The Perfection of Wisdom in One Hundred Thousand Lines
F.108.a
སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། དྲི་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མི་དད་དོ། །སེམས་ཅན་ཡོངས་སུ་དག་པས། རོ་ཡོངས་སུ་དག་པ། རོ་ཡོངས་སུ་དག་པས། སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། རོ་ཡོངས་སུ་དག་པ་འདི་ལ་གཉིས་སུ་མེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སེམས་ཅན་ཡོངས་སུ་དག་པས། རེག་ཡོངས་སུ་དག་པ། རེག་ཡོངས་སུ་དག་པས། སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། རེག་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སེམས་ཅན་ཡོངས་སུ་དག་པས། ཆོས་ཡོངས་སུ་དག་པ། ཆོས་ཡོངས་སུ་དག་པས། སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། ཆོས་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མི་དད་དོ། །སེམས་ཅན་ཡོངས་སུ་དག་པས། མྱིག་གི་རྣམ་པར་ཤེས་པ་ཡོངས་སུ་དག་པ། མིག་གི་རྣམ་པར་ཤེས་པ་ཡོངས་སུ་དག་པས། སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། མྱིག་གི་རྣམ་པར་ཤེས་པ་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སེམས་ཅན་ཡོངས་སུ་དག་པས། རྣ་བའི་རྣམ་པར་ཤེས་པ་ཡོངས་སུ་དག་པ། རྣ་བའི་རྣམ་པར་ཤེས་པ་ཡོངས་སུ་དག་པས། སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། རྣ་བའི་རྣམ་པར་ཤེས་པ་ཡོངས་སུ་དག་པ་འདི་ལ་གཉིས་སུ་མེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ། །སེམས་ཅན་ཡོངས་སུ་དག་པས། སྣའི་རྣམ་པར་ཤེས་པ་ཡོངས་སུ་དག་པ། སྣའི་རྣམ་པར་ཤེས་པ་ཡོངས་སུ་དག་པས། སེམས་ཅན་ཡོངས་སུ་དག་པ་སྟེ། དེ་ལྟར་ན་སེམས་ཅན་ཡོངས་སུ་དག་པ་དང་། སྣའི་རྣམ་པར་ཤེས་པ་ཡོངས་སུ་དག་པ་འདི་ལ་གཉིས་སུ་མྱེད་དེ་གཉིས་སུ་བྱར་མྱེད་སོ་སོ་མ་ཡིན་ཐ་མྱི་དད་དོ།
eKangyur, UT4CZ5369-I1KG9146-0000, page 215 (108a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97956#UT22084-014-001-97956