The Perfection of Wisdom in One Hundred Thousand Lines
F.222.b
།རང་གི་མཚན་ཉིད་སྟོང་པ་ཉིད་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །མྱི་དམྱིགས་པ་སྟོང་པ་ཉིད་ཚད་མཆིས་པར་མི་བགྱིད་ཚད་མ་མཆིས་པར་མྱི་བགྱིད་དོ། །དངོས་པོ་མྱེད་པ་སྟོང་པ་ཉིད་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །ངོ་བོ་ཉིད་སྟོང་པ་ཉིད་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །དྲན་པ་ཉེ་བར་གཞག་པ་རྣམས་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །ཡང་དག་པར་སྤོང་བ་རྣམས་ཚད་མཆིས་པར་མི་བགྱིད་ཚད་མ་མཆིས་པར་མྱི་བགྱིད་དོ། །རྫུ་འཕྲུལ་གྱི་རྐང་པ་རྣམས་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །དབང་པོ་རྣམས་ཚད་མཆིས་པར་མྱི་བགྱིད་ཚད་མ་མཆིས་པར་མི་བགྱིད་དོ། །སྟོབས་རྣམས་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །བྱང་ཆུབ་ཀྱི་ཡན་ལག་རྣམས་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །འཕགས་པའི་ལམ་ཡན་ལག་བརྒྱད་པ་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །འཕགས་པའི་བདེན་པ་རྣམས་ཚད་མཆིས་པར་མྱི་བགྱིད་ཚད་མ་མཆིས་པར་མི་བགྱིད་དོ། །བསམ་གཏན་རྣམས་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །ཚད་མྱེད་པ་རྣམས་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །གཟུགས་མྱེད་པའི་སྙོམས་པར་འཇུག་པ་རྣམས་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །རྣམ་པར་ཐར་པ་བརྒྱད་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །མཐར་ཀྱིས་གནས་པའི་སྙོམས་པར་འཇུག་པ་དགུ་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །རྣམ་པར་ཐར་པའི་སྒོ་སྟོང་པ་ཉིད་དང་མཚན་མ་མྱེད་པ་དང་། སྨོན་པ་མྱེད་པ་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །མངོན་པར་ཤེས་པ་རྣམས་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ།
eKangyur, UT4CZ5369-I1KG9145-0000, page 444 (222b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97426#UT22084-014-001-97426