The Perfection of Wisdom in One Hundred Thousand Lines
F.163.b
མ་འོངས་པ་ཡང་མ་ཡིན། ད་ལྟར་བྱུང་བ་ཡང་མ་ཡིན་ཏེ། དེ་དག་ནི་མཚན་མའི་ཚུལ་ལམ། དམྱིགས་པའི་ཚུལ་གྱིས་ཡོངས་སུ་བསྔོ་བར་མྱི་ནུས་སོ། །དེ་ཅིའི་ཕྱིར་ཞེ་ན། དེ་དག་ལ་རང་བཞིན་མྱེད་དོ། །གང་ལ་རང་བཞིན་མེད་པ་དེ་དག་ནི་དངོས་པོ་མྱེད་པ་སྟེ། དངོས་པོ་མྱེད་པ་ནི་དངོས་པོ་མྱེད་པས་ཡོངས་སུ་བསྔོ་བར་མྱི་ནུས་སོ། །རྒྱུན་ཏུ་ཞུགས་པའི་འབྲས་བུ་གང་འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མྱེད་པའི་ཁམས་ཀྱི་ཁོངས་སུ་ཆུད་པ་མ་ཡིན་པ་དེ་ནི། འདས་པ་ཡང་མ་ཡིན། མ་འོངས་པ་ཡང་མ་ཡིན། ད་ལྟར་བྱུང་བ་ཡང་མ་ཡིན་ཏེ། དེ་ནི་མཚན་མའི་ཚུལ་ལམ། དམྱིགས་པའི་ཚུལ་གྱིས་ཡོངས་སུ་བསྔོ་བར་མྱི་ནུས་སོ། །དེ་ཅིའི་ཕྱིར་ཞེ་ན། དེ་ལ་རང་བཞིན་མྱེད་དོ། །གང་ལ་རང་བཞིན་མྱེད་པ་དེ་ནི་དངོས་པོ་མྱེད་པ་སྟེ། དངོས་པོ་མྱེད་པ་ནི་དངོས་པོ་མྱེད་པས་ཡོངས་སུ་བསྔོ་བར་མྱི་ནུས་སོ། །ལན་ཅིག་ཕྱིར་འོང་བའི་འབྲས་བུ་གང་འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མྱེད་པའི་ཁམས་ཀྱི་ཁོངས་སུ་ཆུད་པ་མ་ཡིན་པ་དེ་ནི། འདས་པ་ཡང་མ་ཡིན། མ་འོངས་པ་ཡང་མ་ཡིན། ད་ལྟར་བྱུང་བ་ཡང་མ་ཡིན་ཏེ། དེ་ནི་མཚན་མའི་ཚུལ་ལམ། དམྱིགས་པའི་ཚུལ་གྱིས་ཡོངས་སུ་བསྔོ་བར་མྱི་ནུས་སོ། །དེ་ཅིའི་ཕྱིར་ཞེ་ན། དེ་ལ་རང་བཞིན་མྱེད་དོ། །གང་ལ་རང་བཞིན་མྱེད་པ་དེ་ནི་དངོས་པོ་མྱེད་པ་སྟེ། དངོས་པོ་མྱེད་པ་ནི་དངོས་པོ་མྱེད་པས་ཡོངས་སུ་བསྔོ་བར་མྱི་ནུས་སོ། །ཕྱིར་མྱི་འོང་བའི་འབྲས་བུ་གང་འདོད་པའི་ཁམས་དང་། གཟུགས་ཀྱི་ཁམས་དང་། གཟུགས་མྱེད་པའི་ཁམས་ཀྱི་ཁོངས་སུ་ཆུད་པ་མ་ཡིན་པ་དེ་ནི། འདས་པ་ཡང་མ་ཡིན། མ་འོངས་པ་ཡང་མ་ཡིན། ད་ལྟར་བྱུང་བ་ཡང་མ་ཡིན་ཏེ། དེ་ནི་མཚན་མའི་ཚུལ་ལམ། དམྱིགས་པའི་ཚུལ་གྱིས་ཡོངས་སུ་བསྔོ་བར་མྱི་ནུས་སོ། །དེ་ཅིའི་ཕྱིར་ཞེ་ན། དེ་ལ་རང་བཞིན་མྱེད་དོ། །གང་ལ་རང་བཞིན་མྱེད་པ་དེ་ནི་དངོས་པོ་མྱེད་པ་སྟེ། དངོས་པོ་མྱེད་པ་ནི་དངོས་པོ་མྱེད་པས་ཡོངས་སུ་བསྔོ་བར་མྱི་ནུས་སོ། །དགྲ་བཅོམ་པ་ཉིད་གང་འདོད་པའི་ཁམས་དང་།
eKangyur, UT4CZ5369-I1KG9145-0000, page 326 (163b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-97310#UT22084-014-001-97310