The Perfection of Wisdom in One Hundred Thousand Lines
F.110.b
།དེ་བཞིན་གཤེགས་པ་ལ་ཡང་མྱིང་དང་གཟུགས་ཀྱི་ཆོས་ཉིད་མྱི་དམྱིགས་སོ། །སྐྱེ་མཆེད་དྲུག་གི་དེ་བཞིན་ཉིད་ལ་ཡང་དེ་བཞིན་གཤེགས་པ་མྱི་དམྱིགས་སོ། །དེ་བཞིན་གཤེགས་པ་ལ་ཡང་སྐྱེ་མཆེད་དྲུག་གི་དེ་བཞིན་ཉིད་མྱི་དམྱིགས་སོ། །སྐྱེ་མཆེད་དྲུག་གི་ཆོས་ཉིད་ལ་ཡང་དེ་བཞིན་གཤེགས་པ་མྱི་དམྱིགས་སོ། །དེ་བཞིན་གཤེགས་པ་ལ་ཡང་སྐྱེ་མཆེད་དྲུག་གི་ཆོས་ཉིད་མྱི་དམྱིགས་སོ། །རེག་པའི་དེ་བཞིན་ཉིད་ལ་ཡང་དེ་བཞིན་གཤེགས་པ་མྱི་དམྱིགས་སོ། །དེ་བཞིན་གཤེགས་པ་ལ་ཡང་རེག་པའི་དེ་བཞིན་ཉིད་མྱི་དམྱིགས་སོ། །རེག་པའི་ཆོས་ཉིད་ལ་ཡང་དེ་བཞིན་གཤེགས་པ་མྱི་དམྱིགས་སོ། །དེ་བཞིན་གཤེགས་པ་ལ་ཡང་རེག་པའི་ཆོས་ཉིད་མྱི་དམྱིགས་སོ། །ཚོར་བའི་དེ་བཞིན་ཉིད་ལ་ཡང་དེ་བཞིན་གཤེགས་པ་མྱི་དམྱིགས་སོ། །དེ་བཞིན་གཤེགས་པ་ལ་ཡང་ཚོར་བའི་དེ་བཞིན་ཉིད་མྱི་དམྱིགས་སོ། །ཚོར་བའི་ཆོས་ཉིད་ལ་ཡང་དེ་བཞིན་གཤེགས་པ་མྱི་དམྱིགས་སོ། །དེ་བཞིན་གཤེགས་པ་ལ་ཡང་ཚོར་བའི་ཆོས་ཉིད་མྱི་དམྱིགས་སོ། །སྲེད་པའི་དེ་བཞིན་ཉིད་ལ་ཡང་དེ་བཞིན་གཤེགས་པ་མྱི་དམྱིགས་སོ། །དེ་བཞིན་གཤེགས་པ་ལ་ཡང་སྲེད་པའི་དེ་བཞིན་ཉིད་མྱི་དམྱིགས་སོ། །སྲེད་པའི་ཆོས་ཉིད་ལ་ཡང་དེ་བཞིན་གཤེགས་པ་མྱི་དམྱིགས་སོ། །དེ་བཞིན་གཤེགས་པ་ལ་ཡང་སྲེད་པའི་ཆོས་ཉིད་མྱི་དམྱིགས་སོ། །ལེན་པའི་དེ་བཞིན་ཉིད་ལ་ཡང་དེ་བཞིན་གཤེགས་པ་མྱི་དམྱིགས་སོ། །དེ་བཞིན་གཤེགས་པ་ལ་ཡང་ལེན་པའི་དེ་བཞིན་ཉིད་མྱི་དམྱིགས་སོ། །ལེན་པའི་ཆོས་ཉིད་ལ་ཡང་དེ་བཞིན་གཤེགས་པ་མྱི་དམྱིགས་སོ། །དེ་བཞིན་གཤེགས་པ་ལ་ཡང་ལེན་པའི་ཆོས་ཉིད་མྱི་དམྱིགས་སོ། །སྲིད་པའི་དེ་བཞིན་ཉིད་ལ་ཡང་དེ་བཞིན་གཤེགས་པ་མྱི་དམྱིགས་སོ། །དེ་བཞིན་གཤེགས་པ་ལ་ཡང་སྲིད་པའི་དེ་བཞིན་ཉིད་མྱི་དམྱིགས་སོ། །སྲིད་པའི་ཆོས་ཉིད་ལ་ཡང་དེ་བཞིན་གཤེགས་པ་མྱི་དམྱིགས་སོ། །དེ་བཞིན་གཤེགས་པ་ལ་ཡང་སྲིད་པའི་ཆོས་ཉིད་མྱི་དམྱིགས་སོ། །སྐྱེ་བའི་དེ་བཞིན་ཉིད་ལ་ཡང་དེ་བཞིན་གཤེགས་པ་མྱི་དམྱིགས་སོ།
eKangyur, UT4CZ5369-I1KG9144-0000, page 220 (110b).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96439#UT22084-014-001-96439