The Perfection of Wisdom in One Hundred Thousand Lines
F.121.b
སྟོང་པ་ཉིད་སྟོང་པ་ཉིད་ཡོངས་སུ་དག་པ་འདི་ལ་གཉིས་སུ་མེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སྲོག་ཡོངས་སུ་དག་པས། ཆེན་པོ་སྟོང་པ་ཉིད་ཡོངས་སུ་དག་པ། ཆེན་པོ་སྟོང་པ་ཉིད་ཡོངས་སུ་དག་པས། སྲོག་ཡོངས་སུ་དག་པ་སྟེ། དེ་ལྟར་ན་སྲོག་ཡོངས་སུ་དག་པ་དང་། ཆེན་པོ་སྟོང་པ་ཉིད་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མི་དད་དོ། །སྲོག་ཡོངས་སུ་དག་པས། དོན་དམ་པ་སྟོང་པ་ཉིད་ཡོངས་སུ་དག་པ། དོན་དམ་པ་སྟོང་པ་ཉིད་ཡོངས་སུ་དག་པས། སྲོག་ཡོངས་སུ་དག་པ་སྟེ། དེ་ལྟར་ན་སྲོག་ཡོངས་སུ་དག་པ་དང་། དོན་དམ་པ་སྟོང་པ་ཉིད་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མི་དད་དོ། །སྲོག་ཡོངས་སུ་དག་པས། འདུས་བྱས་སྟོང་པ་ཉིད་ཡོངས་སུ་དག་པ། འདུས་བྱས་སྟོང་པ་ཉིད་ཡོངས་སུ་དག་པས། སྲོག་ཡོངས་སུ་དག་པ་སྟེ། དེ་ལྟར་ན་སྲོག་ཡོངས་སུ་དག་པ་དང་། འདུས་བྱས་སྟོང་པ་ཉིད་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མེད་སོ་སོ་མ་ཡིན་ཐ་མྱི་དད་དོ། །སྲོག་ཡོངས་སུ་དག་པས། འདུས་མ་བྱས་སྟོང་པ་ཉིད་ཡོངས་སུ་དག་པ། འདུས་མ་བྱས་སྟོང་པ་ཉིད་ཡོངས་སུ་དག་པས། སྲོག་ཡོངས་སུ་དག་པ་སྟེ། དེ་ལྟར་ན་སྲོག་ཡོངས་སུ་དག་པ་དང་། འདུས་མ་བྱས་སྟོང་པ་ཉིད་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མེད་སོ་སོ་མ་ཡིན་ཐ་མྱི་དད་དོ། །སྲོག་ཡོངས་སུ་དག་པས། མཐའ་ལས་འདས་པ་སྟོང་པ་ཉིད་ཡོངས་སུ་དག་པ། མཐའ་ལས་འདས་པ་སྟོང་པ་ཉིད་ཡོངས་སུ་དག་པས། སྲོག་ཡོངས་སུ་དག་པ་སྟེ། དེ་ལྟར་ན་སྲོག་ཡོངས་སུ་དག་པ་དང་། མཐའ་ལས་འདས་པ་སྟོང་པ་ཉིད་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མི་དད་དོ། །སྲོག་ཡོངས་སུ་དག་པས། ཐོག་མ་དང་ཐ་མ་མྱེད་པ་སྟོང་པ་ཉིད་ཡོངས་སུ་དག་པ། ཐོག་མ་དང་ཐ་མ་མྱེད་པ་སྟོང་པ་ཉིད་ཡོངས་སུ་དག་པས། སྲོག་ཡོངས་སུ་དག་པ་སྟེ། དེ་ལྟར་ན་སྲོག་ཡོངས་སུ་དག་པ་དང་། ཐོག་མ་དང་ཐ་མ་མྱེད་པ་སྟོང་པ་ཉིད་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མེད་སོ་སོ་མ་ཡིན་ཐ་མི་དད་དོ།
eKangyur, UT4CZ5369-I1KG9146-0000, page 242 (121b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97983#UT22084-014-001-97983