The Perfection of Wisdom in One Hundred Thousand Lines
F.112.b
།སེམས་ཅན་ཡོངས་སུ་དག་པས། འདུས་བྱས་སྟོང་པ་ཉིད་ཡོངས་སུ་དག་པ། འདུས་བྱས་སྟོང་པ་ཉིད་ཡོངས་སུ་དག་པས། སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། འདུས་བྱས་སྟོང་པ་ཉིད་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སེམས་ཅན་ཡོངས་སུ་དག་པས། འདུས་མ་བྱས་སྟོང་པ་ཉིད་ཡོངས་སུ་དག་པ། འདུས་མ་བྱས་སྟོང་པ་ཉིད་ཡོངས་སུ་དག་པས། སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། འདུས་མ་བྱས་སྟོང་པ་ཉིད་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སེམས་ཅན་ཡོངས་སུ་དག་པས། མཐའ་ལས་འདས་པ་སྟོང་པ་ཉིད་ཡོངས་སུ་དག་པ། མཐའ་ལས་འདས་པ་སྟོང་པ་ཉིད་ཡོངས་སུ་དག་པས། སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། མཐའ་ལས་འདས་པ་སྟོང་པ་ཉིད་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སེམས་ཅན་ཡོངས་སུ་དག་པས། ཐོག་མ་དང་ཐ་མ་མེད་པ་སྟོང་པ་ཉིད་ཡོངས་སུ་དག་པ། ཐོག་མ་དང་ཐ་མ་མེད་པ་སྟོང་པ་ཉིད་ཡོངས་སུ་དག་པས། སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། ཐོག་མ་དང་ཐ་མ་མེད་པ་སྟོང་པ་ཉིད་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མི་དད་དོ། །སེམས་ཅན་ཡོངས་སུ་དག་པས། དོར་བ་མེད་པ་སྟོང་པ་ཉིད་ཡོངས་སུ་དག་པ། དོར་བ་མྱེད་པ་སྟོང་པ་ཉིད་ཡོངས་སུ་དག་པས། སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། དོར་བ་མྱེད་པ་སྟོང་པ་ཉིད་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སེམས་ཅན་ཡོངས་སུ་དག་པས། རང་བཞིན་སྟོང་པ་ཉིད་ཡོངས་སུ་དག་པ།
eKangyur, UT4CZ5369-I1KG9146-0000, page 224 (112b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97965#UT22084-014-001-97965