The Perfection of Wisdom in One Hundred Thousand Lines
F.141.b
བསམ་གཏན་ཡོངས་སུ་དག་པས། སྐྱེས་བུ་ཡོངས་སུ་དག་པ་སྟེ། དེ་ལྟར་ན་སྐྱེས་བུ་ཡོངས་སུ་དག་པ་དང་། བསམ་གཏན་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སྐྱེས་བུ་ཡོངས་སུ་དག་པས། ཚད་མྱེད་པ་ཡོངས་སུ་དག་པ། ཚད་མེད་པ་ཡོངས་སུ་དག་པས། སྐྱེས་བུ་ཡོངས་སུ་དག་པ་སྟེ། དེ་ལྟར་ན་སྐྱེས་བུ་ཡོངས་སུ་དག་པ་དང་། ཚད་མྱེད་པ་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། སྐྱེས་བུ་ཡོངས་སུ་དག་པས་གཟུགས་མྱེད་པའི་སྙོམས་པར་འཇུག་པ་ཡོངས་སུ་དག་པ། གཟུགས་མྱེད་པའི་སྙོམས་པར་འཇུག་པ་ཡོངས་སུ་དག་པས། སྐྱེས་བུ་ཡོངས་སུ་དག་པ་སྟེ། དེ་ལྟར་ན་སྐྱེས་བུ་ཡོངས་སུ་དག་པ་དང་། གཟུགས་མྱེད་པའི་སྙོམས་པར་འཇུག་པ་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སྐྱེས་བུ་ཡོངས་སུ་དག་པས། རྣམ་པར་ཐར་པ་བརྒྱད་ཡོངས་སུ་དག་པ། རྣམ་པར་ཐར་པ་བརྒྱད་ཡོངས་སུ་དག་པས། སྐྱེས་བུ་ཡོངས་སུ་དག་པ་སྟེ། དེ་ལྟར་ན་སྐྱེས་བུ་ཡོངས་སུ་དག་པ་དང་། རྣམ་པར་ཐར་པ་བརྒྱད་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སྐྱེས་བུ་ཡོངས་སུ་དག་པས། མཐར་ཀྱིས་གནས་པའི་སྙོམས་པར་འཇུག་པ་དགུ་ཡོངས་སུ་དག་པ། མཐར་ཀྱིས་གནས་པའི་སྙོམས་པར་འཇུག་པ་དགུ་ཡོངས་སུ་དག་པས། སྐྱེས་བུ་ཡོངས་སུ་དག་པ་སྟེ། དེ་ལྟར་ན་སྐྱེས་བུ་ཡོངས་སུ་དག་པ་དང་། མཐར་ཀྱིས་གནས་པའི་སྙོམས་པར་འཇུག་པ་དགུ་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སྐྱེས་བུ་ཡོངས་སུ་དག་པས། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མེད་པ་ཡོངས་སུ་དག་པ། རྣམ་པར་ཐར་པའི་སྒོ་སྟོང་པ་ཉིད་དང་མཚན་མ་མྱེད་པ་དང་། སྨོན་པ་མེད་པ་ཡོངས་སུ་དག་པས།
eKangyur, UT4CZ5369-I1KG9146-0000, page 282 (141b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-98022#UT22084-014-001-98022