The Perfection of Wisdom in One Hundred Thousand Lines
F.172.a
ལུས་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །བྱེད་པ་པོ་ཡོངས་སུ་དག་པས། ཡིད་ཡོངས་སུ་དག་པ། ཡིད་ཡོངས་སུ་དག་པས། བྱེད་པ་པོ་ཡོངས་སུ་དག་པ་སྟེ། དེ་ལྟར་ན་བྱེད་པ་པོ་ཡོངས་སུ་དག་པ་དང་། ཡིད་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །བྱེད་པ་པོ་ཡོངས་སུ་དག་པས། གཟུགས་ཡོངས་སུ་དག་པ། གཟུགས་ཡོངས་སུ་དག་པས། བྱེད་པ་པོ་ཡོངས་སུ་དག་པ་སྟེ། དེ་ལྟར་ན་བྱེད་པ་པོ་ཡོངས་སུ་དག་པ་དང་། གཟུགས་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །བྱེད་པ་པོ་ཡོངས་སུ་དག་པས། སྒྲ་ཡོངས་སུ་དག་པ། སྒྲ་ཡོངས་སུ་དག་པས། བྱེད་པ་པོ་ཡོངས་སུ་དག་པ་སྟེ། དེ་ལྟར་ན་བྱེད་པ་པོ་ཡོངས་སུ་དག་པ་དང་། སྒྲ་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །བྱེད་པ་པོ་ཡོངས་སུ་དག་པས། དྲི་ཡོངས་སུ་དག་པ། དྲི་ཡོངས་སུ་དག་པས། བྱེད་པ་པོ་ཡོངས་སུ་དག་པ་སྟེ། དེ་ལྟར་ན་བྱེད་པ་པོ་ཡོངས་སུ་དག་པ་དང་། དྲི་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །བྱེད་པ་པོ་ཡོངས་སུ་དག་པས། རོ་ཡོངས་སུ་དག་པ། རོ་ཡོངས་སུ་དག་པས། བྱེད་པ་པོ་ཡོངས་སུ་དག་པ་སྟེ། དེ་ལྟར་ན་བྱེད་པ་པོ་ཡོངས་སུ་དག་པ་དང་། རོ་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །བྱེད་པ་པོ་ཡོངས་སུ་དག་པས། རེག་ཡོངས་སུ་དག་པ། རེག་ཡོངས་སུ་དག་པས། བྱེད་པ་པོ་ཡོངས་སུ་དག་པ་སྟེ། དེ་ལྟར་ན་བྱེད་པ་པོ་ཡོངས་སུ་དག་པ་དང་། རེག་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །བྱེད་པ་པོ་ཡོངས་སུ་དག་པས། ཆོས་ཡོངས་སུ་དག་པ། ཆོས་ཡོངས་སུ་དག་པས། བྱེད་པ་པོ་ཡོངས་སུ་དག་པ་སྟེ། དེ་ལྟར་ན་བྱེད་པ་པོ་ཡོངས་སུ་དག་པ་དང་། ཆོས་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ།
eKangyur, UT4CZ5369-I1KG9146-0000, page 343 (172a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-98083#UT22084-014-001-98083