The Perfection of Wisdom in One Hundred Thousand Lines
F.219.a
།རྣ་བ་འདུ་བར་མྱི་བགྱིད་ཡངས་པར་མྱི་བགྱིད་དོ། །སྣ་འདུ་བར་མྱི་བགྱིད་ཡངས་པར་མྱི་བགྱིད་དོ། །ལྕེ་འདུ་བར་མྱི་བགྱིད་ཡངས་པར་མྱི་བགྱིད་དོ། །ལུས་འདུ་བར་མྱི་བགྱིད་ཡངས་པར་མྱི་བགྱིད་དོ། །ཡིད་འདུ་བར་མྱི་བགྱིད་ཡངས་པར་མྱི་བགྱིད་དོ། །གཟུགས་འདུ་བར་མྱི་བགྱིད་ཡངས་པར་མྱི་བགྱིད་དོ། །སྒྲ་འདུ་བར་མྱི་བགྱིད་ཡངས་པར་མྱི་བགྱིད་དོ། །དྲི་འདུ་བར་མི་བགྱིད་ཡངས་པར་མྱི་བགྱིད་དོ། །རོ་འདུ་བར་མྱི་བགྱིད་ཡངས་པར་མྱི་བགྱིད་དོ། །རེག་འདུ་བར་མྱི་བགྱིད་ཡངས་པར་མྱི་བགྱིད་དོ། །ཆོས་འདུ་བར་མི་བགྱིད་ཡངས་པར་མི་བགྱིད་དོ། །མྱིག་གི་རྣམ་པར་ཤེས་པ་འདུ་བར་མྱི་བགྱིད་ཡངས་པར་མྱི་བགྱིད་དོ། །རྣ་བའི་རྣམ་པར་ཤེས་པ་འདུ་བར་མྱི་བགྱིད་ཡངས་པར་མི་བགྱིད་དོ། །སྣའི་རྣམ་པར་ཤེས་པ་འདུ་བར་མྱི་བགྱིད་ཡངས་པར་མྱི་བགྱིད་དོ། །ལྕེའི་རྣམ་པར་ཤེས་པ་འདུ་བར་མྱི་བགྱིད་ཡངས་པར་མྱི་བགྱིད་དོ། །ལུས་ཀྱི་རྣམ་པར་ཤེས་པ་འདུ་བར་མི་བགྱིད་ཡངས་པར་མྱི་བགྱིད་དོ། །ཡིད་ཀྱི་རྣམ་པར་ཤེས་པ་འདུ་བར་མི་བགྱིད་ཡངས་པར་མྱི་བགྱིད་དོ། །མྱིག་གི་འདུས་ཏེ་རེག་པ་འདུ་བར་མི་བགྱིད་ཡངས་པར་མི་བགྱིད་དོ། །རྣ་བའི་འདུས་ཏེ་རེག་པ་འདུ་བར་མྱི་བགྱིད་ཡངས་པར་མི་བགྱིད་དོ། །སྣའི་འདུས་ཏེ་རེག་པ་འདུ་བར་མི་བགྱིད་ཡངས་པར་མི་བགྱིད་དོ། །ལྕེའི་འདུས་ཏེ་རེག་པ་འདུ་བར་མྱི་བགྱིད་ཡངས་པར་མི་བགྱིད་དོ། །ལུས་ཀྱི་འདུས་ཏེ་རེག་པ་འདུ་བར་མི་བགྱིད་ཡངས་པར་མི་བགྱིད་དོ། །ཡིད་ཀྱི་འདུས་ཏེ་རེག་པ་འདུ་བར་མི་བགྱིད་ཡངས་པར་མི་བགྱིད་དོ། །མྱིག་གི་འདུས་ཏེ་རེག་པའི་རྐྱེན་ཀྱིས་ཚོར་བ་འདུ་བར་མྱི་བགྱིད་ཡངས་པར་མྱི་བགྱིད་དོ། །རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་འདུ་བར་མི་བགྱིད་ཡངས་པར་མྱི་བགྱིད་དོ། །སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་འདུ་བར་མྱི་བགྱིད་ཡངས་པར་མི་བགྱིད་དོ། །ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་འདུ་བར་མྱི་བགྱིད་ཡངས་པར་མྱི་བགྱིད་དོ། །ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་འདུ་བར་མི་བགྱིད་ཡངས་པར་མྱི་བགྱིད་དོ། །ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་འདུ་བར་མི་བགྱིད་ཡངས་པར་མི་བགྱིད་དོ། །སའི་ཁམས་འདུ་བར་མི་བགྱིད་ཡངས་པར་མྱི་བགྱིད་དོ།
eKangyur, UT4CZ5369-I1KG9145-0000, page 437 (219a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97419#UT22084-014-001-97419