྱ། །​གཞན་ཡང་འདི་ན་ཁ་ཅིག་གནས་མེད་པར། །​བདེ་བར་གཤེགས་ལ་བརྟེན་ཅིང་ཡོངས་འཁྱམ་པ། །​མདོ་སྡེ་འདིར་ནི་དེ་དག་ཐམས་ཅད་ཀྱང་། །​འབྱོར་པ་འདོད་པའི་མིས་ནི་རྣམ་པར་སྦྱར། །​ལམ་འདི་ཉིད་དུ་ཞུགས་པའི་སྔགས་པས་ནི། །​ཡིད་དང་མཐུན་པའི་དངོས་གྲུབ་ཐོབ་པར་འགྱུར། །​སྲིད་གསུམ་ནང་ན་རྒྱལ་བ་དཀོན་མཆོག་སྟེ། །​དེ་ཡི་འོག་ཏུ་དེ་ལས་བྱུང་བའི་ཆོས། །​དེ་ཡི་དགེ་འདུན་སྐྱེས་ཆེན་བརྒྱད་པོ་སྟེ། །​སྲིད་པ་གསུམ་ན་དཀོན་མཆོག་གསུམ་པོ་གཙོ། །​འདི་གསུམ་བསོད་ནམས་རྣམ་འཕེལ་རྒྱུ་ཡིན་པས། །​དངོས་

eKangyur, UT4CZ5369-I1KG9222-0000, page 272 (136b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh805/UT22084-096-054-1058#UT22084-096-054-1058