The Perfection of Wisdom in One Hundred Thousand Lines
F.255.a
སོ་སོ་ཡང་དག་པར་རིག་པ་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མེད་སོ་སོ་མ་ཡིན་ཐ་མྱི་དད་དོ། །ཞེ་སྡང་ཡོངས་སུ་དག་པས། བྱམས་པ་ཆེན་པོ་ཡོངས་སུ་དག་པ། བྱམས་པ་ཆེན་པོ་ཡོངས་སུ་དག་པས། ཞེ་སྡང་ཡོངས་སུ་དག་པ་སྟེ། དེ་ལྟར་ན་ཞེ་སྡང་ཡོངས་སུ་དག་པ་དང་། བྱམས་པ་ཆེན་པོ་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མི་དད་དོ། །ཞེ་སྡང་ཡོངས་སུ་དག་པས། སྙིང་རྗེ་ཆེན་པོ་ཡོངས་སུ་དག་པ། སྙིང་རྗེ་ཆེན་པོ་ཡོངས་སུ་དག་པས། ཞེ་སྡང་ཡོངས་སུ་དག་པ་སྟེ། དེ་ལྟར་ན་ཞེ་སྡང་ཡོངས་སུ་དག་པ་དང་། སྙིང་རྗེ་ཆེན་པོ་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །ཞེ་སྡང་ཡོངས་སུ་དག་པས། སངས་རྒྱས་ཀྱི་ཆོས་མ་འདྲེས་པ་ཡོངས་སུ་དག་པ། སངས་རྒྱས་ཀྱི་ཆོས་མ་འདྲེས་པ་ཡོངས་སུ་དག་པས། ཞེ་སྡང་ཡོངས་སུ་དག་པ་སྟེ། དེ་ལྟར་ན་ཞེ་སྡང་ཡོངས་སུ་དག་པ་དང་། སངས་རྒྱས་ཀྱི་ཆོས་མ་འདྲེས་པ་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །ཞེ་སྡང་ཡོངས་སུ་དག་པས། ཐམས་ཅད་ཤེས་པ་ཉིད་ཡོངས་སུ་དག་པ། ཐམས་ཅད་ཤེས་པ་ཉིད་ཡོངས་སུ་དག་པས། ཞེ་སྡང་ཡོངས་སུ་དག་པ་སྟེ། དེ་ལྟར་ན་ཞེ་སྡང་ཡོངས་སུ་དག་པ་དང་། ཐམས་ཅད་ཤེས་པ་ཉིད་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །ཞེ་སྡང་ཡོངས་སུ་དག་པས། ལམ་གྱི་རྣམ་པ་ཤེས་པ་ཉིད་ཡོངས་སུ་དག་པ། ལམ་གྱི་རྣམ་པ་ཤེས་པ་ཉིད་ཡོངས་སུ་དག་པས། ཞེ་སྡང་ཡོངས་སུ་དག་པ་སྟེ། དེ་ལྟར་ན་ཞེ་སྡང་ཡོངས་སུ་དག་པ་དང་། ལམ་གྱི་རྣམ་པ་ཤེས་པ་ཉིད་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །ཞེ་སྡང་ཡོངས་སུ་དག་པས། རྣམ་པ་ཐམས་ཅད་མཁྱེན་པ་ཉིད་ཡོངས་སུ་དག་པ།
eKangyur, UT4CZ5369-I1KG9146-0000, page 509 (255a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-98249#UT22084-014-001-98249