The Perfection of Wisdom in One Hundred Thousand Lines
F.71.a
ཡང་དག་པར་སྤོང་བ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། རྫུ་འཕྲུལ་གྱི་རྐང་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། དབང་པོ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། སྟོབས་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། བྱང་ཆུབ་ཀྱི་ཡན་ལག་སྟོང་པ་ཉིད་ལ་གང་གཉིས་སུ་བྱར་མེད་པར་སློབ་པ་དང་། ལམ་སྟོང་པ་ཉིད་ལ་གང་གཉིས་སུ་བྱར་མེད་པར་སློབ་པ་དང་། འཕགས་པའི་བདེན་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། བསམ་གཏན་སྟོང་པ་ཉིད་ལ་གང་གཉིས་སུ་བྱར་མེད་པར་སློབ་པ་དང་། ཚད་མེད་པ་སྟོང་པ་ཉིད་ལ་གང་གཉིས་སུ་བྱར་མེད་པར་སློབ་པ་དང་། གཟུགས་མྱེད་པའི་སྙོམས་པར་འཇུག་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། རྣམ་པར་ཐར་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། མཐར་ཀྱིས་གནས་པའི་སྙོམས་པར་འཇུག་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། རྣམ་པར་ཐར་པའི་སྒོ་སྟོང་པ་ཉིད་དང་མཚན་མ་མྱེད་པ་དང་། སྨོན་པ་མྱེད་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། མངོན་པར་ཤེས་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། ཏིང་ངེ་འཛིན་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། གཟུངས་ཀྱི་སྒོ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། དེ་བཞིན་གཤེགས་པའི་སྟོབས་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། མྱི་འཇིགས་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། སོ་སོ་ཡང་དག་པར་རིག་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། བྱམས་པ་ཆེན་པོ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། སྙིང་རྗེ་ཆེན་པོ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། སངས་རྒྱས་ཀྱི་ཆོས་མ་འདྲེས་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། ཐམས་ཅད་ཤེས་པ་ཉིད་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། ལམ་གྱི་རྣམ་པ་ཤེས་པ་ཉིད་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། རྣམ་པ་ཐམས་ཅད་མཁྱེན་པ་ཉིད་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དེ་ནི།
eKangyur, UT4CZ5369-I1KG9144-0000, page 141 (71a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96360#UT22084-014-001-96360