The Perfection of Wisdom in One Hundred Thousand Lines
F.127.a
།སྣའི་རྣམ་པར་ཤེས་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །ལྕེའི་རྣམ་པར་ཤེས་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །ལུས་ཀྱི་རྣམ་པར་ཤེས་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །ཡིད་ཀྱི་རྣམ་པར་ཤེས་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །མྱིག་གི་འདུས་ཏེ་རེག་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །རྣ་བའི་འདུས་ཏེ་རེག་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །སྣའི་འདུས་ཏེ་རེག་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །ལྕེའི་འདུས་ཏེ་རེག་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །ལུས་ཀྱི་འདུས་ཏེ་རེག་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །ཡིད་ཀྱི་འདུས་ཏེ་རེག་པ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མེད་པ་ནི་རྣམ་པར་དག་པའོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །སའི་ཁམས་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ། །ཆུའི་ཁམས་ལ་འཕོ་བ་མྱེད་ཅིང་ཉིང་གི་མཚམས་སྦྱོར་བ་མྱེད་པ་ནི་རྣམ་པར་དག་པའོ།
eKangyur, UT4CZ5369-I1KG9147-0000, page 253 (127a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-98786#UT22084-014-001-98786