The Perfection of Wisdom in One Hundred Thousand Lines
F.256.a
སོ་སོ་ཡང་དག་པར་རིག་པ་བཞིའི་ལེགས་པ་རྗོད་པར་འགྱུར། གཞན་སོ་སོ་ཡང་དག་པར་རིག་པ་བཞི་ལ་སྒོམ་ན་ཡང་དེ་དག་གི་ལེགས་པ་རྗོད་ཅིང་རྗེས་སུ་དགའ་བར་འགྱུར་རོ། །བདག་ཀྱང་བྱམས་པ་ཆེན་པོ་ལ་སྙོམས་པར་འཇུག་པར་འགྱུར། གཞན་ཡང་བྱམས་པ་ཆེན་པོ་ལ་སྙོམས་པར་འཇུག་པར་ཡང་དག་པར་སྐུལ་བར་འགྱུར། བྱམས་པ་ཆེན་པོ་ལ་སྙོམས་པར་འཇུག་པའི་ལེགས་པ་རྗོད་པར་འགྱུར། གཞན་བྱམས་པ་ཆེན་པོ་ལ་སྙོམས་པར་འཇུག་ན། ཡང་དེ་དག་གི་ལེགས་པ་རྗོད་ཅིང་རྗེས་སུ་དགའ་བར་འགྱུར་རོ། །བདག་ཀྱང་སྙིང་རྗེ་ཆེན་པོ་ལ་སྒོམ་པར་འགྱུར། གཞན་ཡང་སྙིང་རྗེ་ཆེན་པོ་ལ་བསྒོམ་པར་ཡང་དག་བར་སྐུལ་བར་འགྱུར། སྙིང་རྗེ་ཆེན་པོ་སྒོམ་པའི་ལེགས་པ་རྗོད་པར་འགྱུར། གཞན་སྙིང་རྗེ་ཆེན་པོ་ལ་སྒོམ་ན་ཡང་དེ་དག་གི་ལེགས་པ་རྗོད་ཅིང་རྗེས་སུ་དགའ་བར་འགྱུར་རོ། །བདག་ཀྱང་སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་སྒྲུབ་པར་འགྱུར། གཞན་ཡང་སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་བསྒྲུབ་པ་ལ་ཡང་དག་པར་སྐུལ་བར་འགྱུར། སངས་རྒྱས་ཀྱི་ཆོས་མ་འདྲེས་པ་སྒྲུབ་པའི་ལེགས་པ་རྗོད་པར་འགྱུར། གཞན་སངས་རྒྱས་ཀྱི་ཆོས་མ་འདྲེས་པ་རྣམས་སྒྲུབ་པར་གྱུར་ན་ཡང་དེ་དག་གི་ལེགས་པ་རྗོད་ཅིང་རྗེས་སུ་དགའ་བར་འགྱུར་རོ། །བདག་ཀྱང་ཡོངས་སུ་མྱི་ཉམ་པའི་ཆོས་ཅན་དུ་འགྱུར། གཞན་ཡང་ཡོངས་སུ་མྱི་ཉམ་པའི་ཆོས་ཉིད་ལ་ཡང་དག་བར་སྐུལ་བར་འགྱུར། ཡོངས་སུ་མྱི་ཉམ་པའི་ཆོས་ཉིད་ཀྱི་ལེགས་པ་རྗོད་པར་འགྱུར། གཞན་ཡོངས་སུ་མྱི་ཉམ་པའི་ཆོས་ཅན་དུ་གྱུར་ན་ཡང་དེ་དག་གི་ལེགས་པ་རྗོད་ཅིང་རྗེས་སུ་དགའ་བར་འགྱུར་རོ། །བདག་ཀྱང་རྟག་ཏུ་བཏང་སྙོམས་ལ་གནས་པར་འགྱུར། གཞན་ཡང་རྟག་ཏུ་བཏང་སྙོམས་ལ་གནས་པར་ཡང་དག་པར་སྐུལ་བར་འགྱུར། བཏང་སྙོམས་ལ་རྟག་ཏུ་གནས་པའི་ལེགས་པ་རྗོད་པར་འགྱུར།
eKangyur, UT4CZ5369-I1KG9144-0000, page 511 (256a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96726#UT22084-014-001-96726