The Perfection of Wisdom in One Hundred Thousand Lines
F.78.a
གང་དྲན་པ་ཉེ་བར་གཞག་པ་རྣམས་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། ཡང་དག་པར་སྤོང་བ་རྣམས་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། རྫུ་འཕྲུལ་གྱི་རྐང་པ་རྣམས་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། དབང་པོ་རྣམས་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། སྟོབས་རྣམས་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། བྱང་ཆུབ་ཀྱི་ཡན་ལག་རྣམས་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། འཕགས་པའི་ལམ་ཡན་ལག་བརྒྱད་པ་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། གང་འཕགས་པའི་བདེན་པ་རྣམས་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། བསམ་གཏན་རྣམས་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། ཚད་མྱེད་པ་རྣམས་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། གཟུགས་མྱེད་པའི་སྙོམས་པར་འཇུག་པ་རྣམས་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། རྣམ་པར་ཐར་པ་བརྒྱད་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། མཐར་ཀྱིས་གནས་པའི་སྙོམས་པར་འཇུག་པ་རྣམས་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། མངོན་པར་ཤེས་པ་རྣམས་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། ཏིང་ངེ་འཛིན་རྣམས་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། གཟུངས་ཀྱི་སྒོ་རྣམས་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། དེ་བཞིན་གཤེགས་པའི་སྟོབས་རྣམས་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། མྱི་འཇིགས་པ་རྣམས་འཕེལ་བར་བྱ་བ་དང་། འགྲིབ་པར་བྱ་བའི་ཕྱིར་མྱི་སློབ་པ་དང་། སོ་སོ་ཡང་དག་པར་རིག་པ་རྣམས་འཕེལ་བར་བྱ་བ་དང་།
eKangyur, UT4CZ5369-I1KG9144-0000, page 155 (78a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96374#UT22084-014-001-96374