The Perfection of Wisdom in One Hundred Thousand Lines
F.235.b
།ལྕེའི་འདུས་ཏེ་རེག་པ་ལས་བྱུང་བའི་ཚོར་བ་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །ལུས་ཀྱི་འདུས་ཏེ་རེག་པ་ལས་བྱུང་བའི་ཚོར་བ་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །ཡིད་ཀྱི་འདུས་ཏེ་རེག་པ་ལས་བྱུང་བའི་ཚོར་བ་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ནི། སའི་ཁམས་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །ཆུའི་ཁམས་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །མྱེའི་ཁམས་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །རླུང་གི་ཁམས་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །ནམ་མཁའི་ཁམས་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །རྣམ་པར་ཤེས་པའི་ཁམས་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ནི། མ་རིག་པ་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །འདུ་བྱེད་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །རྣམ་པར་ཤེས་པ་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །མྱིང་དང་གཟུགས་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །སྐྱེ་མཆེད་དྲུག་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །རེག་པ་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །ཚོར་བ་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །སྲེད་པ་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །ལེན་པ་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །སྲིད་པ་རྒྱ་ཆེན་པོར་མྱི་བྱེད་རྒྱ་ཆུང་ངུར་མི་བྱེད་དོ། །སྐྱེ་བ་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །རྒ་ཤི་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ནི། སྦྱིན་པའི་ཕ་རོལ་ཏུ་ཕྱིན་པ་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །བཟོད་པའི་ཕ་རོལ་ཏུ་ཕྱིན་པ་རྒྱ་ཆེན་པོར་མྱི་བྱེད། རྒྱ་ཆུང་ངུར་མྱི་བྱེད་དོ། །བརྩོན་འགྲུས་ཀྱི་ཕ་རོལ་ཏུ་ཕྱིན་པ་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །བསམ་གཏན་གྱི་ཕ་རོལ་ཏུ་ཕྱིན་པ་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ། །ཤེས་རབ་ཀྱི་ཕ་རོལ་ཏུ་ཕྱིན་པ་ནི། ནང་སྟོང་པ་ཉིད་རྒྱ་ཆེན་པོར་མྱི་བྱེད་རྒྱ་ཆུང་ངུར་མྱི་བྱེད་དོ།
eKangyur, UT4CZ5369-I1KG9145-0000, page 470 (235b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97452#UT22084-014-001-97452