དཔུང་བཟང་གིས་ཞུས་པའི་རྒྱུད།

The Tantra of Subāhu’s Questions
F.134.b

Subāhu­paripṛcchā­tantra
F.134.b, volume 96, Degé Kangyur

དང་། །​འབྲོག་ཆེན་འཇིགས་སུ་རུང་བར་གང་གནས་དང་། །​གང་དག་གླིང་མཆོག་རྣམས་ན་གནས་པ་དང་། །​ལྷུན་པོ་དུར་ཁྲོད་དག་ན་གནས་པ་རྣམས། །​རབ་ཏུ་དགྱེས་ཤིང་མགུ་བར་གྱུར་ནས་སུ། །​ཕྲེང་བ་མེ་ཏོག་དྲི་དང་བདུག་པ་དང་། །​བསྟོད་དང་གཏོར་མ་མར་མེ་གུས་འབུལ་བ། །​འདི་དག་བཞེས་ནས་བཏུང་ཞིང་བསྣམས་ནས་སུ། །​ལས་འདི་རྣམས་ཀྱི་འབྲས་བུ་མཆིས་པར་མཛོད། དེ་ལྟར་གདོན་ལ་མཆོད་པ་བྱས་ནས་སུ། །​དེ་ནས་ཕྱོགས་སྐྱོང་རྣམས་ལ་མཆོད་པ་བྱ། །​དབང་བདག་འབྱུང་པོའི་བདག་པོར་བཅས་པ་ཡིས། །​གཏོར་མ་ཕུལ་བ་འདི་དག་བཞེས་སུ་གསོལ། །​མེ་དང་གཤིན་རྗེ་སྲིན་པོ་ཆུ་བདག་དང་། །​རླུང་དང་ལུས་ངན་འབྱུང་པོ་གདོན་དང་བཅས། །​སྟེང་གི་ཉི་ཟླ་ཚངས་པ་ཆེན་པོ་དང་། །​ལྷ་རྣམས་ཀུན་དང་ས་ཡི་ཀླུ་རྣམས་དང་། །​རི་ཡི་ལྷ་དང་གནོད་སྦྱིན་ཚོགས་རྣམས་ལ། །​སོ་སོ་སོ་སོར་གཏོར་མ་ཕུལ་བ་རྣམས། །​རབ་ཏུ་དགྱེས་པ་ཡིས་ནི་བཞེས་ནས་ཀྱང་། །​རང་རང་ཕྱོགས་སུ་ལེགས་པར་བཞུགས་ནས་སུ། །​རང་གི་བུ་སྨད་མཛའ་བཤེས་གཉེན་འདུན་དང་། །​ནང་མི་དཔུང་བཅས་དམག་དང་ཐབས་ཅིག་ཏུ། །​མེ་ཏོག་དྲི་དང་གཏོར་མ་བྱུག་པར་བཅས། །འདི་རྣམས་བཏུང་ཞིང་ལེགས་པར་གསོལ་ནས་ཀྱང་། །​བདག་གི་ལས་འདིའི་འབྲས་བུ་མཆིས་པར་མཛོད། །​དེ་ལྟར་གང་ཞིག་མཚན་མོ་རྒྱུ་བ་ལ། །​གཏོར་མ་གཏོང་བའི་ལས་རྣམས་བྱེད་པ་དེའི། །​དངོས་གྲུབ་མྱུར་ཞིང་ཤིན་ཏུ་བགེགས་ཀྱང་མེད། །​ཡིད་དུ་འོང་བའི་འདོད་པའང་ཐོབ་པར་འགྱུར། །​འཕགས་པ་དབུང་བཟང་གིས་ཞུས་པའི་ལེའུ་བརྒྱད་པའོ།​། །​།གང་ཞིག་དགྲ་བཅོམ་ཕ་མ་གསོད་པ་དང་། །​མཐུན་པའི་དགེ་འདུན་དབྱེན་ནི་བྱེད་པ་དང་། །​དེ་བཞིན་གཤེགས་ལ་སྡང་བའི་སེམས་ཀྱིས་སུ། །​ནམ་ཞིག་མི་དག་སྐུ་མཚལ་འབྱིན་བྱེད་པ། །​ཤིན་ཏུ་མི་བཟད་པ་ཡི་ལས་འདི་རྣམས། །​རྒྱལ་བས་མཚམས་མེད་ལྔ་པོ་ཡིན་པར་བ་ཤད། །​གཏི་མུག་ཅན་གྱིས་སྡིག་པ་གཅིག་བྱས་ཀྱང་། །​ཕུང་པོ་འདི་ལ་གྲུབ་པ་ཐོབ་མི་འགྱུར། །​མཆོད་རྟེན་འཇིག་ཅིང་བྱང་ཆུབ་སེམས་དཔའ་གསོད། །​ཉོན་

eKangyur, UT4CZ5369-I1KG9222-0000, page 268 (134b).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh805/UT22084-096-054-1054#UT22084-096-054-1054