The Perfection of Wisdom in One Hundred Thousand Lines
F.219.a
།ཀཽ་ཤི་ཀ་ཐམས་ཅད་ཤེས་པ་ཉིད་མཐའ་ཡས་པའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་འདི་མཐའ་ཡས་པ་སྟེ། དེ་ཅིའི་ཕྱིར་ཞེ་ན། ཀཽ་ཤི་ཀ་དེ་ནི་འདི་ལྟར་ཐམས་ཅད་ཤེས་པ་ཉིད་ཀྱི་མཐའ་དང་དབུས་མྱི་དམྱིགས་སོ། །ཀཽ་ཤི་ཀ་ལམ་གྱི་རྣམ་པ་ཤེས་པ་ཉིད་མཐའ་ཡས་པའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་འདི་མཐའ་ཡས་པ་སྟེ། དེ་ཅིའི་ཕྱིར་ཞེ་ན། ཀཽ་ཤི་ཀ་དེ་ནི་འདི་ལྟར་ལམ་གྱི་རྣམ་པ་ཤེས་པ་ཉིད་ཀྱི་མཐའ་དང་དབུས་མྱི་དམྱིགས་སོ། །ཀཽ་ཤི་ཀ་རྣམ་པ་ཐམས་ཅད་མཁྱེན་པ་ཉིད་མཐའ་ཡས་པའི་ཕྱིར། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་འདི་མཐའ་ཡས་པ་སྟེ། དེ་ཅིའི་ཕྱིར་ཞེ་ན། ཀཽ་ཤི་ཀ་དེ་ནི་འདི་ལྟར་རྣམ་པ་ཐམས་ཅད་མཁྱེན་པ་ཉིད་ཀྱི་མཐའ་དང་དབུས་མྱི་དམྱིགས་སོ། །ཀཽ་ཤི་ཀ་རྣམ་གྲངས་དེས་ན། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་ཕ་རོལ་ཏུ་ཕྱིན་པ་འདི་ནི་གཟུགས་མཐའ་ཡས་པ་དང་། ཚོར་བ་མཐའ་ཡས་པ་དང་། འདུ་ཤེས་མཐའ་ཡས་པ་དང་། འདུ་བྱེད་མཐའ་ཡས་པ་དང་། རྣམ་པར་ཤེས་པ་མཐའ་ཡས་པ་དང་། མྱིག་མཐའ་ཡས་པ་དང་། རྣ་བ་མཐའ་ཡས་པ་དང་། སྣ་མཐའ་ཡས་པ་དང་། ལྕེ་མཐའ་ཡས་པ་དང་། ལུས་མཐའ་ཡས་པ་དང་། ཡིད་མཐའ་ཡས་པ་དང་། གཟུགས་མཐའ་ཡས་པ་དང་། སྒྲ་མཐའ་ཡས་པ་དང་། དྲི་མཐའ་ཡས་པ་དང་། རོ་མཐའ་ཡས་པ་དང་། རེག་མཐའ་ཡས་པ་དང་། ཆོས་མཐའ་ཡས་བ་དང་། མྱིག་གི་རྣམ་པར་ཤེས་པ་མཐའ་ཡས་པ་དང་། རྣ་བའི་རྣམ་པར་ཤེས་པ་མཐའ་ཡས་པ་དང་། སྣའི་རྣམ་པར་ཤེས་པ་མཐའ་ཡས་པ་དང་། ལྕེའི་རྣམ་པར་ཤེས་པ་མཐའ་ཡས་པ་དང་། ལུས་ཀྱི་རྣམ་པར་ཤེས་པ་མཐའ་ཡས་པ་དང་། ཡིད་ཀྱི་རྣམ་པར་ཤེས་པ་མཐའ་ཡས་པ་དང་། མྱིག་གི་འདུས་ཏེ་རེག་པ་མཐའ་ཡས་པ་དང་། རྣ་བའི་འདུས་ཏེ་རེག་པ་མཐའ་ཡས་པ་དང་།
eKangyur, UT4CZ5369-I1KG9144-0000, page 437 (219a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96656#UT22084-014-001-96656