The Perfection of Wisdom in One Hundred Thousand Lines
F.72.a
།དེ་ནི་གཉིས་སུ་བྱར་མྱེད་པར་ཡང་དག་པར་སྤོང་བ་རྣམས་ལ་སློབ་བོ། །དེ་ནི་གཉིས་སུ་བྱར་མྱེད་པར་རྫུ་འཕྲུལ་གྱི་རྐང་པ་རྣམས་ལ་སློབ་བོ། །དེ་ནི་གཉིས་སུ་བྱར་མྱེད་པར་དབང་པོ་རྣམས་ལ་སློབ་བོ། །དེ་ནི་གཉིས་སུ་བྱར་མྱེད་པར་སྟོབས་རྣམས་ལ་སློབ་བོ། །དེ་ནི་གཉིས་སུ་བྱར་མྱེད་པར་བྱང་ཆུབ་ཀྱི་ཡན་ལག་རྣམས་ལ་སློབ་བོ། །དེ་ནི་གཉིས་སུ་བྱར་མྱེད་པར་འཕགས་པའི་ལམ་ཡན་ལག་བརྒྱད་པ་ལ་སློབ་བོ། །དེ་ནི་གཉིས་སུ་བྱར་མྱེད་པར་འཕགས་པའི་བདེན་པ་རྣམས་ལ་སློབ་བོ། །དེ་ནི་གཉིས་སུ་བྱར་མྱེད་པར་བསམ་གཏན་རྣམས་ལ་སློབ་བོ། །དེ་ནི་གཉིས་སུ་བྱར་མྱེད་པར་ཚད་མྱེད་པ་རྣམས་ལ་སློབ་བོ། །དེ་ནི་གཉིས་སུ་བྱར་མྱེད་པར་གཟུགས་མྱེད་པའི་སྙོམས་པར་འཇུག་པ་རྣམས་ལ་སློབ་བོ། །དེ་ནི་གཉིས་སུ་བྱར་མྱེད་པར་རྣམ་པར་ཐར་པ་རྣམས་ལ་སློབ་བོ། །དེ་ནི་གཉིས་སུ་བྱར་མྱེད་པར་མཐར་ཀྱིས་གནས་པའི་སྙོམས་པར་འཇུག་པ་རྣམས་ལ་སློབ་བོ། །དེ་ནི་གཉིས་སུ་བྱར་མྱེད་པར་རྣམ་པར་ཐར་པའི་སྒོ་སྟོང་པ་ཉིད་དང་། མཚན་མ་མྱེད་པ་དང་། སྨོན་པ་མྱེད་པ་ལ་སློབ་བོ། །དེ་ནི་གཉིས་སུ་བྱར་མྱེད་པར་མངོན་པར་ཤེས་པ་རྣམས་ལ་སློབ་བོ། །དེ་ནི་གཉིས་སུ་བྱར་མྱེད་པར་ཏིང་ངེ་འཛིན་རྣམས་ལ་སློབ་བོ། །དེ་ནི་གཉིས་སུ་བྱར་མྱེད་པར་གཟུངས་ཀྱི་སྒོ་རྣམས་ལ་སློབ་བོ། །དེ་ནི་གཉིས་སུ་བྱར་མྱེད་པར་དེ་བཞིན་གཤེགས་པའི་སྟོབས་རྣམས་ལ་སློབ་བོ། །དེ་ནི་གཉིས་སུ་བྱར་མྱེད་པར་མྱི་འཇིགས་པ་རྣམས་ལ་སློབ་བོ། །དེ་ནི་གཉིས་སུ་བྱར་མྱེད་པར་སོ་སོ་ཡང་དག་པར་རིག་པ་རྣམས་ལ་སློབ་བོ། །དེ་ནི་གཉིས་སུ་བྱར་མྱེད་པར་བྱམས་པ་ཆེན་པོ་ལ་སློབ་བོ། །དེ་ནི་གཉིས་སུ་བྱར་མྱེད་པར་སྙིང་རྗེ་ཆེན་པོ་ལ་སློབ་བོ། །དེ་ནི་གཉིས་སུ་བྱར་མྱེད་པར་སངས་རྒྱས་ཀྱི་ཆོས་མ་འདྲེས་པ་བཅྭོ་བརྒྱད་ལ་སློབ་བོ། །དེ་ནི་གཉིས་སུ་བྱར་མྱེད་པར་རྒྱུན་ཏུ་ཞུགས་པའི་འབྲས་བུ་ལ་སློབ་བོ། །དེ་ནི་གཉིས་སུ་བྱར་མྱེད་པར་ལན་ཅིག་ཕྱིར་འོང་བའི་འབྲས་བུ་ལ་སློབ་བོ། །དེ་ནི་གཉིས་སུ་བྱར་མྱེད་པར་ཕྱིར་མྱི་འོང་བའི་འབྲས་བུ་ལ་སློབ་བོ། །དེ་ནི་གཉིས་སུ་བྱར་མྱེད་པར་དགྲ་བཅོམ་པ་ཉིད་ལ་སློབ་བོ།
eKangyur, UT4CZ5369-I1KG9144-0000, page 143 (72a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96362#UT22084-014-001-96362