ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ།

The Perfection of Wisdom in One Hundred Thousand Lines
F.57.a

Śata­sāhasrikā­prajñā­pāramitā
F.57.a, volume 15, Degé Kangyur

པར་འཇུག་པའི་མཚན་ཉིད་མྱེད་དོ། །​རྣམ་པར་ཐར་པ་རྣམས་ལ་རྣམ་པར་ཐར་པའི་མཚན་ཉིད་མྱེད་དོ། །​མཐར་ཀྱིས་གནས་པའི་སྙོམས་པར་འཇུག་པ་དགུ་ལ། མཐར་ཀྱིས་གནས་པའི་སྙོམས་པར་འཇུག་པའི་མཚན་ཉིད་མྱེད་དོ། །​རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ལ་རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མེད་པའི་མཚན་ཉིད་མྱེད་དོ། །​མངོན་པར་ཤེས་པ་རྣམས་ལ་མངོན་པར་ཤེས་པའི་མཚན་ཉིད་མྱེད་དོ། །​ཏིང་ངེ་འཛིན་རྣམས་ལ་ཏིང་ངེ་འཛིན་རྣམས་ཀྱི་མཚན་ཉིད་མྱེད་དོ། །​གཟུངས་ཀྱི་སྒོ་རྣམས་ལ་གཟུངས་ཀྱི་སྒོའི་མཚན་ཉིད་མྱེད་དོ། །​དེ་བཞིན་གཤེགས་པའི་སྟོབས་བཅུ་ལ། དེ་བཞིན་གཤེགས་པའི་སྟོབས་ཀྱི་མཚན་ཉིད་མྱེད་དོ། །​མྱི་འཇིགས་པ་བཞི་ལ་མྱི་འཇིགས་པའི་མཚན་ཉིད་མྱེད་དོ། །​སོ་སོ་ཡང་དག་པར་རིག་པ་བཞི་ལ་སོ་སོ་ཡང་དག་པར་རིག་པའི་མཚན་ཉིད་མྱེད་དོ། །​བྱམས་པ་ཆེན་པོ་ལ་བྱམས་པ་ཆེན་པོའི་མཚན་ཉིད་མྱེད་དོ། །​སྙིང་རྗེ་ཆེན་པོ་ལ་སྙིང་རྗེ་ཆེན་པོའི་མཚན་ཉིད་མྱེད་དོ། །​སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ལ། སངས་རྒྱས་ཀྱི་ཆོས་ཀྱི་མཚན་ཉིད་མྱེད་དོ། །​རྒྱུན་ཏུ་ཞུགས་པའི་འབྲས་བུ་ལ། རྒྱུན་ཏུ་ཞུགས་པའི་འབྲས་བུའི་མཚན་ཉིད་མྱེད་དོ། །​ལན་ཅིག་ཕྱིར་འོང་བའི་འབྲས་བུ་ལ་ལན་ཅིག་ཕྱིར་འོང་བའི་འབྲས་བུའི་མཚན་ཉིད་མྱེད་དོ། །​ཕྱིར་མྱི་འོང་བའི་འབྲས་བུ་ལ་ཕྱིར་མྱི་འོང་བའི་འབྲས་བུའི་མཚན་ཉིད་མྱེད་དོ། །​དགྲ་བཅོམ་པ་ཉིད་ལ་དགྲ་བཅོམ་པ་ཉིད་ཀྱི་མཚན་ཉིད་མྱེད་དོ། །​རང་བྱང་ཆུབ་ལ་རང་བྱང་ཆུབ་ཀྱི་མཚན་ཉིད་མྱེད་དོ། །​ལམ་གྱི་རྣམ་པ་ཤེས་པ་ཉིད་ལ་ལམ་གྱི་རྣམ་པ་ཤེས་པ་ཉིད་ཀྱི་མཚན་ཉིད་མྱེད་དོ། །​རྣམ་པ་ཐམས་ཅད་མཁྱེན་པ་ཉིད་ལ་རྣམ་པ་ཐམས་ཅད་མཁྱེན་པ་ཉིད་ཀྱི་མཚན་ཉིད་མྱེད་དོ། །​དེ་བཞིན་ཉིད་ལ་དེ་བཞིན་ཉིད་ཀྱི་མཚན་ཉིད་མྱེད་དོ། །​མ་ནོར་བ་དེ་བཞིན་ཉིད་ལ་མ་ནོར་བ་དེ་བཞིན་ཉིད་ཀྱི་མཚན་ཉིད་མྱེད་

eKangyur, UT4CZ5369-I1KG9141-0000, page 113 (57a).
About the eKangyur

The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.

Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.

The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-6761#UT22084-014-001-6761