The Perfection of Wisdom in One Hundred Thousand Lines
F.70.a
རྣ་བའི་འདུས་ཏེ་རེག་པའི་རྐྱེན་ཀྱིས་ཚོར་བ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། སྣའི་འདུས་ཏེ་རེག་པའི་རྐྱེན་ཀྱིས་ཚོར་བ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། ལྕེའི་འདུས་ཏེ་རེག་པའི་རྐྱེན་ཀྱིས་ཚོར་བ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། ལུས་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། ཡིད་ཀྱི་འདུས་ཏེ་རེག་པའི་རྐྱེན་ཀྱིས་ཚོར་བ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། སའི་ཁམས་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། ཆུའི་ཁམས་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། མྱེའི་ཁམས་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། རླུང་གི་ཁམས་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། ནམ་མཁའི་ཁམས་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། རྣམ་པར་ཤེས་པའི་ཁམས་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། མ་རིག་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། འདུ་བྱེད་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། རྣམ་པར་ཤེས་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། མྱིང་དང་གཟུགས་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། སྐྱེ་མཆེད་དྲུག་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། རེག་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། ཚོར་བ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། སྲེད་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། ལེན་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། སྲིད་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། སྐྱེ་བ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། རྒ་ཤི་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། སྦྱིན་པའི་ཕ་རོལ་ཏུ་ཕྱིན་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་། ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་སྟོང་པ་ཉིད་ལ་གང་གཉིས་སུ་བྱར་མྱེད་པར་སློབ་པ་དང་།
eKangyur, UT4CZ5369-I1KG9144-0000, page 139 (70a).
About the eKangyur
The Tibetan page displayed here is from the eKangyur, a digital input version made by the University of Virginia and the British Library, with help from Esukhia, from scans of the Degé Kangyur held in the U.S. Library of Congress. This post par phud print (BDRC catalogue no. W4CZ5369) was purchased in Beijing and brought to the U.S. by William Rockhill in 1908-9.
Note that 84000 translations are made from a variety of sources, and readings may not always follow this particular version exactly. For details of the readings used in this translation, see Introduction and Notes; for the eKangyur, see the Tibetan and Himalayan Library.
The English translation of this folio by 84000 Translating the words of the Buddha can be found at:
https://read.84000.co/translation/toh8/UT22084-014-001-96358#UT22084-014-001-96358