The Perfection of Wisdom in One Hundred Thousand Lines
F.264.b
།བཅོམ་ལྡན་འདས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། མ་རིག་པ་ཆེ་བར་བགྱིད་པ་འམ། ཆུང་བར་བགྱིད་པ་འམ། འདུ་བྱེད་ཆེ་བར་བགྱིད་པ་འམ། ཆུང་བར་བགྱིད་པ་འམ། རྣམ་པར་ཤེས་པ་ཆེ་བར་བགྱིད་པ་འམ། ཆུང་བར་བགྱིད་པ་འམ། མྱིང་དང་གཟུགས་ཆེ་བར་བགྱིད་པ་འམ། ཆུང་བར་བགྱིད་པ་འམ། སྐྱེ་མཆེད་དྲུག་ཆེ་བར་བགྱིད་པ་འམ། ཆུང་བར་བགྱིད་པ་འམ། རེག་པ་ཆེ་བར་བགྱིད་པ་འམ། ཆུང་བར་བགྱིད་པ་འམ། ཚོར་བ་ཆེ་བར་བགྱིད་པ་འམ་ཆུང་བར་བགྱིད་པ་འམ། སྲེད་པ་ཆེ་བར་བགྱིད་པ་འམ། ཆུང་བར་བགྱིད་པ་འམ། ལེན་པ་ཆེ་བར་བགྱིད་པ་འམ། ཆུང་བར་བགྱིད་པ་འམ། སྲིད་པ་ཆེ་བར་བགྱིད་པ་འམ། ཆུང་བར་བགྱིད་པ་འམ། སྐྱེ་བ་ཆེ་བར་བགྱིད་པ་འམ། ཆུང་བར་བགྱིད་པ་འམ། རྒ་ཤི་ཆེ་བར་བགྱིད་པ་འམ། ཆུང་བར་བགྱིད་པ་དེ་ནི། དེའི་དམྱིགས་པ་ཆེན་པོར་འགྱུར་རོ། །བཅོམ་ལྡན་འདས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། སྦྱིན་པའི་ཕ་རོལ་ཏུ་ཕྱིན་པ་ཆེ་བར་བགྱིད་པ་འམ། ཆུང་བར་བགྱིད་པ་འམ། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཆེ་བར་བགྱིད་པ་འམ། ཆུང་བར་བགྱིད་པ་འམ། བཟོད་པའི་ཕ་རོལ་ཏུ་ཕྱིན་པ་ཆེ་བར་བགྱིད་པ་འམ། ཆུང་བར་བགྱིད་པ་འམ། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཆེ་བར་བགྱིད་པ་འམ། ཆུང་བར་བགྱིད་པ་འམ། བསམ་གཏན་གྱི་ཕ་རོལ་ཏུ་ཕྱིན་པ་ཆེ་བར་བགྱིད་པ་འམ། ཆུང་བར་བགྱིད་པ་འམ་དེ་ནི། དེའི་དམྱིགས་པ་ཆེན་པོར་འགྱུར་རོ། །བཅོམ་ལྡན་འདས་དེ་ལྟར་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ། ནང་སྟོང་པ་ཉིད་ཆེ་བར་བགྱིད་པ་འམ། ཆུང་བར་བགྱིད་པ་འམ། ཕྱི་སྟོང་པ་ཉིད་ཆེ་བར་བགྱིད་པ་འམ། ཆུང་བར་བགྱིད་པ་འམ། ཕྱི་ནང་སྟོང་པ་ཉིད་ཆེ་བར་བགྱིད་པ་འམ། ཆུང་བར་བགྱིད་པ་འམ། སྟོང་པ་ཉིད་སྟོང་པ་ཉིད་ཆེ་བར་བགྱིད་པ་འམ། ཆུང་བར་བགྱིད་པ་འམ། ཆེན་པོ་སྟོང་པ་ཉིད་ཆེ་བར་བགྱིད་པ་འམ། ཆུང་བར་བགྱིད་པ་འམ། དོན་དམ་པ་སྟོང་པ་ཉིད་ཆེ་བར་བགྱིད་པ་འམ།
eKangyur, UT4CZ5369-I1KG9145-0000, page 528 (264b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97510#UT22084-014-001-97510