The Perfection of Wisdom in One Hundred Thousand Lines
F.218.a
།ཕྱི་སྟོང་པ་ཉིད་ཆེ་བར་མྱི་བགྱིད་ཆུང་བར་མྱི་བགྱིད་དོ། །ཕྱི་ནང་སྟོང་པ་ཉིད་ཆེ་བར་མྱི་བགྱིད་ཆུང་བར་མི་བགྱིད་དོ། །སྟོང་པ་ཉིད་སྟོང་པ་ཉིད་ཆེ་བར་མྱི་བགྱིད་ཆུང་བར་མྱི་བགྱིད་དོ། །ཆེན་པོ་སྟོང་པ་ཉིད་ཆེ་བར་མྱི་བགྱིད་ཆུང་བར་མྱི་བགྱིད་དོ། །དོན་དམ་པ་སྟོང་པ་ཉིད་ཆེ་བར་མྱི་བགྱིད་ཆུང་བར་མྱི་བགྱིད་དོ། །འདུས་བྱས་སྟོང་པ་ཉིད་ཆེ་བར་མྱི་བགྱིད་ཆུང་བར་མྱི་བགྱིད་དོ། །འདུས་མ་བྱས་སྟོང་པ་ཉིད་ཆེ་བར་མྱི་བགྱིད་ཆུང་བར་མྱི་བགྱིད་དོ། །མཐའ་ལས་འདས་པ་སྟོང་པ་ཉིད་ཆེ་བར་མྱི་བགྱིད་ཆུང་བར་མྱི་བགྱིད་དོ། །ཐོག་མ་དང་ཐ་མ་མྱེད་པ་སྟོང་པ་ཉིད་ཆེ་བར་མྱི་བགྱིད་ཆུང་བར་མྱི་བགྱིད་དོ། །དོར་བ་མྱེད་པ་སྟོང་པ་ཉིད་ཆེ་བར་མྱི་བགྱིད་ཆུང་བར་མྱི་བགྱིད་དོ། །རང་བཞིན་སྟོང་པ་ཉིད་ཆེ་བར་མྱི་བགྱིད་ཆུང་བར་མྱི་བགྱིད་དོ། །ཆོས་ཐམས་ཅད་སྟོང་པ་ཉིད་ཆེ་བར་མྱི་བགྱིད་ཆུང་བར་མྱི་བགྱིད་དོ། །རང་གི་མཚན་ཉིད་སྟོང་པ་ཉིད་ཆེ་བར་མྱི་བགྱིད་ཆུང་བར་མྱི་བགྱིད་དོ། །མྱི་དམྱིགས་པ་སྟོང་པ་ཉིད་ཆེ་བར་མྱི་བགྱིད་ཆུང་བར་མྱི་བགྱིད་དོ། །དངོས་པོ་མྱེད་པ་སྟོང་པ་ཉིད་ཆེ་བར་མྱི་བགྱིད་ཆུང་བར་མྱི་བགྱིད་དོ། །ངོ་བོ་ཉིད་སྟོང་པ་ཉིད་ཆེ་བར་མྱི་བགྱིད་ཆུང་བར་མྱི་བགྱིད་དོ། །དངོས་པོ་མྱེད་པའི་ངོ་བོ་ཉིད་སྟོང་པ་ཉིད་ཆེ་བར་མྱི་བགྱིད་ཆུང་བར་མྱི་བགྱིད་དོ། །དྲན་པ་ཉེ་བར་གཞག་པ་རྣམས་ཆེ་བར་མྱི་བགྱིད་ཆུང་བར་མི་བགྱིད་དོ། །ཡང་དག་པར་སྤོང་བ་རྣམས་ཆེ་བར་མྱི་བགྱིད་ཆུང་བར་མྱི་བགྱིད་དོ། །རྫུ་འཕྲུལ་གྱི་རྐང་པ་རྣམས་ཆེ་བར་མྱི་བགྱིད་ཆུང་བར་མྱི་བགྱིད་དོ། །དབང་པོ་རྣམས་ཆེ་བར་མྱི་བགྱིད་ཆུང་བར་མྱི་བགྱིད་དོ། །སྟོབས་རྣམས་ཆེ་བར་མྱི་བགྱིད་ཆུང་བར་མྱི་བགྱིད་དོ། །བྱང་ཆུབ་ཀྱི་ཡན་ལག་རྣམས་ཆེ་བར་མྱི་བགྱིད་ཆུང་བར་མྱི་བགྱིད་དོ། །འཕགས་པའི་ལམ་ཡན་ལག་བརྒྱད་པ་ཆེ་བར་མྱི་བགྱིད་ཆུང་བར་མྱི་བགྱིད་དོ། །འཕགས་པའི་བདེན་པ་རྣམས་ཆེ་བར་མྱི་བགྱིད་ཆུང་བར་མྱི་བགྱིད་དོ། །བསམ་གཏན་རྣམས་ཆེ་བར་མྱི་བགྱིད་ཆུང་བར་མྱི་བགྱིད་དོ། །ཚད་མེད་པ་རྣམས་ཆེ་བར་མྱི་བགྱིད་ཆུང་བར་མྱི་བགྱིད་དོ། །གཟུགས་མྱེད་པའི་སྙོམས་པར་འཇུག་པ་རྣམས་ཆེ་བར་མྱི་བགྱིད་ཆུང་བར་མི་བགྱིད་དོ།
eKangyur, UT4CZ5369-I1KG9145-0000, page 435 (218a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97417#UT22084-014-001-97417