The Perfection of Wisdom in One Hundred Thousand Lines
F.115.a
སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། སྨོན་པ་མེད་པ་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སེམས་ཅན་ཡོངས་སུ་དག་པས། མངོན་པར་ཤེས་པ་ཡོངས་སུ་དག་པ། མངོན་པར་ཤེས་པ་ཡོངས་སུ་དག་པས། སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། མངོན་པར་ཤེས་པ་ཡོངས་སུ་དག་པ་འདི་ལ་གཉིས་སུ་མེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སེམས་ཅན་ཡོངས་སུ་དག་པས། ཏིང་ངེ་འཛིན་ཡོངས་སུ་དག་པ། ཏིང་ངེ་འཛིན་ཡོངས་སུ་དག་པས། སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། ཏིང་ངེ་འཛིན་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སེམས་ཅན་ཡོངས་སུ་དག་པས། གཟུངས་ཀྱི་སྒོ་ཡོངས་སུ་དག་པ། གཟུངས་ཀྱི་སྒོ་ཡོངས་སུ་དག་པས། སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། གཟུངས་ཀྱི་སྒོ་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སེམས་ཅན་ཡོངས་སུ་དག་པས། དེ་བཞིན་གཤེགས་པའི་སྟོབས་ཡོངས་སུ་དག་པ། དེ་བཞིན་གཤེགས་པའི་སྟོབས་ཡོངས་སུ་དག་པས། སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། དེ་བཞིན་གཤེགས་པའི་སྟོབས་ཡོངས་སུ་དག་པ་འདི་ལ་གཉིས་སུ་མེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སེམས་ཅན་ཡོངས་སུ་དག་པས། མྱི་འཇིགས་པ་ཡོངས་སུ་དག་པ། མི་འཇིགས་པ་ཡོངས་སུ་དག་པས། སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། མྱི་འཇིགས་པ་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ།
eKangyur, UT4CZ5369-I1KG9146-0000, page 229 (115a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97970#UT22084-014-001-97970