The Perfection of Wisdom in One Hundred Thousand Lines
F.220.b
།མཐར་ཀྱིས་གནས་པའི་སྙོམས་པར་འཇུག་པ་དགུ་འདུ་བར་མྱི་བགྱིད་ཡངས་པར་མྱི་བགྱིད་དོ། །རྣམ་པར་ཐར་པའི་སྒོ་སྟོང་པ་ཉིད་དང་མཚན་མ་མྱེད་པ་དང་སྨོན་པ་མྱེད་པ་འདུ་བར་མྱི་བགྱིད་ཡངས་པར་མྱི་བགྱིད་དོ། །མངོན་པར་ཤེས་པ་རྣམས་འདུ་བར་མྱི་བགྱིད་ཡངས་པར་མྱི་བགྱིད་དོ། །ཏིང་ངེ་འཛིན་རྣམས་འདུ་བར་མྱི་བགྱིད་ཡངས་པར་མྱི་བགྱིད་དོ། །གཟུངས་ཀྱི་སྒོ་རྣམས་འདུ་བར་མྱི་བགྱིད་ཡངས་པར་མྱི་བགྱིད་དོ། །དེ་བཞིན་གཤེགས་པའི་སྟོབས་བཅུ་འདུ་བར་མྱི་བགྱིད་ཡངས་པར་མྱི་བགྱིད་དོ། །མྱི་འཇིགས་པ་བཞི་འདུ་བར་མྱི་བགྱིད་ཡངས་པར་མྱི་བགྱིད་དོ། །སོ་སོ་ཡང་དག་པར་རིག་པ་བཞི་འདུ་བར་མྱི་བགྱིད་ཡངས་པར་མྱི་བགྱིད་དོ། །སྙིང་རྗེ་ཆེན་པོ་འདུ་བར་མྱི་བགྱིད་ཡངས་པར་མྱི་བགྱིད་དོ། །སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་འདུ་བར་མྱི་བགྱིད་ཡངས་པར་མྱི་བགྱིད་དོ། །རྒྱུན་དུ་ཞུགས་པའི་འབྲས་བུ་འདུ་བར་མྱི་བགྱིད་ཡངས་པར་མྱི་བགྱིད་དོ། །ལན་ཅིག་ཕྱིར་འོང་བའི་འབྲས་བུ་འདུ་བར་མྱི་བགྱིད་ཡངས་པར་མྱི་བགྱིད་དོ། །ཕྱིར་མི་འོང་པའི་འབྲས་བུ་འདུ་བར་མྱི་བགྱིད་ཡངས་པར་མྱི་བགྱིད་དོ། །དགྲ་བཅོམ་པ་ཉིད་འདུ་བར་མྱི་བགྱིད་ཡངས་པར་མྱི་བགྱིད་དོ། །རང་བྱང་ཆུབ་འདུ་བར་མི་བགྱིད་ཡངས་པར་མི་བགྱིད་དོ། །ལམ་གྱི་རྣམ་པ་ཤེས་པ་ཉིད་འདུ་བར་མྱི་བགྱིད་ཡངས་པར་མྱི་བགྱིད་དོ། །བྱང་ཆུབ་དང་སངས་རྒྱས་དང་སངས་རྒྱས་ཀྱི་ཆོས་རྣམས་འདུ་བར་མྱི་བགྱིད་ཡངས་པར་མྱི་བགྱིད་དོ། །གཞན་ཡང་ཤེས་རབ་ཀྱི་ཕ་རོལ་ཏུ་ཕྱིན་པ་ནི། གཟུགས་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །ཚོར་བ་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །འདུ་ཤེས་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །འདུ་བྱེད་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །རྣམ་པར་ཤེས་པ་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །མིག་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །རྣ་བ་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ། །སྣ་ཚད་མཆིས་པར་མྱི་བགྱིད་ཚད་མ་མཆིས་པར་མྱི་བགྱིད་དོ།
eKangyur, UT4CZ5369-I1KG9145-0000, page 440 (220b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97422#UT22084-014-001-97422